ဒီရေ သတင်းများ

စိစစ်ရေးက သူတို့ဟာ သူတို့ စောင့်ကြည့်ရုံတင် မကပဲ ပုံနှိပ်မီဒီယာမှာ ရေးသားနေကြတဲ့ သတင်းထောက်တွေ၊ အယ်ဒီတာတွေ၊ ဆောင်းပါးရှင်တွေ၊ ကာတွန်းဆရာတွေ၊ ပန်းချီ သရုပ်ဖော်သူတွေရဲ့ ဦးနှောက်ထဲအထိ အငှားမျက်စေ့ တစ်စုံစီ ထည့်သွင်းပေးထားတာပါ။

“ဒီသတင်းက စိစစ်ရေးက လွတ်ပါ့မလား၊ ရေးလို့ရပါ့မလား” ဆိုတဲ့ မေးခွန်းနဲ့ ကိုယ့်ဟာကိုယ် ထိန်းချုပ် ဘောင်ခတ်ထားကြရတာဟာ မြန်မာပြည်မှ ဂျာနယ်လစ်တွေရဲ့ ဘ၀ပဲ ဖြစ်ပါတယ်။ ဒီသတင်းက စာဖတ်သူ၊ ပြည်သူ လူထုကို အကျိုး ရှိစေမှာလား၊ ဘယ်သူ့ကို ထိခိုက်နစ်နာစေမလဲ ဆိုတာတွေထက်ကို လွတ်ပါ့မလား၊ ရေးလို့ ရပါ့မလား ဆိုတဲ့ မေးခွန်းဟာ သတင်း မလိုက်ခင်မှာရော၊ သတင်း မရေးခင်မှာပါ ခေါင်းထဲ နေရာယူထားတာပါ။

အဲဒီလိုစဉ်းစားပြီး မလိုက်ဖြစ်တဲ့ သတင်းတွေ၊ မရေးဖြစ်တဲ့ သတင်းတွေ၊ မရိုက်လိုက်ရတဲ့၊ မဖော်ပြလိုက်ရတဲ့ သတင်းဓာတ်ပုံတွေ ဒုနဲ့ဒေးပါ။ ဒါကြောင့် စိစစ်ရေးက ကျွန်တော်တို့ သတင်းရေးသူ၊ ဆောင်းပါးရေးသူတွေရဲ ဦးနှောက်ထဲကိုပါ စောင့်ကြည့်မယ့် အသိစိတ်တစ်ခု ထည့်ပေးထားလိုက်ပါတယ်။ စာဖတ်သူ အတွက်၊ အများအတွက် အကျိုးရှိပေမယ့်လည်း မလိုက်သင့်တဲ့ သတင်း၊ လိုက်ခွင့် မရှိတဲ့သတင်း မဖော်ပြရတဲ့ သတင်းတွေနဲ့ ကျွန်တော်တို့ ဂျာနယ်လစ်တွေ ကျင်လည်နေကြရပါတယ်။

လတ်တလော အပြောင်းအလဲ

လက်ရှိ စာပေစိစစ်ရေးမှာ တာဝန်ယူသူ ဗိုလ်မှူးတင့်ဆွေနဲ့ သူ့နေရာ အစားတာဝန်ယူမယ်လို့ သတင်းပြေးနေသူ ဒု ဗိုလ်မှူးကြီး မျိုးမြင့်မောင်က စိစစ်ရေးရဲ့ နေ့စဉ် လုပ်ဆောင်မှုတွေကို တာဝန်ယူ စီမံခန့်ခွဲလာတဲ့နောက် ဂျာနယ်တွေ မဂ္ဂဇင်းတွေအပေါ် စိစစ်တဲ့ နည်းလမ်းတွေ ပြောင်းလာပါတယ်။ ဂျာနယ် တစ်စောင်အနေနဲ့ အရင်လို မူကြမ်းကို တကြိမ်တင်၊ နောက် ရုံးပြန်မကျခင်မှာ နောက်ဆက်တွဲ ၄၊ ၅ မျက်နှာကို ထပ်တင်ခွင့် ရှိရာကနေ အခုနောက်ပိုင်း အသစ်ထုတ်တဲ့ ဂျာနယ်တွေကို စာမျက်နှာ ထက်ဝက်စီ နှစ်ကြိမ်ခွဲတင်ဖို့ ညွှန်ကြားလာပါတယ်။

ဒါ့အပြင် လွန်ခဲ့တဲ့ နှစ်တွေက စပြီး ဖော်ပြခွင့်ရနေတဲ့ မင်းသမီး၊ အဆိုတော် မော်ဒယ်များရဲ့ ပေါင်ပေါ်တဲ့ ဓာတ်ပုံတွေကို ဖော်ပြရင် ဂျာနယ်ရပ်နားတဲ့ ပြစ်ဒဏ်ပေးတဲ့ အချက်ပါ။ လွန်ခဲ့တဲ့ ၂ နှစ် ၃ နှစ်က အနေအထားကို ပြန်ရောက်သွားတဲ့ သဘောပါ။ အရင်ကဆို အမျိုးသမီး သရုပ်ဆောင် အဆိုတော်တွေရဲ့ ရင်ဘတ်သား ပေါ်တာ၊ ပေါင် ပေါ်တာမျိုးကို လုံးဝ ခွင့်မပြုဘဲ နိုင်ငံခြား သရုပ်ဆောင် အဆိုတော်တွေရဲ့ ပုံတွေကိုပါ ဖိုတိုရှော့ပ် အစွမ်းနဲ့ ပိတ်ပေး ကာပေးရပါတယ်။

အဲဒီနောက် လွန်ခဲ့တဲ့ နှစ်တွေ အတွင်းမှာ ဂျာနယ်တွေ မဂ္ဂဇင်းတွေအနေနဲ့ သရုပ်ဆောင် မော်ဒယ် အမျိုးသမီးတွေရဲ့ စကပ်တိုတို၊ လည်ပင်းဟိုက်ဟိုက် ဓာတ်ပုံတွေ ဖော်ပြခွင့်ရလာခဲ့တာပါ။ ဖော်ပြခွင့်ပေးလာတဲ့ အဖြစ်ကို ကြိုဆိုရမှာပါ။ သိူ့ပေမယ့် အခြားသော သတင်းတွေ၊ ဆောင်းပါးတွေလည်းပဲ ယခင်ကအတိုင်း တင်းကြပ်မထားဘဲ ဖော်ပြခွင့် ပြုသင့်တယ် ဆိုတာကိုတော့ ထောက်ပြချင်ပါတယ်။

ပြင်ပမှာ အမျိုးသမီးတွေ အမှန်တကယ် ၀တ်ဆင် နေထိုင်နေကြတဲ့ ဓာတ်ပုံတွေကို ဖော်ပြခွင့် မပေးခြင်းဟာ သဘာဝ မကျသလိုပဲ လူတွေရဲ့ စားဝတ်နေမှု ဘ၀၊ စီးပွားရေး လူမှုရေး အဖြစ်အပျက် သတင်းတွေကို ဖြစ်ပျက်တဲ့ အတိုင်း ဖော်ပြခွင့် မပြုတာဟာလည်း သဘာဝ မကျပါဘူး။ ဒါကြောင့် အမျိုးသမီးတွေ ပြင်ပမှာ ၀တ်စား ဆင်ယင်သလို ၀တ်တာမျိုးကို ဖော်ပြခွင့်မပေးတဲ့ ကိစ္စဟာ သတင်းမှန်တွေကို တားမြစ်သလိုပဲ အမှန်ကိုငြင်းတဲ့သဘောပါ။

မူမရှိတဲ့ စိစစ်ရေး

စိစစ်ရေးမှာ မူမရှိဘူးလို့ ပြောရင် မမှန်ဘူးလို့ စိစစ်ရေးက ငြင်းကောင်း ငြင်းပါလိမ့်မယ်။ သူတို့ ဘာတွေကို ပိတ်မယ်၊ ဘာတွေကို ခွင့်ပြုမယ် ဆိုတာ မူဝါဒ လို့ ဆိုရင် ဒို့တာဝန် အရေးသုံးပါး၊ နိုင်ငံရေး ဦးတည်ချက် ၄ ရပ် ဆိုတာလို၊ နိုင်ငံ အကျိုးစီးပွားကို ထိပါးစေတဲ့ ဖော်ပြမှုတွေကို ခွင့်မပြုဘူး ဆိုတာမျိုးက လွဲရင် တိကျ ရှင်းလင်းတဲ့မူ၊ ရေးသားထုတ်ဝေသူတွေ လိုက်နာရမယ့် အချက် အလက်တွေရယ်လို့ ရှင်းလင်းစွာ ဖော်ပြမထားပါဘူး။ အထက်က မူလို့ ဆိုတဲ့ အရာတွေဟာ နားထောင်ကောင်းအောင် ခပ်ဝါးဝါး ပြောထားတာပါ။ အဓိကမူကတော့ စစ်အစိုးရကို ကာကွယ်ပေးဖို့၊ မှန်သည် မှားသည် မသိ အာဏာလက်ရှိ အုပ်ချုပ်နေတဲ့ စစ်ဗိုလ်ချုပ်တွေကနေ ရယက အဆင့်အထိ ကာကွယ်ပေးဖို့၊ အခါအားလျော်စွာ စစ်အစိုးရနဲ့ နီးစပ်တဲ့ လုပ်ငန်းရှင်တွေရဲ့ အကျိုးစီးပွား ဂုဏ်သိက္ခာကိုပါ ကာကွယ်ဖို့ပဲ ဖြစ်ပါတယ်။

အဲဒီ ၀န်မခံတဲ့ မူပါ အချက်တွေ အတိုင်း လုပ်ဆောင်ဖို့ ဘယ်အကြောင်းအရာက ဖော်ပြခွင့် ရှိတယ်၊ ဘယ်အကြောင်းအရာက ဖော်ပြခွင့်မရှိ ဆိုတာမျိုးကို ဂျာနယ်၊ မဂ္ဂဇင်း အယ်ဒီတာတွေကို သတ်သတ် မှတ်မှတ် အသိ မပေးထားပါဘူး။ တင်ပြကြည့်လိုက်ပြီး ခွင့်မပြုရင် ဒီအကြောင်းကို ခွင့်မပြုဘူးလို့ မှတ်သားရပါတယ်။ သို့ပေမယ့် အခြေအနေနဲ့ အဖြစ်အပျက်တွေ တခုနဲ့ တခု ထပ်တူဖြစ်ပျက်ခြင်း မရှိတဲ့အခါ စိစစ်ရေးကို ဘယ်လိုနားလည်ရမှန်း မသိတော့ဘဲ အယ်ဒီတာတွေ အနေနဲ့ ဝေးဝေးက ရှောင်ရေးကြတဲ့ အခြေ ရောက်ကုန်တာလည်း အများကြီးပါပဲ။

စာတပုဒ်၊ သတင်းတပုဒ် ဘာကြောင့် ပယ်တယ် ဆိုတာကို စိစစ်ရေးက ဘယ်တော့မှ ရှင်းပြလေ့မရှိပါ။ စာနယ်ဇင်းတိုက် တတိုက်နဲ့ တတိုက်အကြား မတူညီတဲ့ အခွင့်အရေးတွေ ပေးပြီး မီဒီယာလောကကို ဖဲ့ထုတ် စည်းရုံးနေတာကြောင့်လည်း ဖြစ်ပါတယ်။

တောခိုရင်း တောထဲမှာ သေဆုံးသွားတဲ့ ထင်ရှားတဲ့ စာရေးဆရာ နိုင်ဝင်းဆွေ၊ ပြည်ပမှာ ကွယ်လွန်ခဲ့တဲ့ ကဗျာဆရာတင်မိုး၊ ယုံကြည်ချက်ကြောင့် ထောင်ကျပြီး ထောင်ထဲမှာ သေဆုံးခဲ့ရတဲ့ မောင်သော်ကတို့ရဲ့ စာမူဟောင်းတွေကို နအဖ ပြန်ကြားရေး ၀န်ကြီးနဲ့ နီးစပ်သူလို့ နာမည်ကြီးတဲ့ မြတ်ခိုင်က သူ့ဂျာနယ်မှာ ပြန်ဖော်ပြခွင့် ရပေမယ့် အခြားသော ဘယ်ဂျာနယ်မဂ္ဂဇင်းမှ အဲဒီလို အခွင့်အရေး မရပါဘူး။ အဲဒီလို ပြန်လည် ဖော်ပြခွင့်ဟာ မကြာသေးမီ သီတင်းပတ်ကမှ ရပ်ဆိုင်းသွားတာပါ။

ဒီအချက်ကို ဖော်ပြရတာဟာ ဂျာနယ်တိုက် တခုနဲ့ တခု အပေါ် ဆက်ဆံပုံ မတူညီတာကို မီးမောင်းထိုးပြလိုတာပါ။ မီဒီယာ ရပ်တည်ချက်အတိုင်း မှန်မှန်ကန်ကန် ရပ်တည်ဖို့ ကြိုးစားသူတွေ၊ အစိုးရကို ထောက်ခံရေးသားတာ မလုပ်တဲ့ ဂျာနယ်တိုက်တွေ ဆိုရင် အထူးအခွင့်အရေး မရဘဲ တခါတရံ နှောင့်နှေး ကြန့်ကြာအောင် ရပ်တည်ရ ခက်ခဲအောင် စိစစ်ရေးက လုပ်ဆောင်လေ့ရှိပါတယ်။ သတင်းအကြောင်းအရာတူ တခုကိုပဲ ခွင့်ပြုတဲ့တိုက်ကို ခွင့်ပြုပြီး ပယ်တဲ့တိုက်ကို ပယ်တာမျိုးလည်း မကြာခဏ ကြုံတွေ့နေကြရတာပါ။ စိစစ်ရေးမှာ မူမရှိဘူး ဆိုတာကို ဒီအချက်တွေက ပြသနေတာပါ။

မူမရှိဘဲ လူအပေါ်မူတည်ပြီး ဆုံးဖြတ်ခွင့် ပြုနေတာကြောင့် အခုတလော ညွှန်မှူး ဗိုလ်မှူးတင့်ဆွေ နေရာ ဒု ဗိုလ်မှူးကြီး မျိုးမြင့်မောင် နေရာဝင်ယူဖို့ ပြင်ဆင်နေချိန်မှာ ဂျာနယ်တိုက်တွေ အတွက် ပိုပြီး လုပ်ရကိုင်ရ ခက်ခဲလာပါတယ်။

