ဒီရေ သတင်းများ

၎င်းက “အခုလို ပြည်သူလူထုကို စည်းရုံးရေးဆင်းတာ ကောင်းမွန်တဲ့ အလေ့အထ ဖြစ်တယ်။ တိုင်းပြည်မှာ ဘာဖြစ်နေတယ်၊ ကိုယ့်ပါတီက ဘာတွေ ကောင်းအောင် လုပ်ပေးမယ်၊ ပြည်သူတွေအနေနဲ့ ဘယ်လို ပူးပေါင်းဆောင်ရွက်ပါဆိုပြီး ပြောဆိုတာတွေဟာ ကောင်းမွန်သလို အခြားတဖက်မှာလည်း ပါတီအတွက် စည်းရုံးရေးဆင်းတဲ့သူတွေအနေနဲ့ ပြည်သူလူထုရဲ့ သဘောထားတွေကို ဂရုစိုက်ဖို့ လိုအပ်တယ်” ဟု ပြောသည်။

ပြည်သူလူထုသည် ကချင် ပြည်နယ် အတွင်း အေးအေးချမ်းချမ်း နေထိုင်လုပ်ကိုင် စားသောက်လိုကြပြီး အစိုးရတပ်၊ ကေအိုင်အေ၊ အန်ဒီအေ (ကချင်) လဆန်အောင်ဝါ စသည့် အဖွဲ့များ၏ အဖွဲ့ဝင်အချို့ ကျေးရွာသားများ အပေါ် နိုင့်ထက်စီးနင်း၊ လူ့အခွင့်အရေး ချိုးဖောက်မှုများကို မနှစ်မြို့ကြသည့် အတွက် အခွင့်အရေးရခိုက် ကြိုးစားပေးရန်လိုကြောင်း အဆိုပါ ကချင်တိုင်းရင်းသား ခေါင်းဆောင်က ပြောသည်။

မြစ်ကြီးနားမြို့မှ ဝါရင့်နိုင်ငံရေးသမားကြီးတဦးက ကချင်ပြည်နယ် တိုးတက်ရေးပါတီအနေဖြင့် ယခုကဲ့သို့ လူထုကို စည်းရုံးရေး ဆင်းခြင်းမှာ ကောင်းမွန်သော်လည်း စစ်အစိုးရ၏ ၂ဝဝ၈ ဖွဲ့စည်းပုံထဲတွင် သက်ဆိုင်ရာ ကျေးရွာ ရပ်ကွက်အဆင့်၊ မြို့နယ် အာဏာပိုင် အဆင့် အုပ်ချုပ်မည့် သူများကို ပြည်သူများက ရွေးကောက်တင်မြှောက်ပိုင်ခွင့်မရှိဘဲ အစိုးရကသာ ခန့်အပ်ရမည်ဟု ပြဋ္ဌာန်း ထားကြောင်း၊ ပြည်နယ် အဆင့် ဝန်ကြီးချုပ်ကိုလည်း နိုင်ငံတော်သမ္မတက ခန့်အပ်မည်ဖြစ်သည့်အတွက် ယင်းအချက်များကို သတိပြု မိစေချင်ကြောင်း ပြောသည်။

ကချင်ပြည်နယ် တိုးတက်ရေးပါတီ စည်းရုံးရေး ဆင်းနေသည့် အချိန်သည် ကေအိုင်အေနှင့် နအဖ စစ်တပ် အကြား နယ်ခြားစောင့် တပ်ဖွဲ့ရေး ကိစ္စနှင့် ပတ်သက်ပြီး ဆက်ဆံရေး တင်းမာနေသည့် အချိန် ဖြစ်သကဲ့သို့ ပြီးခဲ့သည့် ရက်ပိုင်းက မြစ်ဆုံ ရေကာတာ တည်ဆောက်ရေး လုပ်ငန်း စီမံကိန်း အဆောက်အအုံ တို့တွင် ဗုံးများ ပေါက်ကွဲခဲ့သည့် အချိန်နှင့်လည်း တိုက်ဆိုင်နေသည်။

ကချင်ပြည်နယ် တိုးတက်ရေး ပါတီကို ကေအိုင်အို အဖွဲ့တွင် ယခင်က တာဝန် ထမ်းဆောင် ခဲ့ဖူးသည့် ခေါင်းဆောင် ဟောင်းများ၊ အန်ဒီအေ ကချင်တွင် တာဝန် ထမ်းဆောင် ခဲ့ဖူးသည့် ခေါင်းဆောင်များ အပါအဝင် ကချင် တိုင်းရင်းသား ခေါင်းဆောင်များနှင့် ဖွဲ့စည်းထားပြီး အဖွဲ့၏ ထင်ရှားသည့် ခေါင်းဆောင်တဦးမှာ ကေအိုင်အို ဒုတိယ ဥက္ကဋ္ဌဟောင်း ဒေါက်တာ တူးဂျာ ဖြစ်သည်။

source by : ခေတ်ပြိုင်