အသစ်ရောက်လာတဲ့ ဒုဗိုလ်မှူးကြီး မျိုးမြင့်မောင်က သူ ကောင်းကောင်း မကျွမ်းကျင်သေးတဲ့ အချိန်ဖြစ်လို့ သူ့ရပ်တည်ချက် စိတ်ချရအောင် ပိုမိုပြီး ဖြုတ်ထား ဖြတ်ထားတဲ့ သဘောပါ။ စာအုပ် အနားသားတွေကို စက္ကူဖြတ်စက်မှာ ဖြတ်တဲ့အခါ မကျွမ်းကျင်သေးတော့ စာခွင်ကို ဖြတ်မိမှာ စိုးလို့ အနားသား ပိုဖြတ်ထားတဲ့ သဘောမျိုးပါ။ သူ့ကိုယ် အန္တရာယ် မဖြစ်ရအောင် ခါတိုင်း ဗိုလ်မှူးတင့်ဆွေ ခွင့်ပြုတာထက် ပိုပြီး ဖြုတ်တာ၊ အားလုံး တပြေးညီတည်း အခွင့်အရေးဖြစ်ရအောင် ဆိုပြီး ၁၂ ဦးပါ စစ်ဆေးတဲ့ အဖွဲ့တွေ ဖွဲ့ပြီး လုပ်ဆောင်တာနေတာပါပဲ။

ဂျာနယ်မဂ္ဂဇင်းလောကသားတွေ အတွက်ကတော့ ယခင်ကလိုပဲ ခွင့်ပြုမယ်လို့ ထင်ထားတဲ့ဟာတွေ ဖြုတ်ခံရ ပြန်လုပ်ရနဲ့ စိစစ်ရေးဆိုတဲ့ အရသာကို ပြန်သတိထားမိလာရပါတယ်။

အမှန်ကတော့ စိစစ်ရေးဆိုတာ မရှိသင့်တဲ့ အရာတခုပါ။ စစ်အစိုးရရဲ့ အကျိုးစီးပွား အာဏာပိုင် အုပ်ချုပ်သူတွေရဲ့ အကျိုးစီးပွားကို တာဝန်ယူ ကာကွယ်ပေးနေတဲ့ ဌာနတစ်ခု အဖြစ်ကလွဲရင် ဘယ်ပြည်သူကိုမှ ကိုယ်စားမပြုသလို ဘယ်လူထုရဲ့ အကျိုးစီးပွား တစ်ရပ်ကိုမျှ ကိုယ်စားပြုတဲ့ ဌာနတစ်ခု မဟုတ်တာ ကြာလာသည်နှင့်အမျှ ထင်ရှားလာနေပါတယ်။

( ၂၀၀၉ အောက်တိုဘာ ကားပြပွဲမှာ အမှန်တကယ် ၀တ်စားဆင်ထားသော အလှမယ်များ ဓာတ်ပုံ - မိုးမခ)

source by : မိုးမခ

ထို့ကြောင့်သာ တစ်ချို့သော UNHCR အရာရှိများက ဗမာများအနေနဲ့ အချိန်မရွေးပြန်လို့ရနိုင်ကြောင်း အဘယ်ကြောင့်ဆိုသော် အစိုးရက ဗမာဖြစ်သည့်အတွက် ဗမာများကို မနှိပ်စက်ဘူးဟု အင်တာဗျူးများတွင် ပြောဆိုကြောင်းကို ကိုယ်တွေ့ကြုံခဲ့သူများက လာရောက်ပြောကြားကြသည်။

ထို့ပြင် တိုင်းရင်းသားလူနည်းစုများကို ဗမာများက နှိပ်စက်သောကြောင့် တိုင်းရင်းသားလူနည်းစုများကို ပိုမိုစောင့်ရှောက်ပေးသင့်သည်ဟု ယူဆနေကြပါတယ်။ ယင်းသို့ တွေးမြင်နေခြင်းသည် UNHCR အရှာရှိတစ်ချို့ ၏ ခွဲခြားဆက်ဆံမှု ( Discrimination ) ပြစ်မှုနှင့်မတရားသောဆုံဖြတ်ချက်ဖြစ်ပါသည်။

ထို့ပြင် အပြည်ပြည်ဆိုင်ရာလူ့အခွင့်အရေးကြေငြာစာတမ်းအပိုဒ် ၁၄(က)ပါ

“ မတရားအပြစ်ပေးခံရ တော့မည်ဆိုပါက လူသားတိုင်းသည် တခြားနိုင်ငံများတွင် ခိုလှုံခွင့်တောင်းခံနိုင်သည် ”

ဟူသော အချက်ကို လည်း ချိုးဖောက်ရာကြပါသည်။

ယခုမြန်မာနိုင်ငံတွင် အာဏာသိမ်းထားသူများမှာ စစ်အာဏာရှင်များဖြစ်တယ်ဆိုတာ UN အပါအ၀င် တကမ္ဘာလုံးအသိဖြစ်ပါတယ်။ စစ်အာဏာရှင်များ၏ စရိုက်လက္ခဏာအရ သူတို့ဟာ ဘာသာလဲမရှိပါ၊ လူမျိုးလဲ မရှိပါ၊ သူတို့အတွက် အာဏာတည်မြဲရေးသာလျှင် အဓိကပါ။ စစ်အာဏာရှင်တို့၏ လူ့အခွင့်အရေးချိုးဖောက်မှု များကိုလည်း UN အပါအ၀င် ကမ္ဘာ့အသိုင်းအ၀ိုင်းက ရှုံ့ချပြစ်တင်ထောက်ပြနေသည်မှာလည်း နှစ်ပေါင်းအ တော်ကြာပြီဖြစ်ပါသည်။

မလေးရှား UNHCR မှ အရာရှိအချို့ထင်သလို မြန်မာနိုင်ငံတွင် ဗမာများက အများစုဖြစ်ပြီး အာဏာရှင် များက ဗမာများကို မနှိပ်စက်ဘူးဆိုသော ထင်မြင်ချက်သည် အလွန်ပင် လက်တွေ့နှင့်ကင်းကွာနေပါသည်။ အနီးစပ်ဆုံးပြရလျှင် စစ်အာဏာရှင်တို့သည် ၂၀၀၃ ဒီပဲယင်းလုပ်ကြံမှုကြီးကို ကျူးလွန်ခဲ့သည်။ ၂၀၀၇ တွင် လည်း ငြိမ်းချမ်းစွာမေတ္တာပို့ဆုတောင်းနေသော ရဟန်းသံဃာများအပါအ၀င် ကျောင်းသားနှင့်လူထုကို ရက်ရက် စက်စက်ပစ်ခတ်သတ်ဖြတ်ခဲ့သည်။ ထို့ပြင် ၂၀၀၇ စက်တင်ဘာလတွင်ပင် မြန်မာနိုင်ငံရှိ ဒေသအသီးသီးမှ ဗုဒ္ဓ ဘာသာဘုန်းတော်ကြီးကျောင်းများကို စီးနင်းဝင်ရောက်ပြီး အကြမ်းဖက်ရိုက်နှက်၊ ဖမ်းဆီး၊ ထောင်ချခဲ့သည်။ ဗုဒ္ဓရုပ်ပွားဆင်းတုတောင်များကိုလည်း ခေါင်းဖြတ်ပြီး ဖျက်ဆီးခဲ့ပါသည်။

အခြားထင်ရှားတဲ့ စစ်အာဏာရှင်များရဲ့ စရိုက်ကတော့ ၂၀၀၈ မေလမှာ ဖြစ်ခဲ့တဲ့ နာဂစ် ( Nargis ) ဆိုင်ကလုန်းကာလတုန်းကပါဘဲ။ လူသိန်းနဲ့ချီသေကြေပြီး အိုးအိမ်ပေါင်းထောင်ပေါင်းများစွာ ဆုံးရှုံးခဲ့ရပါသည်။ ဒါပေမယ့် ပြည်သူအကျိုးကိုမကြည့်၊ ပြည်သူကို စာနာသနားမှုမရှိသော စစ်အာဏာရှင်များဟာ နိုင်ငံတကာ အကူအညီတွေကို နည်းအမျိုးမျိုးဖြင့် တားမြစ်ပိတ်ပင်ကန့်သတ်ခဲ့ကြပါသည်။ ယခုလို လူ့အခွင့်အရေးအပါအ၀င် စစ်ရာဇ၀တ်မှုအမျိုးမျိုးကို ကျူးလွန်နေကြသည်ကို ကုလသမဂ္ဂအပါအ၀င် ကမ္ဘာ့အသိုင်းအ၀ိုင်းက အမြဲကြားသိ နေကြပါသည်။

မြန်မာ့နိုင်ငံရေး ဘယ်လောက်အရေးပါတယ်၊ မြန်မာ့ပြည်တွင်းရေးဘယ်လောက်ရှုပ်ထွေးတယ်၊ မြန်မာ စစ်အာဏာရှင်းတွေ ဘယ်လောက် ရက်စက်ယုတ်မာတယ်ဆိုတာ UN အထွေထွေအတွင်းရေးမှူးချုပ် မစ္စတာ ဘန်ကီမွန်း အပါအ၀င် လုံခြုံးရေးဝန်ထမ်းအထိ အားလုံးအသိပင်ဖြစ်ပါသည်။ ယခုလို စစ်အာဏာရှင်များ၏ စစ်ဖိနပ်အောက်၊ ယမ်းငွေ့မပြယ်တဲ့ သေနတ်ပြောင်းအောက် ခက်ခက်ခဲခဲနေထိုင်ရသော မြန်မာနိုင်ငံသားအား လုံးကို စာနာနားလည်မှုမပေးနိုင်သော မလေးရှား UNHCR အရာရှိတစ်ချို့အတွက် ၀မ်းနည်းမိပါသည်။ သူတို့၏ လုပ်ရပ်သည် UNHCR ၏ ဂုဏ်သိက္ခာနှင့်ကမ္ဘာ့ပြည်သူတို့၏ ယုံကြည်အားကိုးမှုကိုပါ ထိခိုက်စေသည်ကို သတိ မူသင့်ပါသည်။

UNHCR က ဒုက္ခသည်ဆိုသည်မှာ လူမျိုးရေး ( Race )၊ ဘာသာရေး ( Religion )၊ နိုင်ငံသားပြစ်မှု ( Nationality )၊ နိုင်ငံရေးယုံကြည်ချက် ( Political Opinion ) နှင့် လူမှုရေးအဖွဲ့တစ်ဖွဲ့ဖွဲ့သို့ ၀င်ရောက်ခြင်းတို့ ကြောင့် မတရားညှင်းပန်းနှိပ်စက်အပြစ်ပေးခံရမည်ကို ကြောက်ရွံ့ရန် ခိုင်လုံသော အကြောင်းအချက်အလက်ရှိ သူ၊ ထိုသို့ကြောက်ရွံ့မှုကို အကြောင်းပြု၍ မိမိတို့နိုင်ငံအစိုးရ၏ ကာကွယ်စောင့်ရှောက်မှုကို မခံယူနိုင်သောသူ များဟု အဓိပ္ပါယ်ဖွင့်ထားသည်။

UNHCR အပါအ၀င် ကမ္ဘာ့အဖွဲ့အစည်းကြီးများ၊ NGO များအပါအ၀င်လူမှုရေးအဖွဲ့များ၏ လုပ်ဆောင် ချက်များ၊ ရည်ရွယ်ချက်များသည် အလွန်ဘဲ လေးစားအားကျဖွယ်ဖြစ်ပါသည်။ ဒါပေမယ့် အမြင်ကျဉ်းမြောင်းပြီး စာနာနားလည်မှုခေါင်းပါးသော UNHCR အရာရှိတစ်ချို့တို့ကြောင့် စစ်အာဏာရှင်များ၏ သားကောင်များဖြစ်ကြ ရသော မြန်မာနိုင်ငံသားအများစုမှာ အားကိုးရာမဲ့ဖြစ်နေကြရပါသည်။

မလေးရှား UNHCR အရာရှိတစ်ချို့နှင့်မသမာသောလူတစ်ချို့ကြောင့် ယခုအခါ မလေးရှားနိုင်ငံတွင် ခိုလှုံခွင့်တောင်းခံကြသူများ၊ ဒုက္ခသည်များကြားတွင် မြန်မာနိုင်ငံသားအချင်းချင်းခွဲခြားဆက်ဆံမှုများ၊ အမြင်မ ရှင်းမှုများဖြစ်နေကြရပါသည်။ တစ်ချို့ဆိုလျှင် စစ်အာဏာရှင်များ၏ သားကောင်ဖြစ်ကြရရုံမက ကြင်နာနား လည်မှုကင်းသော UNHCR အရာရှိတို့၏ သားကောင်းဘ၀ဖြစ်ကြရပြီး ဘ၀ပျက်ရသူများလည်း ရှိကြပါသည်။

UNHCR အရာရှိတစ်ချို့၏ မတရားသော လုပ်ရပ်များနှင့်ယုတ္တိမတန်သော တုန့်ပြန်ချက်များနှင့်ပတ် သက်၍ တင်ပြတိုင်ကြားသောအခါ၌လည်း “ ပြီးခဲ့တဲ့တစ်နှစ်ကအကြောင်းတွေပြန်မပြောပါနဲ့၊ ပြီးခဲ့တဲ့ ၂ ပတ်က အကြောင်းလဲပြန်မပြောပါနဲ့ ငါတို့အနေနဲ့ ဒီနှစ်မှာ အစီအစဉ်တစ်မျိုးနဲ့ အဖွဲ့အားလုံးကို မျှမျှတတဖြစ်အောင် လုပ် ပေးမယ် ” လို့ပြောပြီး နှစ်သိမ့်ပါသည်။ ဒါပေမယ့် အပြောနဲ့အလုပ်တခြားစီဖြစ်နေတာကို ကြုံနေရပါသည်။ အထူးသဖြင့် မြန်မာအဖွဲ့တွေ ကြုံနေရတာ နှစ်အတော်ကြပြီဖြစ်ပါသည်။

UNHCR မလေးရှားဝက်ဆိုက်ဒ်အရ ၂၀၀၉ အထိ မလေးရှားနိုင်ငံတွင် ဒုက္ခသည် ( Refugee ) နှင့် ခို လှုံခွင့်လျှောက်ထားသူ ( Asylum-seekers ) ပေါင်း ၉၀၀၀၀ ကျော်ကို စာရင်းလက်ခံပြီး ဖြစ်သည်။ ထိုထဲမှ ၉၀ ရာခိုင်နှုန်းကျော်သည် မြန်မာပြည်မှဖြစ်သည်ဟုလည်း ဖော်ပြထားသည်။

မလေးရှားနိုင်ငံသည် ၁၉၅၁ ကုလသမဂ္ဂ၏ဒုက္ခသည်များဆိုင်ရာသဘောတူစာချက်ကိုလက်ခံထားခြင်း မရှိသော နိုင်ငံ ၄၄ နိုင်ငံတွင်ပါဝင်သည်။ ထို့ပြင် မလေးရှားနိုင်ငံတွင် UNHCR ၏ ဒုက္ခသည်လက်မှတ်ရထားသူ များ၊ ခိုလှုံခွင့်လျှောက်ထားသူများနှင့်နိုင်ငံမဲ့များအားလုံးကို တရားမ၀င်ကူးပြောင်းလာသူများ ( Irregular Migrants ) များအဖြစ် သတ်မှတ်ကာ ဖမ်းဆီးထောင်ချလေ့ရှိသည်။ မလေးရှားနိုင်ငံသည် တရားမ၀င်အလုပ်သ မားများကို အပြစ်ပေးရာတွင် ငွေဒဏ်၊ ထောင်ဒဏ် နှင့် ကြိမ်ဒဏ် ( Whipping ) များလည်းရှိသည်။

ယခုကဲ့သို့ အခြေအနေဆိုးကြီးထဲတွင် ပုံစံအမျိုးမျိုးဖြင့် တိုင်းပြည်မှာ မနေရဲဘဲ ထွက်ပြေးတိမ်းရှောင် လာကြရတဲ့ ဒုက္ခသည်ဖြစ်ထိုက်သူများမှာ ခိုလှုံခွင့်ရဖို့၊ ဒုက္ခသည်များခံစားထိုက်သော အခွင့်အရေးများရဖို့ နေ နေသာသာ စာရင်းပေးသွင်းခြင်း ( Registration ) တောင်လုပ်ခွင့်မရကြပါဘူး။ အထူးသဖြင့် ဗမာလူမျိုးများဖြစ် ကြပါသည်။ UNHCR မှ အသိအမှတ်ပြုပြီးထားသော ဒုက္ခသည်စာရင်းကိုကြည့်လျှင် ပိုပိုပြီး သိသာပါသည်။

၂၀၁၀ ဧပြီလ ၇ ရက်ထွက် မလေးရှားနိုင်ငံထုတ် The Star သတင်းစာကြီးအရ မလေးရှားနိုင်ငံတွင် မြန်မာနိုင်ငံမှလာရောက်သူခိုလှုံသူပေါင်း ၇၆၂၀၀ ရှိသည်။ ချင်းလူမျိုး ၃၇၆၀၀၊ ရိုဟင်ဂျာ ၁၈၂၀၀၊ မြန်မာမွတ်စ လင် ၅၁၀၀၊ မွန်လူမျိုး ၃၅၀၀၊ ကချင် ၃၂၀၀ နှင့် ဗမာအပါအ၀င်အခြားလူမျိုးများနေထိုင်ကြသည်ဟု ဆိုထားပါ သည်။

ချင်းဒုက္ခသည်များမဟာမိတ်အဖွဲ့ ( The Alliance of Chin Refugees ( ACR ) ၏ ဖော်ပြချက်အရ မလေးရှားနိုင်ငံတွင် ချင်းလူမျိုး ၂၀၀၀၀ နီးပါးလောက်ဟာ UNHCR မှဒုက္ခသည်အဖြစ် အသိအမှတ်ပြုပြီးဖြစ် သည်။ မွန်ဒုက္ခသည်အစည်းအရုံး ( Mon Refugee Organization ( MRO ) ကလည်း မွန်လူမျိုး ၃၀၀၀ နီးပါး ဒုက္ခသည်အဖြစ်အသိအမှတ်ပြုခြင်းခံရပြီးဖြစ်ကြောင်း ဖော်ပြခဲ့ပါသည်။

အဲ့ဒီအချက်အလက်များကို လေ့လာသုံးသပ်ခြင်းအားဖြင့် မလေးရှားနိုင်ငံရှိ UNHCR ၏ ခွဲခြားဆက်ဆံ ခြင်းနှင့်တရားမျှတမှုမရှိသောလုပ်ငန်းစဉ်များကို သိနိုင်ပါသည်။ UNHCR ၏ ဦးစားပေးလုပ်ဆောင်ချက်များတွင် အချိန်သင့်စာရင်းသွင်းခြင်း ( Timely Registration ) နှင့် တရားမျှတသောလုပ်ငန်းစဉ်ဖြစ်ရမည်ဟု အများမြင် သာအောင်ဖော်ပြကြေငြာထားသော်လည်း အပြောနှင့်အလုပ်မှာ များစွာခြားနားနေပါသည်။ UNHCR ၏ ကြီးမား သော ဂုဏ်သိက္ခာကိုလေးစားသော ဒုက္ခသည်များမှာ UNHCR ၏ ဂုဏ်သိက္ခာကို ခုတုံးလုပ်ပြီး အခွင့်အာဏာ နှင့်လုပ်ပိုင်ခွင့်ကို အလွဲသုံးစားပြုနေသော UNHCR အရာရှိတစ်ချို့နှင့်မသမာသောလူတစ်ချို့တို့၏ အနိုင်ကျင့်မှု နှင့်ခွဲခြားဆက်ဆံမှုကို ကြိတ်မှိတ်ခံစားနေရသည်မှာ နှစ်အတော်ကြာပြီဖြစ်သည်။

သူတို့၏ မတရားသောလုပ်ရပ်များကြောင့် အဖမ်းမဆီးခံရပြီး ထောင်ကျရသူများ၊ ကြိမ်ဒဏ်အပေးခံရ သူများ၊ ဘ၀ပျက်သူများ အများအပြားရှိနေကြသည်။ တစ်ချို့ဆိုလျှင် ရိုးသားသောဘ၀ပျက်ကာ မကောင်း သော အသက်မမွေးဝမ်းကျောင်းလုပ်ငန်းများကို လုပ်ကိုင်နေကြရသည်။ ထို့ကြောင့် UNHCR မဟာမင်းကြီး အန်တိုနီယို ဂူတား ပြောတဲ့ “ အစားအစာတွေရှားပါးလာတဲ့အခါ ဒုက္ခသည်တွေဟာ ဒေသတွင်းအကြမ်းဖက် ခြင်း၊ တရားမ၀င်အလုပ်လုပ်ခြင်း ( သို့ ) ပြည့်တန်ဆာအဖြစ်လုပ်ကိုင်ခြင်းတို့အတွက် အထူးစိုးရိမ်ရပါတယ်။ ဒါ ကြောင့် သူတို့ရဲ့စားပွဲပေါ်ကို အစားအစာအလုံအလောက်တင်ပေးထားရမယ် ” ဆိုတဲ့ မိန့်ခွန်းကို မလေးရှား UNHCR မှ အရာရှိတစ်ချို့ သဘောပေါက်ဖို့ကောင်းပါသည်။ ယခုဆိုရင် ဗမာလူမျိုးအများစုမှာ ဒုက္ခသည်အဖြစ် အသိအမှတ်ပြုခံရဖို့ဝေးစွ UNHCR မှာ တရားဝင် စာရင်းသွင်းခွင့်တောင်မရကြပါဘူး။

ကမ္ဘာ့ UNHCR မှ လျှို့ဝှက်စွာ ခက်ခက်ခဲခဲနေထိုင်နေရသော ဒုက္ခသည်များအတွက် အဆင်ပြေလုံခြုံ စေရန် စီမံပေးသော Mobile Registration စနစ်ကို မလေးရှားနိုင်ငံတွင် ကျင့်သုံးချိန်မှာလည်း မြန်မာအဖွဲ့အ စည်းများကို ချန်ထားသည့်အပြင် လာရောက်လျှောက်ထားသော ဗမာလူမျိုးများကိုလည်း သင်တို့နဲ့ မဆိုင်ဘူး၊ ဗမာလူမျိုးဆို လက်မခံဘူးပြောပြီး နှင်လွှတ်ခဲ့ပါသည်။ အင်မတန်အောက်တန်းကျသော စိတ်သဘောထား ဖြစ် ပါသည်။ UNHCR လို အဖွဲ့ကြီးမှာ ယခုကဲ့သို့ အမြင်ကျဉ်းမြောင်းပြီး စိတ်သဘောထားသေးသိမ်သော အရာရှိ များရှိနေသည်မှာ အလွန်ဝမ်းနည်းဖွယ်ဖြစ်ပြီး UNHCR ၏ ဂုဏ်သိက္ခာကိုလည်း အလွန်ထိခိုက်ပါသည်။

တစ်ခြား UNHCR ၏ ဂုဏ်သိက္ခာကိုထိခိုက်ကျဆင်းစေသောအကြောင်းများလည်းရှိပါသည်။ ကမ္ဘာ့ UNHCR ၏ စည်းမျဉ်းစည်းကမ်းများအရ ဒုက္ခသည်အဖြစ် လျှောက်ထားလိုသူသည် UNHCR အသိအမှတ်ပြု ထားသော NGO အဖွဲ့အစည်းများမှတစ်ဆင့် လျှောက်ထားခွင့်ပြုထားသည်။ ထို့ကြောင့် မလေးရှားနိုင်ငံတွင် ချင်းအဖွဲ့အစည်းများ၊ မွန်၊ ရှမ်း၊ ရခိုင်၊ ဗမာ စသောဒုက္ခသည်များအရေးကို ကူညီဆောင်ရွက်ပေးနေသော တိုင်း ရင်းသားအဖွဲ့အစည်းများရှိလာကြသည်။ သို့သော် UNHCR ၏ အရာရှိတစ်ချို့ကြောင့် မြန်မာနိုင်ငံသားတိုင်းရင်း သားများကြား၊ အထူးသဖြင့် တိုင်းရင်းသားလူမျိုးများနှင့်ဗမာလူမျိုးများကြား အမြင်မကြည်လင်မှုနှင့်ပြဿနာဖြစ် လာနိုင်ပါသည်။ စစ်ဖိနပ်အောက်နှိပ်ကွပ်ခံရတာချင်းအတူတူ ကမ္ဘာကပေးသော အခွင့်အရေးနှင့်ကူညီစောင့် ရှောက်မှုခံရမှုတွင် ကွဲပြားခြားနားသောကြောင့်ဖြစ်သည်။ ထို့ပြင် UNHCR နှင့် ပူးပေါင်းပြီး ကူညီဆောင်ရွက်ပေး နေသော NGO များမှတစ်ဆင့် ဒုက္ခသည်အဖြစ်လျှောက်ထားရမည်ဟု မလေးရှားနိုင်ငံရှိ UNHCR မှ သတ်မှတ် ပေးထားသောကြောင့် မိမိတို့နှင့်သက်ဆိုင်ရာလူမှုအဖွဲ့အစည်းများ၊ တိုင်းရင်းသားအဖွဲ့အစည်းများတွင် စာရင်း ပေးပြီး UNHCR ၏ ဆုံးဖြတ်ချက်ကို စောင့်မျှော်နေကြရသည်။

သို့သော် UNHCR အရာရှိတစ်ချို့၏ စနစ်မကျသော၊ တရားမျှတမှုမရှိသောကြောင့် UNHCR အသိအ မှတ်ပြုထားသော အဖွဲ့အစည်းများအတွင်း မညီမျှမှုများ ဖြစ်ပေါ်နေပါသည်။ ဗမာဒုက္ခသည်များအစည်းအရုံး ( ဘီအာအို ) အပါအ၀င် အခြားမြန်မာဒုက္ခသည်အဖွဲ့အစည်းများမှာ UNHCR နှစ်စဉ်ပေးသောခွဲတမ်းတွင် မပါဝင် သည်မှာ နှစ်အတော်ကြာပြီဖြစ်ပါသည်။ တစ်ခြားသော တိုင်းရင်းသားအဖွဲ့တစ်ချို့မှာ ထပ်တလဲလဲ လျှောက် ထားခွင့်ရနေပါသည်။ ဤသို့သော လုပ်ရပ်နှင့်စနစ်မှာ အလွန်မတရားတဲ့အပြင် ကမ္ဘာပြည်သူများကပေးအပ် ထားသော အခွင့်အာဏာကို အလွဲသုံးစားပြုရာရောက်နေပါသည်။ ထို့ပြင် UNHCR ကို ယုံကြည်ကိုးစားပြီး ပူး ပေါင်းကူညီဆောင်ရွက်ပေးနေသော ဗမာအဖွဲ့အစည်းများအပေါ်၌လည်း UNHCR ယင်းသို့သော အရာရှိတစ်ချို့ ၏လုပ်ရပ်များကြောင့် အဖွဲ့ဝင်များမှ အထင်လွဲခြင်း၊ အထင်သေးခြင်းများဖြစ်စေပါသည်။ ဒါကြောင့် UNHCR အပါအ၀င် ဗမာအဖွဲ့အစည်းဦးဆောင်သူအပါအ၀င် စေတနာသန့်သန့်ဖြင့် ကိုယ်ကျိုးစွန့်လုပ်ကိုင်ကူညီဆောင် ရွက်ပေးနေသောသူများ၏ ဂုဏ်သိက္ခာထိခိုက်ကျဆင်းနေရပါသည်။

UNHCR အရာရှိများအနေနဲ့သိသင့်တာကတော့ မလေးရှားနိုင်ငံရှိ တိုင်းရင်းသားဒုက္ခသည်အဖွဲ့အစည်း တစ်ချို့သည် သူတို့ တိုင်းရင်းသားလူမျိုးဖြစ်ပေမယ့် သူတို့ဒေသစကားမပြောတတ်လျှင်သော်လည်းကောင်း၊ တခြားလူမျိုးတစ်ဦးဦးနှင့် အိမ်ထောင်ကျသွားသော အမျိုးသား၊ အမျိုးသမီးများကို သူတို့အဖွဲ့ဝင်အဖြစ် ၀င်ခွင့် မပြုပေ။ ယင်းအချက်ကို သူတို့အဖွဲ့၏စည်းမျဉ်း၊ စည်းကမ်းများကို ကြည့်ရှုလေ့လာခြင်းဖြင့် သိနိုင်ပါသည်။

မြန်မာနိုင်ငံသားအားလုံးကို ကူညီဆောင်ရွက်ပေးနေသော ဗမာဒုက္ခသည်များအစည်းအရုံး(ဘီအာအို) တွင် တက်ရောက်ပညာသင်ကြားနေသော ကျောင်းသားများမှာ ချင်း၊ ကရင်၊ မွန်၊ ရခိုင်၊ ထားဝယ်၊ ရှမ်း လူမျိုး အများစုဖြစ်ပါသည်။ ယခုလို တမြေတည်းနေ၊ တရေတည်းသောက်နေနိုင်ခဲ့ကြသော ဗမာလူမျိုးအပါအ၀င် မြန်မာနိုင်ငံသားတိုင်းရင်းသားအပေါင်းတို့မှာ မလေး UNHCR အရာရှိတစ်ချို့၏ ညံ့ဖျင်းသော၊ စနစ်မကျသော၊ မတရားသော လုပ်ထုံးလုပ်နည်း၊ အခွင့်အာဏာအလွဲသုံးစားမှု နှင့် အနိုင်ကျင့်မှုများကြောင့် အချင်းချင်း စိတ် ၀မ်းကွဲကြမလိုဖြစ်ကြရသည်။

စစ်ဖိနပ်အောက် ဖိနှိပ်သတ်ဖြတ်ခြင်းအတူတူခံနေရသော ဘ၀တူလူမျိုးအချင်းချင်း ယခုလိုခွဲခြားဆက် ဆံနေခြင်းကို အမြန်ဆုံးဖြေရှင်းသင့်ပါပြီ။ ယခုအခါ ကမ္ဘာပေါ်တွင် ငြိမ်းချမ်းရေး၊ တည်ငြိမ်ရေး၊ ဘာသာ၊ ကာ လာမခွဲခြားရေး နှင့် လူသားအားလုံး အတူတူညီတူညီမျှ လူဂုဏ်သိက္ခာကို ခံစား၊ စံစားခွင့်ရှိအောင် ကြိုးပမ်းနေ ချိန်တွင် အကြင်နာတရားမဲ့သော UNHCR အရာရှိတစ်ချို့ကြောင့် မထိခိုက်စေလိုပါ၊ မနစ်နာစေလိုတော့ပါ။

ကျွန်တော့်အနေနဲ့ ယခုလို မလေးရှားနိုင်ငံရှိ မြန်မာနိုင်ငံသားဒုက္ခသည်များနှင့်ပတ်သတ်ပြီး မလေးရှား UNHCR အရာရှိတစ်ချို့၏ မတရားသော၊ မူမမှန်သော အကြောင်းအချက်များကို ဖော်ပြရခြင်းမှာ မြန်မာလူမျိုး များအပါအ၀င် ကမ္ဘာကပါ အဖြစ်မှန်၊ ပြဿနာအမှန်ကို သိစေလို၍ ဖြစ်ပါသည်။

ပြည်တွင်းတွင်လည်း စစ်အာဏာရှင်များ၏ ဖိနှိပ်ညှင်းပန်းမှုကိုခံရသည့်အပြင်၊ ယခုပြည်ပမှာပါ ခွဲခြား ဆက်ဆံမှုကို ခံနေရသောဒုက္ခသည်များ၏ ဘ၀သည် အသက်ရှင်လျှက် ဘ၀သေနေသလိုပင်ဖြစ်သည်။ လူ သားစစ်စစ်ဖြစ်သောကြောင့် လူသားတိုင်းခံစားထိုက်သော လူ့အခွင့်အရေးကို ခံစားခွင့်ပြုရမည်၊ ခံစားခွင့်ရှိရ မည်။

ကျွန်တော့်တင်ပြချက်များအတွက် အပြည့်အ၀တာဝန်ယူပါသည်။ ကျွန်တော်ဟာ လူစွမ်းကောင်းမ ဟုတ်သလို၊ သူရဲကောင်းလည်းမဟုတ်ပါ။ သို့သော် မတရားမှုကိုတော့ လက်မခံနိုင်သူဖြစ်ပါသည်။ ယခုကဲ့သို့ မလေး UNHCR အရာရှိတစ်ချို့၏ တရားမျှတမှုမရှိသောလုပ်ရပ်များကို သိရှိနားလည်သဘောပေါက်သူများစွာ ရှိကြောင်း ယုံကြည်ပါသည်။ မိမိတို့၏ ပြည်တွင်းမှာ အမှန်တရားအတွက် တိုက်ပွဲဝင်လို့ ပြည်ပသို့ထွက်ပြေး တိမ်းရှောင်လာခဲ့ရသူများအနေနဲ့ ယခုကြုံတွေ့နေရသော UNHCR အရာရှိတစ်ချို့၏ မတရားသော၊ အနိုင်ကျင့် ခွဲခြားဆက်ဆံနေမှုကို ပြတ်ပြတ်သားသားထုတ်ဖော်ဆန့်ကျင်ဖို့ အချိန်တန်ပြီလို့ယူဆပါသည်။ ကျွန်တော်တို့ မြန်မာနိုင်ငံသားအချင်းချင်းလည်း စည်းစည်းလုံးလုံး၊ ညီညီညွတ်ညွတ်နှင့်ဝိုင်းဝန်းတိုင်ပင်အဖြေရှာသင့်ပြီလို့ တိုက်တွန်းချင်ပါသည်။ ယခုအခါမှာ အပြစ်မဲ့မြန်မာနိုင်ငံသားကလေးငယ်များနှင့်အမျိုးသမီးများမှာ အနာဂါတ် ပျောက်နေပါပြီ။ နောင်မျိုးဆက်တွေအတွက် ကျွန်တော်တို့အားလုံးအမှန်တရားနှင့် လူ့အခွင့်အရေးအတွက် ယခု ချိန်ကစပြီး အားလုံးညီညွတ်စွာ ပေးဆပ်ကြပါစို့။

မြန်မာဒုက္ခသည်များ

၁၇ ဧပြီ ၂၀၁၀
ပေးပို့သူ အားကျေးဇူးတင်ရှိပါသည်။

တရုတ်တွင် မြန်မာနိုင်ငံအတွင်း ကြီးမားသော စီးပွားရေး ရင်းနှီးမြှုပ်နှံမှုများ အပါအဝင် စိုးရိမ်မှုများစွာ ရှိနေသည်။ အထူးသဖြင့် ရေနံပိုက်လိုင်းစီမံကိန်း၊ တရုတ်နိုင်ငံတောင်ပိုင်း ယူနန်ခရိုင်သို့ မြန်မာပြည်အနောက်ဘက် ရခိုင်ကမ်းလွန်မှ ရေနံ ပို့ဆောင်ခြင်းတို့ ဖြစ်သည်။ သို့သော် တရုတ်သည် နှစ်နိုင်ငံနယ်စပ်တလျှောက် ဖြစ်ပေါ်နေသော တိုးပွားလာသည့် ပြဿာနာများနှင့် မြန်မာပြည်တွင် နေထိုင်သော တရုတ်လူမျိုးများ၏ လုံခြုံရေးတို့အတွက်ပါ စိုးရိမ်နေရသည်။ တရုတ်လူမျိုး တသန်း၏ လေးပုံတပုံခန့်သည် လွန်ခဲ့သည့် ၁ဝ နှစ်အတွင်းက စီပွားရေးနှင့် အလုပ်အကိုင် အခွင့်အလမ်းများ ရှာဖွေရန် မြန်မာပြည်မြောက်ပိုင်းသို့ နယ်စပ်ဖြတ်ကျော်ကာ ဝင်ရောက်လာခဲ့ကြသည်။

နယ်စပ်ဒေသမှ ပျက်စီးနေသော အခြေအနေများနှင့်အတူ လုံခြုံရေးအတွက် စိုးရိမ်မှု တိုးပွားလာနေသည်။ ပြီးခဲ့သည့် အပတ်က ယူနန်ပြည်နယ်မြို့တော် ကူမင်းအခြေစိုက် အစိုးရထိန်းချုပ်သော ခရိုင် ရုပ်မြင်သံကြားက မြန်မာနိုင်ငံအတွင်း ရှိနေသော တရုတ်နိုင်ငံသားများ နေရပ်သို့ အမြန်ဆုံးပြန်လာရန် တရုတ်အစိုးရ၏ ကြေညာချက်ကို ထုတ်လွှင့်ခဲ့သည်။

၎င်း၏ နောက်တွင် လွန်ခဲ့သည့်လက ဖြစ်ပွားခဲ့သော ကိုးကန့်တပ်ဖွဲ့နှင့် စစ်တပ်ကြား စစ်ရေးပဋိပက္ခတွင် နယ်စပ်ဒေသ၌ နေထိုင်သော တရုတ်နိုင်ငံသားများ ဆက်ဆံခံခဲ့ရသည်များကို လွန်ခဲ့သည့် ရက်ပိုင်းကတည်းက တရုတ်က စစ်အစိုးရကို ပုံမှန်ပင် ပြစ်တင်ဝေဖန်လာခဲ့သည်။ ပြီးခဲ့သည့်တပတ်ထုတ် ကြေညာချက်တွင် တရုတ် နိုင်ငံခြားရေးဝန်ကြီးက တရုတ်နှင့် နယ်ချင်းကပ် မြန်မာပြည်အရှေ့မြောက်တွင် ကိုးကန့်နှင့် ဖြစ်ပွားခဲ့သော ပြဿာနာသည် ထိုဒေသရှိ တရုတ်နိုင်ငံသားများ အခွင့်အရေးများနှင့် အကျိုးစီးပွားကို ထိခိုက်စေခဲ့သည်ဟု ပြောခဲ့သည်။ စစ်အစိုးရအနေနှင့် အလားတူဖြစ်ရပ်မျိုး ထပ်မဖြစ်စေရန် သေချာစွာ လုပ်ဆောင်သင့်သည်ဟု ပြောသေးသည်။

စစ်အစိုးရက ဒေသတွင်း၌ ငြိမ်းချမ်းရေး ပြန်ရနေပြီး တရုတ်နယ်စပ်သို့ ထွက်ပြေးသော ဒုက္ခသည်အများစု ပြန်လာပြီဟု ပြောဆိုခဲ့သည်။ သို့သော် မြန်မာနှင့် ထိစပ်နေသော တရုတ်ပြည်နယ်စပ်ရှိ ဒေသခံများအဆိုအရ ကိုးကန့်ဒေသမှသာ မဟုတ်ဘဲ ထောင်ပေါင်းများစွာတို့သည် နယ်စပ်ကိုဖြတ်ကျော်ကာ ခိုလှုံရာ ရှာဖွေနေဆဲဟု ဆိုသည်။ အများစုမှာ တရုတ်လူမျိုး စီးပွားရေးလုပ်ငန်းရှင်များ ဖြစ်သည်။ ဒုက္ခသည် ၄ သောင်းနီးပါးသည် တိုက်ပွဲများ ဖြစ်ပွားချိန်တွင် တရုတ်ဘက်သို့ ထွက်ပြေးခဲ့ကြသည်။

သူတို့သည် တရုတ်အာဏာပိုင်များက ဆောက်လုပ်ပေးသော ယာယီဒုက္ခသည်စခန်းများ၌ နေထိုင်ကြသည်။ တရားဝင်ပင် ထိုဒုက္ခသည်များကို ထိုအချိန်ကတည်းက သီးခြားခွဲထားကာ မြန်မာပြည်သို့ ပြန်ပို့ခဲ့သည်။ “ကိုးကန့်မြို့တော် လောက်ကိုင်ဟာ သရဲသဘက်မြို့လို ရှိနေဆဲပါပဲ“ ဟု မကြာသေးခင်က ထိုဒေသကို သွားရောက်ခဲ့သော နိုင်ငံခြားသား ဧည့်သည်တဦးက မဇ္ဈိမကို ပြောသည်။ ရှမ်းပြည်နယ်အရှေ့ပိုင်းရှိ အဓိက နယ်စပ်မြို့တော် အပါအဝင် အဓိကမြို့ကြီးများ အများစုမှာလည်း ပြောင်တလင်းခါနေသည်ဟု သူက ဆက်ပြောသည်။

နယ်စပ်တလျှောက် အနောက်ဘက် ကချင်ဒေသမှ အရှေ့ဘက် ရှမ်းဒေသအထိမှ ဒေသခံများသည် အခြား တော်လှန်ရေး အင်အားစုများ အထူးသဖြင့် ကချင်၊ ဝ နှင့် စစ်တပ်ကြား ဖြစ်ပွားလာနိုင်သည့် တိုက်ပွဲများကို စိုးရိမ်ကြောက်ရွံ့သဖြင့် တရုတ်ပြည်တွင်းသို့ ထွက်ပြေးနေသည်ဟု ထိုဒေသသို့ စီးပွားရေးလုပ်ရန် သွားရောက်ခဲ့သော အိန္ဒိယ စွန့်ဦးစီးပွားရေး လုပ်ငန်းရှင်တဦးက ဆိုသည်။ “လူတိုင်းက နှစ် ၂ဝ ရှိပြီဖြစ်တဲ့ အပစ်ရပ် သဘောတူညီချက်ကို မြန်မာစစ်ဗိုလ်ချုပ်တွေက ဖျက်ဆီးပစ်ပြီး တိုက်ပွဲတွေ ပြန်ဖြစ်လာတော့မှာကို စိုးရိမ်နေကြတယ်“ ဟု တရုတ်နယ်စပ်မြို့ ရွှေလီ၌ နေထိုင်သော ကချင် ကျောင်းသားတဦးက ပြောသည်။

“စစ်အစိုးရရဲ့ ရည်ရွယ်ချက်ဟာ နောက်နှစ်မှာလုပ်မယ့် ရွေးကောက်ပွဲ မတိုင်ခင် တိုင်းရင်းသားတော်လှန်ရေး တပ်တွေကို လက်နက်ဖြုတ်သိမ်းပြီး နယ်ခြားစောင့်တပ် ဖြစ်လာစေဖို့ပဲ“ ဟု ဦးဝင်းမင်းက ပြောသည်။

အပစ်ရပ်အဖွဲ့များသည် အောက်တိုဘာ ၂၄ ရက်နေ့ နောက်ဆုံးထား၍ မြန်မာစစ်တပ်၏ ထိန်းချုပ်မှုအောက်၌ နယ်စပ် ရဲလုံခြုံရေးတပ်များအဖြစ် လက်နက်ဖြုတ်သိမ်းပေးရန် စစ်အစိုးရ၏ အမိန့်ကို လိုက်နာရန်နှင့် လာမည့်နှစ်တွင် ပြုလုပ်ရန် စီစဉ်ထားသော ရွေးကောက်ပွဲကို ဝင်ရောက်ရန်ဖြစ်သည်ဟု သူက မဇ္ဈိမကို ဆက်ပြောသည်။

ယခုနှစ်အစောပိုင်းတွင် စစ်အစိုးရသည် ထိုတော်လှန်ရေးအဖွဲ့များ အထူးသဖြင့် ဝ နှင့် ကူညီညှိနှိုင်းပေးရန် ၂ဝဝ၄ ခုနှစ် အောက်တိုဘာအတွင်း ရာထူးမှဖြုတ်ချကာ ရန်ကုန်တွင် နေအိမ်အကျယ်ချုပ် ကျခံထားရသော ဝန်ကြီးချုပ်ဟောင်းနှင့် စစ်ထောက်လှမ်းရေး အကြီးအကဲဟောင်း ဗိုလ်ချုပ်ကြီးခင်ညွန့်၏ အကူအညီကို ရယူရန် ကြိုးစားခဲ့သည်။ ဦးခင်ညွန့်သည် လွန်ခဲ့သည့် နှစ် ၂၀ က ယခုအပစ်ရပ်များကို သဘောတူညီချက် စတင်ဦးဆောင်ပြုလုပ်ခဲ့ကာ၊ သူ့ကို တိုင်းရင်းသား ခေါင်းဆောင် အများအပြားက ယုံကြည်ကြဆဲဖြစ်သည်။ သူက ရာထူးချခံရပြီးနောက် ထောင်ချခံခဲ့ရသော သူ၏ စစ်ထောက်လှမ်းရေး အရာရှိ ၃၀၀ ကို ပြန်လွှတ်ပေးလျှင် လုပ်ဆောင်ပေးမည်ဟု သဘောတူခဲ့သည်။ စစ်အစိုးရက သူ၏ တောင်းဆိုမှုကို ငြင်းဆိုခဲ့ကာ၊ နယ်စပ်တလျှောက်ရှိ အဓိက တိုင်းရင်းသား အင်အားစုများဖြစ်သော ကချင်၊ ကိုးကန့်၊ ဝနှင့် အလွန်တရာ နီးကပ်သော ဆက်ဆံရေးရှိသည့် တရုတ်ဘက်သို့ လှည့်လာခဲ့သည်။ တရုတ်၏ အကူအညီပေးရန် တုံ့ဆိုင်းနေမှုက စစ်အစိုးရ ခေါင်းဆောင်များကို ဒေါသထွက်စေခဲ့သည်။

ယခုအခါ ဒေသတွင်းရှိ အခြားနိုင်ငံများနှင့် စစ်အစိုးရကို စစ်မှန်သည့် နိုင်ငံရေး အပြောင်းအလဲနှင့် မိတ်ဆက်ပေးနိုင်ရန် တွန်းအားပေးရေးအတွက် အပြည်အပြည်ဆိုင်ရာမှ ချဉ်းကပ်မှုများအပေါ် အရေးကြီးသော ရိုက်ခတ်မှု ဖြစ်ပေါ်စေနိုင်သည့် နိုင်ငံနှစ်ခုအကြား တည်ရှိနေသော ထင်ရှားသည့် အက်ကွဲကြောင်းသည် ပိုမို၍ သက်သေပြလာနိုင်သည်။

နယ်စပ်ဒေသရှိ အထူးသဖြင့် ကိုးကန့်နှင့် " ဝ " ကဲ့သို့သော တိုင်းရင်းသား အုပ်စုအများစုသည် စစ်အစိုးရနှင့် အပစ်ရပ် သဘောတူညီမှု ရယူထားသလို၊ အစဉ်အလာအားဖြင့်လည်း တရုတ်အာဏာပိုင်များနှင့် နီးကပ်သော ဆက်သွယ်မှုများ ရှိနေသဖြင့် နှစ်နိုင်ငံအကြား ကြီးထွားလာသော ဆန့်ကျင်ကွဲပြားလာမှုသည် ထိုဒေသကို သိသာစွာ သက်ရောက်နိုင် သည်။ စီးပွားရေးနှင့် ယဉ်ကျေးမှုအရပါ ထိုဒေသသည် မြန်မာထက် တရုတ်နှင့် ပိုမိုနီးစပ်လေသည်။

ထိုတိုင်းရင်းသားခေါင်းဆောင် အများအပြားသည် ကျန်းမာရေး ကုသမှုခံယူရန် နယ်စပ်ဖြတ်ကျော်၍ တရုတ်ဆေးရုံများသို့ သွားရောက်သလို၊ သူတို့၏ သားသမီးများကို တရုတ်ကျောင်းများသို့ ပို့ထားသည်။ တရုတ်ဘာသာစကားနှင့် တရုတ်ငွေ ယွမ်ကိုပင် ရှမ်းပြည်မြောက်ပိုင်း ကိုးကန့်နှင့် ဝ" ဒေသတခုလုံး၌ သုံးစွဲကြသည်။

မြန်မာပြည်တွင်းရှိ သူတို့၏ တိုင်းရင်းသား ညီအကိုများဖြစ်သော ဝ"၊ ကိုးကန့်နှင့် ဗဟိုအစိုးရအကြား ရွေးချယ်ရန် ပေကျင်းကို ဖိအားပေးသည့် မည်သည့်အရာမဆို ပေကျင်းအား ကြီးမားသော ပြဿာနာ ဖြစ်စေသည်။ အဆုံး၌ မြန်မာနှင့် တရုတ်၏ တကယ့် သဘာဝအခြေအနေကို ထင်ရှားစွာ ပြသပေလိမ့်မည်။

ပေကျင်းသည် ယခုအခါ မြန်မာ၏ ပိုမိုရှည်ကြာသော စောင့်သိမှုနှင့်ပတ်သက်၍ ပိုမို စိတ်ပူပန်နေရသည်။ စစ်အစိုးရသည် ပြီးခဲ့သည် နှစ်အနည်းငယ်တွင် တရုတ်၏ အဓိကမဟာမိတ်ဖြစ်ကာ၊ အရှေ့တောင်အာရှမှ နည်းဗျူဟာမြောက် မိတ်ဆွေ ဖြစ်ခဲ့သည်။ ထို့ကြောင့် ဝါရှင်တန်နှင့် မြန်မာအကြား စတင်ဖွင့်လှစ်လာသော ညှိနှိုင်းမှုသည် တရုတ်ခေါင်းဆောင်များကို စိတ်အနှောင့်အယှက်ဖြစ်စေကာ၊ သူတို့သည် ဒေသတွင်းတွင် အမေရိကန်၏ ဆက်ဆံရေး ပြန်လည်တည်ဆောက်မှုကို သံသယရှိနေဆဲဖြစ်ပြီး၊ အမေရိကန်က တရုတ်ကို ထိန်းချုပ်ရေး နည်းဗျူဟာဟောင်းသို့ ပြန်ရောက်သွားမည်ကိုပါ စိုးရိမ်နေသည်။ ထိုဒေသကို ပေကျင်းက သူ၏ နောက်ဘက်ခြံအဖြစ် သဘောထားကာ လွှမ်းမိုးရန် မည်သည့် ကြိုးပမ်းမှုကိုမဆို ကြိုဆိုမည် မဟုတ်ပေ။

တရုတ်က အရှေတောင်အာရှမှ သူ၏ လွှမ်းမိုးမှု ကျဆင်းလာနေပြီလောဟူ၍ စိုးရိမ်နေသည်။ ဗီယက်နမ်သည် မည်သည့်အခါကမှ ခိုင်မာစွာ ထောက်ခံခဲ့သူ မဟုတ်ခဲ့သလို၊ ပေကျင်းက စိုးရိမ်နေသမျှ ကာလပတ်လုံး တခါတရံတွင် ဟနွိုင်း၏ အဓိက အကျိုးစီးပွားသည် ဝါရှင်တန်နှင့် အဆင်ပြေနေသည်။ မကြာသေးခင်က ကမ္ဘောဒီးယားနှင့် ထိုင်းသည် အမေရိကန်နှင့် ဆက်ဆံရေး ပိုမိုခိုင်မြဲလိုက်သောအခါ တရုတ်၏ နည်းဗျုဟာဆိုင်ရာ စိုးရိမ်မှုသည် ပိုမိုတိုးပွားလာသည်။

ယခုအခါ သူ၏ ကျောက်သားကဲ့သို့ ခိုင်မြဲခဲ့သော မဟာမိတ်သည် ဝါရှင်တန်နှင့် ဆက်ဆံရေးတိုးမြှင့်၍ ဆွဲဆောင်မှုများ စတင်ပြုလုပ်နေပေပြီ။ “တရုတ်ဟာ မြန်မာပြည်က မကြိုဆိုသင့်တဲ့ ထိုးဖောက်ဝင်ရောက်လာမှုတွေကို ပြင်းထန်တဲ့ စိတ်လှုပ်ရှားမှုတွေနဲ့ တုံ့ပြန်ပါလိမ့်မယ်“ ဟု ဒေါ်အောင်ဆန်းစုကြည်၏ အတ္ထုပ္ပတ္တိရေးသူနှင့် မြန်မာ့အရေး ကျွမ်းကျင်သူ ဗြိတိန်နိုင်ငံသား ဂျပ်စတင်ဝင်တယ်က မဇ္ဈိမကို ပြောသည်။

ပေကျင်း၏ လက်ရှိ စိုးရိမ်မှုသည် သူတို့၏ မတည်ငြိမ်သော အခြေခံရှိသည့် နှစ်ဦးနှစ်ဖက် ဆက်ဆံရေးမှ ထွက်ပေါ်လာခြင်းပင်။ တရုတ်အစိုးရသည် စစ်အစိုးရကို သံသယရှိဆဲပင်။ “ကျနော်တို့ ထိုင်းနဲ့ တွေ့တဲ့အခါ သူတို့က တရုတ်ကိုပဲ ကြည့်တယ်။ တရုတ်နဲ့ပဲ စကားပြောတယ်။ ဒါပေမဲ့ မြန်မာခေါင်းဆောင်တွေနဲ့ တွေ့တဲ့အခါ သူတို့က တရုတ်နဲ့ စကားမပြောဘဲ၊ တောင်အာရှကိုပဲ ကြည့်တယ်“ ဟု အဆင့်မြင့် တရုတ်အစိုးရ အရာရှိတဦးက ပြောသည်။

“မြန်မာနဲ့ တရုတ်ဟာဆိုရင် တကယ့်မိတ်ဆွေတွေ မဟုတ်ပါဘူး။ ဥပမာ - ထိုင်းနဲ့လိုပေါ့။ ဒါဟာ မက်ခီယာဗယ်လီရဲ့ ဆက်ဆံရေးမျိုးပါပဲ။ (မက်ခီယာဗယ်လီသည် နိုင်ငံရေးတွင် လှဲ့စားမှုများ တင်ပြခဲ့သူ ဖြစ်သည်) ။ အဲ့ဒါကတော့ ‘ကျနော်တို့ အဓိက လိုချင်တာအတွက် အဲဒီမှာ ရှိနေတာပါ။ သူတို့လည်း သူတို့လိုချင်တာအတွက် အဲဒီမှာ ရှိနေတာပါ’ “ ဟု သူက ပြောသည်။

ထို့ကြောင့် တရုတ်နိုင်ငံ သံတမန်ဆက်ဆံရေးအရဆိုလျှင် ထိုအရာသည် လွယ်ကူစွာ ရွှေ့ပစ်နိုင်သော ဆက်ဆံရေးမျိုး ဖြစ်သည်။ “ဒါပေမဲ့ အဲဒါဟာ မကြာခင်မှာ ပိုပြင်းထန်လာနိုင်မှာတော့ မဟုတ်ပါဘူး“ ဟု ဦးဝင်းမင်းက ပြောသည်။ “မြန်မာဟာ တရုတ်ကို စီးပွားရေးအရ အရမ်းကို မှီခိုနေရပြီး၊ ပေကျင်းကို သူ့ရဲ့ အဓိက မဟာမိတ်အဖြစ်ကနေ စွန့်ပစ်လိုက်ဖို့ တကယ်စဉ်းစားဖို့ဆိုတာ အရမ်းကို ဝေးလွန်းပါတယ်“ ဟု သူက ဆက်ပြောသည်။

မြန်မာနိုင်ငံရှိ နိုင်ငံခြား တိုက်ရိုက်ရင်းနှီးမြှုပ်နှံမှု ၉ဝ ရာခိုင်နှုန်းကျော်သည် တရုတ်ပင် ဖြစ်သည်။ အနောက်ကမ္ဘာက ဦးဆောင်သော စီးပွားရေးပိတ်ဆို့မှု ဆက်ရှိနေစဉ် မဝေးသော အနာဂတ်တွင် ပြောင်းလဲနိုင်ရန်မှာ မဖြစ်နိုင်ပေ။

“စီးပွားရေး ပိတ်ဆို့မှုတွေဟာ မြန်မာနိုင်ငံကို တိုက်ခိုက်ဖို့ နိုင်ငံရေးလက်နက်အဖြစ် အသုံးချနေတာဖြစ်ပြီး၊ တရားမျှတမှု မရှိဘူးလို့ ကျနော်တို့ စဉ်းစားပါတယ်“ ဟု ပြီးခဲ့သည့်လက မြန်မာဝန်ကြီးချုပ် ဗိုလ်ချုပ်ကြီးသိန်းစိန်က ကုလသမဂ္ဂ နှစ်ပတ်လည် အထွေအထွေညီလာခံ အစည်းအဝေးတွင် ပြောကြားခဲ့သည်။ သံသယ ရှိစရာမလိုအောင်ပင် မြန်မာ၏ အမေရိကန်နှင့် ဆွေးနွေးချင်လာသော စိတ်ဝင်စားမှုသည် စစ်အစိုးရ၏ အဓိက စိုးရိမ်မှုဖြစ်သော စီးပွားရေးပိတ်ဆို့မှု ပယ်ဖျက်ပေးရန်၊ အပြည်ပြည်ဆိုင်ရာမှ လူသားချင်း စာနာထောက်ထားသော အကူအညီနှင့် ဖွံ့ဖြိုးရေး အကူအညီများ နိုင်ငံတွင်း လှိမ့်ဝင်လာစေရန်နှင့် နိုင်ငံခြား ရင်းနှီးမြှုပ်နှံမှုများကို စွဲဆောင်ရန်တို့ကြောင့် ရုန်းထလာရခြင်း ဖြစ်သည်။

“ဗိုလ်ချုပ်တွေဟာ ထောက်ခံသူနိုင်ငံ တခုထဲပေါ်မှာ အရမ်းမှီခိုရတာကို မကြိုက်ကြမှာ သေချာသလို၊ အမေရိကန်နဲ့ တခြားနိုင်ငံတွေဖြစ်တဲ့ အာဆီယံလိုမျိုး၊ အိန္ဒိယလိုမျိုးနဲ့ ပိုကောင်းတဲ့ ဆက်ဆံရေးတွေအားဖြင့် တရုတ်ရဲ့ လွှမ်းမိုးမှုကို ချိန်ညှိဖို့ ကြိုးစားကြမှာ ဖြစ်ပေမယ့်လည်း သူတို့ဟာ တရုတ်နဲ့ ဆက်ထားတဲ့ အသက်သွေးကြောကြီးကို မဝေးတော့တဲ့ အချိန်မှာ ဖြတ်ဖို့တော့ စဉ်းစားကြမှာ မဟုတ်ပါဘူး“ ဟု ဦးဝင်းမင်းက ပြောသည်။

သို့သော် စစ်အစိုးရ ခေါင်းဆောင်များသည် ပေကျင်းနှင့်ပတ်သက်ပြီး စိတ်ပျက်နေသည်ဆိုသော အချက်မှ ပြေးထွက်၍ မရပါ။ တရုတ်သံရုံးသည် တရုတ် ပြည်သူ့သမ္မတနိုင်ငံ တည်ထောင်ခြင်း နှစ် ၆၀ ပြည့် အခမ်းအနားအတွက် များပြားလှသော အခမ်းအနားများ ပြုလုပ်ခဲ့သည်။ နောက်တနေ့ မြန်မာ့အလင်း သတင်းစာ မျက်နှာဖုံးတွင် သံမှူး၏ မိန့်ခွန်း သို့မဟုတ် နေရာ၊ ဖြစ်ရပ်၏ အရေးကြီးမှုကို အနည်းငယ်မျှသာ ဖော်ပြခဲ့ကာ၊ ထိုအစား အတွင်းရေးမှူး (၁) ၏ တက်ရောက်မှုကို သိသာစွာ အရေးစိုက်ဖော်ပြခဲ့သည်။ ၎င်းသည် ပြီးခဲ့သည်လက မြန်မာတိုင်းမ်တွင် တိဘက်ခေါင်းဆောင် ဒလိုင်လားမား ထိုင်ဝမ်သို့ ကြွရောက်သွားသော သတင်းဆောင်းပါးကို ဖော်ပြခွင့်ပြုခဲ့ပြီး၊ နောက်ထပ် ဖြစ်ပေါ်ခဲ့ခြင်း ဖြစ်သည်။ သို့သော် ထိုအဖြစ်အပျက်များသည် စစ်အစိုးရက တရုတ်အား မကြိုက်နှစ်သက်သော သင်္ကေတကို ရှင်းလင်းစွာ အချက်ပြလိုက်ခြင်းပင် ဖြစ်သည်။

သို့သော် တရုတ်လျှို့ဝှက်အဖွဲ့မှ မကြာသေးခင်က ဗိုလ်ချုပ်မှူးကြီးသန်းရွှေအား တွေ့ရှိပြီးနောက်တွင် တွေးဆမှုများသည် ပြင်ဆင်မှုများပေါ်တွင် ရောက်ရှိနေပြီး ဖြစ်ကောင်းဖြစ်နေနိုင်သည်။ တရုတ်သည် စစ်အစိုးရနှင့် အကာအရံများကို ပြန်လည်ပြင်ဆင်ရန် ဝရုန်းသုန်းကားပင် ကြိုးစားနေသည်။ ဥပမာတခုအနေနှင့် ယခုလတွင် ကုလလုံခြုံရေးကောင်စီ၌ မြန်မာကို အစည်းအဝေး၌ ဆွေးနွေးရန် ခေါင်းစဉ်အဖြစ် မပါရှိစေရေး သေချာစေရန် တရုတ်မှ သံတမန်ရေးရာအရ စတင်ခဲ့မှုပင် ဖြစ်သည်။

ပေကျင်းသည် တိုးပွားလာသော စိုးရိမ်မှုများနှင့် မည်သည့် မြန်မာနှင့် အမေရိကန်ကြား နောက်ထပ် ညှိနှိုင်းမှုများကိုမဆို စောင့်ကြည့်မည်သာ ဖြစ်သည်။ ယခုအချိန်အထိ ၎င်းသည် နီးကပ်သော လုပ်ဖော်ကိုင်ဘက် နှစ်နိုင်ငံကြား၊ ပေါက်ဖော်များအကြား သို့မဟုတ် ဇနီးမောင်နှံကြားတွင်ပင် ငြင်းခုန်စရာ ပြဿာနာ ဖြစ်နေသည်ဟု ထိုအခြေအနေများကို နီးကပ်စွာ စောင့်ကြည့်နေသော အာရှသံတမန်တဦးက ဆိုသည်။

သို့သော် အဆုံးတွင် အပေါ်စီးရမည့်သူမှာ မြန်မာပင် ဖြစ်နိုင်သည်။ တရုတ်၏ မြန်မာနိုင်ငံတွင် စီးပွားရေး၊ ကုန်သွယ်ရေး၊ စစ်ရေးပတ်သက်မှုများက စစ်အစိုးရအား အပေါ်စီးရမှုကိုသာ ပိုမိုစေသည်။ ယခုကိစ္စမှာ စစ်အစိုးရခေါင်းဆောင်များသည် သူတို့၏ ကြွက်သားများကို မည်မျှအထိ အတိုးအလျော့ ပျော့ပြောင်းနိုင်ကြမည်လည်းဆိုသည်ပင် ဖြစ်သည်။

While never ending our struggle for democracy, the NLD has continually sought to engage the regime and open a dialogue -- based on peace and mutual respect -- that could address Burma's critical political as well as social problems. Make no mistake -- these two issues are linked. Burma was once the rice bowl of Asia. Today, because of the regime's destructive economic policies and its use of oppression to maintain military rule, Burma is a shattered, poverty-stricken country.

The regime is seeking to place a veneer of legitimacy on itself through showcase "elections" and claiming that "disciplined democracy" will be instituted next year. Yet in May 2008, just days after a massive cyclone devastated Burma and killed more than 100,000 people, the regime used a farcical process to claim that 93 percent of voters chose to adopt a constitution that permanently enshrines military rule and prevents those with undefined "foreign ties" from holding public office -- catch-all provisions that would bar Suu Kyi and democracy activists from seeking office.

Some international observers view next year's planned elections as an opportunity. But under the circumstances imposed by the military's constitution, the election will be a sham. We will not sacrifice the democratic principles for which many millions of Burmese have marched, been arrested, been tortured and died to participate in a process that holds no hope whatsoever for bringing freedom to our country.

The demands of the NLD are reasonable. In April we issued another declaration to encourage engagement with the military that called for the release of all political prisoners, a full review of the constitution, reopening of all NLD offices and the right to freely organize. The regime's answer is the continued jailing of Suu Kyi and 2,000 other activists, massive military offensives against ethnic groups and the enforcement of rules to gag democracy.

How can the international community play a meaningful role? First, officials such as Webb should stop fear-mongering about China. His language about containing China, and working with Burma's regime to do so, is based on an outdated and unrealistic thesis. Suu Kyi rejected such notions by informing Webb that "we will not deal with anyone with fear and insecurity. We will deal with anyone, China, America, India, equally and friendly. As we can't choose our neighbors, we understand that we need to have a good relationship with China." Second, the NLD encourages other countries and international organizations to engage with Burma's military leaders to persuade them to engage with us and Burma's ethnic groups. The United States and many other nations have imposed sanctions on Burma. That is their decision and in keeping with their justified solidarity with the democratic values that we all hold so dear. If the regime genuinely engages with the NLD and ethnic representatives, releases political prisoners, ceases attacks against ethnic minorities and takes additional steps to build a true democratic state, these sanctions will be repealed at the right time.

In the meantime, let no one doubt our resolve. The NLD is a reflection of Burmese society. We will not be cowed or coerced into participating in a fatally flawed political process that robs the Burmese people of the freedom for which we struggle. We stand ready to engage, but we are more than willing to continue our struggle for the democratic values that so many have given their lives and their freedom to achieve.

U Win Tin is a member of the Central Executive Committee and a founder of Burma's National League for Democracy party. He was a political prisoner from 1989 to 2008. Support 1991 Nobel Peace Prize recipient Aung San Suu Kyi and the struggle for freedom and democracy in Burma:

............................................xxxxxxxxxxxxxx...........................................................

မြန်မာပြည်သူတွေအတွက် မလိုအပ်တဲ့ 'ရွေးကောက်ပွဲ'

မကြာသေးခင်က အထက်လွှတ်တော်အမတ် ဂျိမ်းဝက်ဘ် ကျနော့်တိုင်းပြည်ကို အလည်အပတ်သွားခဲ့တာ၊ ဗိုလ်ချုပ်မှူးကြီး သန်းရွှေ၊ အကျဉ်းကျခံနေရတဲ့ငြိမ်းချမ်းရေးနိုဘယ်ဆုရှင် ဒေါ်အောင်ဆန်းစုကြည်တို့နဲ့ တွေ့ဆုံစကားပြောခဲ့တာတွေအပေါ် လူတွေက အများကြီးအာရုံစိုက်ခဲ့ကြပါတယ်။ ဝက်ဘ်က မြန်မာပြည်ရဲ့ အုပ်စိုးသူအာဏာပိုင်တွေနဲ့ အဓိပ္ပာယ်ရှိရှိတွေ့ဆုံ ဆွေးနွေးချင်တာကို ကျနော်နားလည်ပါတယ်။ ကံမကောင်းအကြောင်းမလှတာကတော့ သူ့ကြိုးပမ်းချက်တွေဟာ ကျနော် တို့ဒီမိုကရေစီလှုပ်ရှားမှုကြီးကို ထိခိုက်နစ်နာစေပြီး မှားယွင်းတဲ့အကြောင်းအရာပေါ်မှာ အလေးထားခဲ့တာဖြစ်ပါတယ်။ အဲဒီ အကြောင်းအရာကတော့ ရေရှည်နိုင်ငံရေးမဟာဗျူဟာရဲ့ အစိတ်အပိုင်းတခုအဖြစ် ပါဝင်ဆင်နွှဲဖို့ ဝက်ဘ်က ကျနော်တို့ကို စဉ်းစားစေချင်တဲ့ ရှေ့နှစ် "ရွေးကောက်ပွဲ" အလားအလာဖြစ်ပါတယ်။ ဒါပေမဲ့ စစ်အစိုးရက စီစဉ်ထားတဲ့ ဟန်ပြရွေး ကောက်ပွဲဟာ ကျနော်တို့ ပြည်သူလူထုတွေ လိုလားနေတဲ့လွတ်လပ်ရေးကို သရော်မော်ကားလုပ်ပြီး စစ်အာဏာရှင် စနစ်ကို ထာဝရတည်တန့်အောင် လုပ်သွားမှာဖြစ်ပါတယ်။

ကျနော်တို့ဆီက နောက်ဆုံးကျင်းပခဲ့တဲ့ လွတ်လပ်တဲ့ရွေးကောက်ပွဲမှာ မြန်မာပြည်သူတွေဟာ မဲဆန္ဒအပြတ်အသတ်နဲ့ စစ်တပ်အုပ်စိုးမှုကို ပယ်ချခဲ့ပြီး ကျနော်တို့အမျိုးသားဒီမိုကရေစီအဖွဲ့ချုပ်ကို လွှတ်တော်နေရာ ၈၀ ရာခိုင်နှုန်း နှင်းအပ်ခဲ့ပါ တယ်။ ဒါပေမဲ့လည်း အဖွဲ့ချုပ်ကို အစိုးရဖွဲ့ခွင့်ပေးဖို့ စစ်အုပ်စုကငြင်းဆန်ခဲ့ပါတယ်။ အဲဒီရွေးကောက်ပွဲပြီးနောက် ၁၉ နှစ် အတွင်းမှာ မြန်မာ့ဒီမိုကရေစီရေး လှုပ်ရှားတက်ကြွသူတွေဟာ တရားမျှတမှု၊ တဦးချင်းအခွင့်အရေး၊ တိုင်းရင်းသား အခွင့်အရေး၊ မြန်မာပြည်သူအားလုံးကိုကိုယ်စားပြုတဲ့ ဒီမိုကရေစီအစိုးရပုံသဏ္ဍာန်တို့ကို ငြိမ်းချမ်းစွာတောင်းဆို ဖော်ပြ နေရင်း အကျဉ်းချမှု၊ ခြိမ်းခြောက်မှု၊ ညှဉ်းပန်းနှိပ်စက်မှု နဲ့ အသက်ဆုံးပါးမှုတို့ကို ကြုံခဲ့ရပါတယ်။

အဖွဲ့ချုပ်ဟာ ကျနော်တို့ရဲ့ ဒီမိုကရေစီရေးတိုက်ပွဲကို တခါမှမရပ်နားခဲ့သလို စစ်အစိုးရနဲ့ ထိတွေ့ဆက်ဆံပြီး ငြိမ်းချမ်းရေးနဲ့ အပြန်အလှန်လေးစားရေးအခြေခံပေါ်မှာ မြန်မာပြည်ရဲ့အချက်အချာ နိုင်ငံရေးပြဿနာ လူမှုရေးပြဿနာတွေ ကိုင်တွယ် ဖြေရှင်းနိုင်မယ့် တွေ့ဆုံဆွေးနွေးပွဲပြုလုပ်ဖို့လည်း တောက်လျှောက်ကြိုးပမ်းခဲ့ပါတယ်။ ဒီကိစ္စနှစ်ရပ်ဟာ ဆက်စပ်နေတာကို လုံးဝသံသယမရှိပါနဲ့။ မြန်မာနိုင်ငံဟာ တချိန်တခါက အာရှတိုက်ရဲ့စပါးကျီကြီးဖြစ်ခဲ့ပါတယ်။ ဒီကနေ့မှာတော့ စစ်အစိုးရရဲ့ စီးပွားရေးအဖျက်ပေါ်လစီတွေနဲ့ စစ်အာဏာထိန်းထားနိုင်ဖို့ ဖိနှိပ်အုပ်ချုပ်နေတာကြောင့် ဆင်းရဲတွင်းနက်နေတဲ့ ဗယုတ် သုက္ခတိုင်းပြည် ဖြစ်နေပါပြီ။

စစ်အစိုးရဟာ ဟန်ပြ"ရွေးကောက်ပွဲ"ကတဆင့် သူ့ကိုယ်သူ တရားဝင်မှုမျက်နှာဖုံးတပ်ဖို့ ကြိုးပမ်းနေပြီး "စည်းကမ်းပြည့်ဝ တဲ့ဒီမိုကရေစီ"ကို လာမယ့်နှစ်မှာထူထောင်မယ်လို့ ကြွေးကြော်နေပါတယ်။ ၂၀၀၈ ခု မေလမှာ ဧရာမလေမုန်တိုင်းကြီး တခုက ဗမာပြည်ကို ထောင်းထောင်းချေ၊ လူ တသိန်းကျော် အသက်ဆုံးစေခဲ့ပြီးနောက် ရက်ပိုင်းအတွင်းမှာ စစ်အစိုးရက ရယ်စရာကောင်းတဲ့ လုပ်ဇာတ် တခုသုံးပြီး၊ စစ်အာဏာကို ရာသက်ပန်ဦးထိပ်ထားမယ့်အခြေခံဥပဒေကို မဲဆန္ဒရှင် ၉၃ ရာခိုင်နှုန်းက ထောက်ခံကြောင်း ကြေညာခဲ့ပါတယ်။ အဲဒီအခြေခံဥပဒေဟာ အဓိပ္ပာယ်ရှင်းရှင်းလင်းလင်း မရှိလှတဲ့ "နိုင်ငံခြားအဆက်အသွယ်" ရှိသူတွေကို အစိုးရရာထူးမယူစေဖို့ တားမြစ်ထားပြီး ဒေါ်အောင်ဆန်းစုကြည်နဲ့ ဒီမိုကရေစီ လှုပ်ရှားတက်ကြွသူတွေ အာဏာမရနိုင်အောင် ကျယ်ကျယ်ပြန့်ပြန့် တားမြစ်ပိတ်ပင်ထားတဲ့ ပြဋ္ဌာန်းချက်တွေ ထည့်သွင်း ထားပါတယ်။

တချို့သောနိုင်ငံတကာလေ့လာစောင့်ကြည့်သူတွေက ရှေ့နှစ်မှာလုပ်ဖို့စီစဉ်ထားတဲ့ ရွေးကောက်ပွဲတွေကို အခွင့်အလမ်း တခုအဖြစ် မြင်နေကြပါတယ်။ ဒါပေမဲ့ စစ်အုပ်စုရဲ့အခြေခံဥပဒေမှာ ချမှတ်ထားတဲ့ စည်းကမ်းချက်များအရ ရွေးကောက်ပွဲ ဟာ အတုအယောင်ဘဲ ဖြစ်ပါလိမ့်မယ်။ မြန်မာပြည်သူ သန်းပေါင်းများစွာတို့ ချီတက်လှုပ်ရှား၊ အဖမ်းအဆီးခံ၊ နှိပ်စက် ညှင်းပန်းခံ၊ အသက်ဆုံးပါးခံ တိုက်ပွဲဝင်ခဲ့ကြတဲ့ ဒီမိုကရေစီအခြေခံမူတွေကို ကျနော်တို့တိုင်းပြည်အတွက် လွတ်လပ်မှု ဆောင်ကျဉ်းလာဖို့ နည်းနည်းလေးမှ မျှော်လင့်ချက်မရှိတဲ့ ဖြစ်စဉ်တခုထဲ သွားပါဝင်ခြင်းအားဖြင့် မစွန့်လွှတ်နိုင်ပါဘူး။

အဖွဲ့ချုပ်ရဲ့တောင်းဆိုချက်တွေဟာ ကျိုးကြောင်းဆီလျော်တရားမျှတပါတယ်။ ဧပြီလတုံးက ကျနော်တို့ဟာ နောက်ထပ် ကြေညာချက်တရပ် ထုတ်ပြန်ခဲ့ပြီး စစ်အုပ်စုနဲ့ထိတွေ့ဆက်ဆံဖို့ အားပေးတိုက်တွန်းရင်း နိုင်ငံရေးအကျဉ်းသားအားလုံး ပြန်လွှတ်ပေးဖို့၊ အခြေခံဥပဒေကို အပြည့်အစုံပြန်လည်သုံးသပ်ဖို့၊ အဖွဲ့ချုပ်ရုံးခန်းတွေ ပြန်ဖွင့်ခွင့်ပေးဖို့နဲ့ လွတ်လပ်စွာ စည်းရုံးလှုပ်ရှားခွင့်တွေပေးဖို့ တောင်းဆိုခဲ့ပါတယ်။ ဒါပေမဲ့ စစ်အစိုးရကတော့ ဒေါ်အောင်ဆန်းစုကြည်နဲ့တကွ တခြား လှုပ်ရှားတက်ကြွသူ ၂၀၀၀ ကို ဆက်လက်အကျဉ်းချ၊ တိုင်းရင်းသားတွေကို အကြီးအကျယ်ထိုးစစ်ဆင်တိုက်ခိုက်ပြီး ဒီမို ကရေစီကိုလည်ပင်းညှစ် နှိပ်ကွပ်မယ့်စည်းကမ်းချက်တွေ အတင်းတိုးမြှင့်ကြပ်မတ်တဲ့လုပ်ရပ်နဲ့ တုံ့ပြန်လိုက်ပါတယ်။

ဒီတော့ နိုင်ငံတကာမိသားစုတွေက ဘယ်လိုအခန်းကဏ္ဍတွေကကနေ အကျိုးရှိရှိ ပါဝင်ပတ်သက်ကြမှာလဲ။ ပထမဦး ဆုံးကတော့ ဂျိမ်းဝက်လိုတာဝန်ရှိလူကြီးတွေက တရုတ်ပြည်နဲ့လှည့်ခြောက်တာကို စွန့်လွှတ်ရပ်တန့်ဖို့ဖြစ်ပါတယ်။ တရုတ် ကို ကန့်သတ်ထိန်းချုပ်ဖို့ မြန်မာစစ်အစိုးရနဲ့လက်တွဲစို့ ဆိုတဲ့ သူ့လေသံဟာ ခေတ်နောက်ကျပြီး လက်တွေ့မကျတဲ့ အယူ အဆပေါ် အခြေခံထားပါတယ်။ ဒေါ်အောင်ဆန်းစုကြည်ကိုယ်တိုင်ကလည်း ဒီလိုအယူအဆတွေကိုပယ်ချပြီး ဂျိမ်းဝက်ကို “ကျမတို့က ဘယ်သူ့ကိုဖြစ်ဖြစ် အကြောက်တရားတွေ စိုးရိမ်ကြောင့်ကြစိတ်တွေ အခြေခံပြီး ဆက်ဆံမှာမဟုတ်ဘူး။ ဘယ်သူ့မဆို ဆက်ဆံမှာဖြစ်တယ်။ တရုတ်၊ အမေရိကန်၊ အိန္ဒိယ၊ အားလုံးနဲ့ ရင်းရင်းနှီးနှီး တန်းတူညီမျှဆက်ဆံမှာ ဖြစ်တယ်။ ကျမတို့ဟာ ကိုယ့်အိမ်နီးချင်းကို ကိုယ်ရွေးချယ်နိုင်ခွင့်ရှိတာမဟုတ်လို့ တရုတ်နိုင်ငံနဲ့ ကောင်းမွန်တဲ့ဆက်ဆံရေး လိုအပ်တယ်ဆိုတာကို နားလည်တယ်” လို့ပြောခဲ့ပါတယ်။

ဒုတိယအချက်ကတော့ အဖွဲ့ချုပ်ကိုယ်တိုင်က တခြားနိုင်ငံတွေ၊ နိုင်ငံတကာအဖွဲ့အစည်းတွေကို စစ်အုပ်စုနဲ့ ထိတွေ့ဆက်ဆံ ဖို့ အားပေးတိုက်တွန်းနေတာ ဖြစ်ပါတယ်။ ဒီနိုင်ငံတကာမိသားစုတွေက ဗမာစစ်ခေါင်းဆောင်တွေကို ကျနော်တို့တတွေ ရယ် တိုင်းရင်းသားအဖွဲ့တွေရယ်နဲ့ ထိတွေ့ဆက်ဆံအောင် တိုက်တွန်းဖြောင်းဖြပေးဖို့ ထိတွေ့ဆက်ဆံစေချင်တာ ဖြစ်ပါ တယ်။ ခုချိန်မှာ အမေရိကန်နဲ့ တခြားနိုင်ငံတော်တော်များများက ဗမာပြည်ကို ပိတ်ဆို့အရေးယူမှုတွေ ချမှတ်ထားပါတယ်။ ဒါဟာ သူတို့ကိုယ်ပိုင်ဆုံးဖြတ်ချက်ဖြစ်ပြီး ကျနော်တို့အားလုံး အလွန်တန်ဖိုးထားတဲ့ ဒီမိုကရေစီတန်ဖိုးတွေအတွက် သူတို့ တွေက ဖြစ်သင့်ဖြစ်ထိုက်စွာ အတူတကွသွေးစည်းရပ်တည်နေတာ ဖြစ်ပါတယ်။ အကယ်၍သာ စစ်အစိုးရက အဖွဲ့ချုပ်နဲ့ တကွ တိုင်းရင်းသားကိုယ်စားလှယ်တွေနဲ့ စစ်မှန်တဲ့ထိတွေ့ဆက်ဆံရေးကို ဆောင်ရွက်မယ်၊ နိုင်ငံရေးအကျဉ်းသားတွေ လွှတ်ပေးမယ်၊ တိုင်းရင်းသားလူနည်းစုတွေအပေါ် တိုက်ခိုက်ပစ်ခတ်တာတွေ ရပ်စဲမယ်၊ ပြီးတော့ စစ်မှန်တဲ့ဒီမိုကရေစီ လူ့ဘောင် တည်ဆောက်ဖို့ လိုအပ်တဲ့ခြေလှမ်းတွေ လှမ်းလာမယ်ဆိုရင် အခုရှိနေတဲ့ ပိတ်ဆို့အရေးယူမှုတွေဟာ သင့်တော် တဲ့အချိန်တွေမှာ ရုပ်သိမ်းသွားမှာ ဖြစ်ပါတယ်။

လောလောဆယ်မှာတော့ ကျနော်တို့ခံယူချက်အပေါ် ဘယ်လိုမှ တွေဝေသံသယစိတ်တွေ မပွားကြပါနဲ့။ အဖွဲ့ချုပ်ဟာ ဗမာပြည်သူလူထုကြီး တိုက်ပွဲဝင်ရယူနေတဲ့လွတ်လပ်ရေးကို အဓမ္မလုယူမယ့်၊ ရှင်လမ်းမရှိအောင် ချို့ယွင်းပျက်စီးနေတဲ့ နိုင်ငံရေးဖြစ်စဉ်ထဲမှာ သွေးကြောင်တွေဝေစွာနဲ့ ဒူးထောက်ပါဝင်မှာ မဟုတ်ပါဘူး။ ကျနော်တို့ဟာ ထိတွေ့ဆက်ဆံဖို့ အမြဲ အသင့်ရှိပါတယ်၊ ဒါပေမဲ့ ကျနော်တို့အသက်သွေးချွေးတွေ ဘဝတွေ အများကြီး စွန့်လွှတ်ရင်းနှီးခဲ့ပြီးတဲ့ ဒီမိုကရေစီတန်ဖိုး တွေဆွတ်ခူးရယူနိုင်ရေးတိုက်ပွဲကို ဆက်လက် ဆင်နွှဲဖို့ဆိုရင်တော့ အသင့်ရှိတာထက်တောင် ပိုပါတယ်။

ဦးဝင်းတင်

(အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင်၊ အဖွဲ့ချုပ်စတင်တည်ထောင်သူတဦး၊ ၁၉၈၉ မှ ၂၀၀၈ အထိ နိုင်ငံရေးအကျဉ်းသား)
စက်တင်ဘာ ၉ ရက် ၂၀၀၉
ဝါရှင်တန်ပို့စ် သတင်းစာ

ဒေါ်ခင်စောဌေးအား ကျောက်တိုင်ရဲစခန်းတွင် ချုပ်နှောင်ကာ ၁၂ ရက်နေ့ နံနက် ၃ နာရီတွင် နေအိမ်သို့ ပို့ဆောင်ပေးခဲ့သည်။

အလားတူ ဦးသန်းအောင်နှင့် ဦးအေးကိုတို့အား ရေနံချောင်း မြို့မရဲစခန်းတွင် ချုပ်နှောင်ပြီး၊ ၁၂ ရက်နေ့ နံနက် ၁ နာရီတွင် နေအိမ်သို့ ပို့ဆောင်ပေးခဲ့သည်ဟု ကိုအေးကိုက ပြောသည်။

ဦးကျော်ငြိမ်းအား ညောင်လှရဲစခန်းတွင် ချုပ်နှောင်ပြီး ၁၁ ရက်နေ့ ည ၁၁ နာရီတွင်ပင် ပြန်လည်ပို့ဆောင်ပေးခဲ့သည်။

ဦးတင့်လွင်အား ရေနံချောင်း မြောက်ဘက် လက်မှတ်ကုန်းတွင် ဖမ်းဆီးချုပ်နှောင်ကာ ၁၁ ရက်နေ့ ည ၁၂ နာရီတွင် ပြန်လည်ပို့ဆောင်ပေးခဲ့သည်။

ယင်းသို့ဖမ်းဆီးခြင်းသည် လွတ်လပ်စွာ ကိုးကွယ်ခွင့်အား ချိုးဖောက်ခြင်းဖြစ်ကြောင်း ဒီမိုကရေစီဆိုသည်မှာ ကျင့်ကြံရသည့် ကိစ္စတခုဖြစ်ကြောင်း ဒေါ်ခင်စောဌေးက ပြောသည်။

“တိုင်းပြည်က လွတ်လပ်ပြီး လူတွေက မလွတ်လပ်သေးဘူးဆိုတာ အန်တီတို့က နမှုနာပြတာ။ လွတ်လပ်စွာ ကိုးကွယ်ခွင့်ကို တားမြစ်ပိတ်ပင်တာ မဟုတ်ဘူးလားလို့ အန်တီက မေးတာ။ လူတဦးချင်းစီရဲ့ လွတ်လပ်ခွင့် ဆုံးရှုံးသွားတာလို့။ ဒီမိုကရေစီ ဆိုတာ ပေးမှရတာ၊ တောင်းမှရတာ မဟုတ်ဘူး။ ကျင့်ရတာလေ။ အဲဒါကြောင့် ကျင့်ရမှာပေါ့” ဟု သူက ပြောသည်။

ဒေါ်အောင်ဆန်းစုကြည်အား ပြစ်ဒဏ်ချမှတ်သည့်နေ့က ရန်ကုန်၊ ပဲခူးမြို့တို့မှ အန်အယ်ဒီ အဖွဲ့ဝင်များနှင့် ထောက်ခံသူများကို အာဏာပိုင်များက ခေတ္တထိန်းသိမ်းမှုများ ပြုလုပ်ခဲ့သည်။

source by : မဇ္ဈိမ

ရဟန်းသံဃာဆိုတာ မကြည်ညိုသေးသော ဒကာ ဒကာမများကို သာသနာတော်ကို ကြည်ညိုလာအောင် နေရမယ်၊ကြည်ညိုပြီးသား ဒကာ ဒကာမများကိုလည်း ပိုမိုကြည်ညိုလာအောင် နေထိုင်ရတာပါ၊ အကျင့်ကောင်းတွေနှင့် ကိုယ်မူအရာ၊ နုတ်အမှုအရာ တွေက မြင်ရသူတိုင်း ကုသိုလ်ရအောင် နေထိုင်ပြောဆိုတတ်မှသာ သင်္ကန်းခေတ္တ၀တ်တဲ့သူနှင့် စီစဉ်ပေးတဲ့ ကိုယ့်မိဘဆရာသမားလည်း အကျိုးများမှာပါ၊၊

မြန်မာနိုင်ငံမှာ မတရားအာဏာကိုယူလာတဲ့ စစ်အစိုးရကလည်း ရဟန်းသံဃာများကို အထင်သေး အမြင်သေးဖြစ်အောင် နည်းပေါင်းစုံနှင့် ဖန်တီးနေတာပါ၊ သံဃာထုထဲဝင်ပြီး စနစ်တကျ ၀င်ရောက် ဖျက်ဆီးနေခြင်းများနှင့် အနုပညာသမားများကို အသုံးချပြီး ဒီထဲမှာ သာသနာတော်ကို ကြည်ညိုချင်ဟန်ဆောင်ကာ ပေါ်လစီကားတွေရိုက် ရုပ်ရှင်ထဲမှာတော့ ဦးချနေသော်လည်း တကယ်ဘ၀မှာတော့ သံဃာတော်တွေက ထောင်ထဲမှာ ၀ါဆိုနေရတာပါ၊

လူထုက သံဃာကို မကြည်ညိုနိုင်အောင် စစ်အစိုးရက ဖန်တီး၊နောက်တော့ သံဃာတွေပျက်ဆီးတာတွေ လူတွေကိုပြ၊ သံဃာတွေ နိုင်ငံရေးမလုပ်ရင်ပြီးရော ကားပွဲစား၊ကျောက်ပွဲစား၊ ချဲဒိုင် မျိုး စတဲ့ မဟုတ်တာတွေ လုပ်ချင်ရာ လုပ် စစ်အစိုးရက ဖန်တီးပေးထားတယ်၊ လောဘကြီးတဲ့ ဘုန်းကြီးဆိုရင်လည်း ကားတွေပေး၊ ကျောင်းဆောက်ပေးတော့ သဘောတွေကျနေရော၊ အမျိုးသမီးတွေ ရုန်းရုန်းနဲ့ နေရတာကို ၀ါသနာပါရင် နေပေစေဆိုပြီး စစ်အစိုးရက လွတ်ပေးထားတယ်၊ တချို့ ဒီမိုကရေစီ နာမည်ရှိတဲ့ ကိုယ်တော်ဆိုရင် မပျက် ပျက်အောင် ငွေတွေ မာတုဂါမတွေနှင့် ဖျက်ဆီးရေးများလုပ်တယ်၊ အရမ်းယုတ်မာတဲ့ လုပ်ရပ်တွေကို စစ်အစိုးရက လုပ်နေတာပါ၊ ဒါတွေကို အရမ်းရိုးသားတဲ့ လူထုက စစ်အစိုးရက ဒီလိုဖြစ်လာအောင် နောက်ကွယ်က လုပ်နေတယ်ဆိုတာ သိမယ်မဟုတ်ပါဘူး၊

သာသနာတော် သန့်ရှင်းချင်ရင် မသန့်ရှင်းတဲ့ စစ်အုပ်ချုပ်ရေး ယန္တယားကို အဆုံးသတ်မှ ဖြစ်မှာပါ၊ဘာဖြစ်လို့လဲဆိုတော့ ကိုယ်အာဏာမြဲရေးအတွက် သာသနာကို အသုံးချနေလို့ပါပဲ၊ ဒါတွေကို ပြောမယ်ဆိုရင် ရှည်နေမယ်၊ ဘုန်းဘုန်းပြောချင်တာက အနုပညာသမားတွေပါ၊ အနုပညာသမားရဲ့ ဂုဏ်သိက္ခာနှင့် တန်ဘိုးဆိုတာ ရှိပါတယ်၊၊

ဒါရိုက်တာ ဦးသုခရိုက်တဲ့ တပါးသီလ ဇတ်လမ်းမျိုးဟာ မြန်မာပြည်နှင့်တကွ နိုင်ငံခြားရောက် တကမ္ဘာလုံးမှာရှိတဲ့ မြန်မာများအားလုံးရဲ့ စိတ်မှာ တပါးသီလ ဆောက်တည်ရုံနှင့် ဒီလောက် ဘ၀မှာအေးချမ်းရင် ငါးပါးစလုံးသာ ဆောက်တည်ရင် ဘယ်လောက်ထိ ဘ၀တွေမှာ ငြိမ်းချမ်းမလဲဆိုတဲ့ အသိဥာဏ်များ ရပြီး ဇတ်ကားကြည့်တဲ့ အကျိုးက အနှစ်ချုပ်လိုက်တော့ သူတော်ကောင်းဖြစ်သွားတယ်၊၊

အနုပညာသမားဆိုတာ လူထုကို လေးစားရတယ်၊ မှန်ကန်တဲ့ အသိတွေပေးရတယ် တပြိုင်တည်းမှာပင် မှားတဲ့ အရာတွေကို ရှောင်ရတယ်၊ မင်းမော်ကွန်းနှင့် အပေါင်းပါတွေက အခုလို ကြည်ညိုဖွယ် မဖြစ်တဲ့ သရုပ်ပျက် စရိုက်မျိုးကို လုပ်ခြင်းအားဖြင့် သူရဲ့ တန်ဘိုးဘာမှမရှိတော့ပါဘူး၊ သူရဲ့အဖေ ဇင်ဝိုင်းမှာလည်း တာဝန်ရှိတယ် သားသမီးမကောင်းတော့ မိဘခေါင်းဆိုသလို၊ သူတို့အုပ်စုကို သင်္ကန်းဝတ်ပေးတဲ့ ဘုန်းကြီးနှင့် ကျောင်းတိုက်ကလည်း တော်တော် အသုံးမကျဘဲ ညံ့ဖျင်းတယ်၊ ၀တ်ပေးတဲ့ ဘုန်းကြီးက ဒါတွေအခုလို သရုပ်ပျက် ဖြစ်ခဲ့တာကို သိချင်မှ သိမယ်၊ ဘယ်လိုပဲဖြစ်ဖြစ် သာသနာတော်မှာ ဘယ်လိုမှ လက်မခံနိုင်တဲ့ ကိစ္စဆိုတာ အသိဥာဏ်ရှိတဲ့ လူတိုင်း နားလည်သဘောပေါက်မှာပါ၊ လူထုကို အသိဥာဏ်ပေး ဇာတ်ကားရိုက်နေတဲ့ မင်းမော်ကွန်းဟာ ဘယ်လို လူမျိုးလည်းဆိုတာ သူရဲ့ လုပ်ရပ်က သက်သေပြနေပါတယ်၊

စလေ ဦးပုည ပြောသလို ယခုခါမှု၊ လူလည်းဖြစ်လာ၊ သာသနာလည်းထွန်းခိုက်၊ အမြိုက်တရား၊ ဟောကြားမည့်သူ၊လူလည်းမရှား၊ သို့ပါလျက်သားနှင့်မှု အမိုက်တကာဗိုလ်မင်း၊ အဖျင်းတကာ့ ဗိုလ်ချုပ်၊ အပါယ်လေးဆီ၊ မြစ်နဒီတွင်၊ ပလုံမြုပ်လို့၊ လူယုတ်ကြီးတွေ ဖြစ်ချိမ့်မည် ဆိုသလို လူဘ၀ခေတ္တရောက်နေချိန်မှာ လူယုတ်ကြီးတွေ မဖြစ်ရအောင် နေရမယ်၊ မိမိသူတပါး နှစ်ဦးသားစလုံး အကုသိုလ်တွေမဖြစ်စေပဲ ကုသိုလ်တွေသာ ဖြစ်ရန် နေထိုင်ကျင့်သုံးရန် အထူးလိုပါတယ်၊၊

အနုပညာသမားတိုင်းဟာ ကိုယ့်ကောင်းသလို ကိုယ့်လို ဘ၀တူသမား အနုပညာသမားများကိုယ်လည်း ထိန်းသိမ်းပေးရမယ်၊ အနုပညာသမား အမှားတခုဟာ သာမာန်မဟုတ် မှတ်တမ်းဗီဒီယိုရိုက်ထားသည်မို့ သက်သေတခုဖြစ်နေပါတယ်၊ အဲဒီအမှားတွေကို ပြည်သူတွေက အပြစ်ပေးလို့ ရလာသည့် အချိန်ဆိုတာ ရှိလာမှာပါ၊ ဒါဟာ အမှန်တရားပါ၊ ဘုန်းဘုန်းတို့ အမှတ်တမဲ့ မနေပါဘူး သာသနာတော်ကို ဘယ်သူတွေ ဆေးဆိုးပန်းရိုက်လုပ်၊ဆော်ကားနေတယ်ဆိုတာ မှတ်တမ်းတင်နေပါတယ်၊၊

မင်းမော်ကွန်းအနေနဲ့ အခုလိုမျိုး အမှားတွေကို ဆက်လက်မလုပ်မိရန် သတိထားစေချင်တယ်၊ အနုပညာ သမားသိုင်းအ၀ိုင်းကလည်း ကိုယ့်လူထဲက မသင့်တော်တဲ့ အပြုအမှုတွေကို လက်ပိုက်ကြည့်မနေဘဲ အရေးယူဆောင်ရွက်စေချင်တယ်၊ မဟုတ်တာတွေလုပ်ပြီး ဖုံးကွယ်တယ်ဆိုတာ ရေရှည်မရပါဘူး အင်တာနက်ပေါ်မှာ ပေါ်ထွက်လာမှာပါ၊ တတိုင်းပြည်လုံးက အလေးမြတ်ပြုနေသည့် သာသနာတော်ကို ဆော်ကားရင် ဆော်ကားသူကို သံဃာထုအနေဖြင့် အရေးယူရမှာပါ၊ မင်းမော်ကွန်းဇတ်ကားတိုင်းကို တိုင်းနှင့်ပြည်နယ် (၁၄)ခုစလုံး လက်မခံပဲ သံဃာထုနှင့် လူထုက သပိတ်မှောက်မှုတွေ လုပ်သွားရပါလိမ့်မယ်၊

အမှားတခုကို ကျူးလွန်ပြီးရင် တောင်းပန်ဝန်ချရပါတယ်၊ ဒါကြောင့် မင်းမော်ကွန်းနှင့် အပေါင်းအဖော်အားလုံးက ပြည်တွင်း ပြည်ပဆရာတော်များနှင့် သာသနာကို မြတ်နိုးကြသော ပြည်သူလူထုကို ကျေနှပ်အောင် ပြန်လုပ်ပေးရပါမယ်၊ မလုပ်ရင်တော့ ဒီလို သာသနာတော်ကို ဆော်ကားတဲ့ မှတ်တမ်းဟာ ဆက်လက်တည်ရှိနေမှာပါ၊၊

အရှင်စန္ဒောဘာသာစာရ

ashincandobhasacara@gmail.com
ဖုံး ( 502) 749- 8066
အမေရိက

ဗိုလ်ချုပ်များဘက်မှ အလွန်မောက်မာထောင်လွှားနေသည်ကို သိရှိလာရသည့် ယခုလို အခြေအနေတွင် တိုင်းရင်းသား ခေါင်းဆောင်များသည် သူတို့ကိုယ်တိုင်ရော၊ သူတို့လူထုများကိုပါ လုံးဝ အကာအကွယ်မဲ့ ပစ်ထား၍ တပ်များအား စစ်အစိုးရ၏ ထိန်းချုပ်မှုအောက်သို့ လွှဲပေးလိမ့်မည်ဟု သူတို့အား မျှော်လင့်၍ ရနိုင်မည်မဟုတ်ကြောင်း ပြောကြားသည်။ အကယ်၍ လေ့လာသူ တော်တော်များများ ယုံကြည်ထားသကဲ့သို့ စစ်အစိုးရ၏ ရွေးကောက်ပွဲသည် လွဲချော်မှုများ ရှိနေသည်ဟု သက်သေပြနိုင်ခဲ့ပါက ဗိုလ်ချုပ်များကို ထိပ်တိုက်ရင်ဆိုင်ရန် တိုင်းရင်းသား နိုင်ငံရေးသမားများသည် ထောက်ပံ့ ပံ့ပိုးပေးမည့် လက်နက်ကိုင်တပ်များ မရှိဘဲနှင့်ဆိုလျှင် အင်အားမရှိ ဖြစ်ကြမည်သာ ဖြစ်သည်။

စစ်အစိုးရ၏ ထောက်လှမ်းရေး အေဂျင်စီဖြစ်သော စစ်ဖက်ဆိုင်ရာ လုံခြုံရေး အကြီးအကဲ ဒုတိယဗိုလ်ချုပ်ကြီး ရဲမြင့်သည် ဧပြီလနှင့် ဇွန်လတွင် ပြုလုပ်သော အစည်းအဝေး ၂ ကြိမ်တွင် တိုင်းရင်းသား ခေါင်းဆောင်များအား သူတို့သည် အသွင်ပြောင်းလျှင် ပြောင်း၊ မပြောင်းလျှင် စစ်ပွဲနှင့်သာ ကြုံရမည်ဟု ရှင်းလင်းစွာ ပြောဆိုထားပြီး ဖြစ်သည်။ ကချင်လွတ်မြောက်ရေးတပ်မတော် - KIA ၊ ဝ' ပြည် သွေးစည်းညီညွတ်ရေး တပ်မတော် - UWSA ၊ မြန်မာနိုင်ငံ အမျိုးသား ဒီမိုကရက်တစ် မဟာမိတ်တပ်ဖွဲ့ - MNDAA ၊ အမျိုးသား ဒီမိုကရေစီ မဟာမိတ်တပ်ဖွဲ့ (ရှမ်းပြည်နယ် အရှေ့ပိုင်း) - NDAA-ESS တို့သည် ကမ်းလှမ်းချက်ကို ပယ်ချထားသော်လည်း ဆွေးနွေးပွဲများမှာမူ ဆက်လက်၍ လုပ်ကိုင်နေဆဲဖြစ်သည်။ စစ်အစိုးရ၏ တိုက်ခိုက်မူကို တောင့်ခံနိုင်ရန် မျှော်လင့်ချက်မရှိသော သေးငယ်သည့် အပစ်ရပ်အုပ်စုများမှာမူ နယ်စပ်လုံခြုံရေးတပ်အဖြစ် အသွင်ပြောင်းလဲရန် သဘောတူထားကြရသည်။

အပစ်ရပ်အဖွဲ့များ၏ ဆက်လက်ငြင်းဆန်နေမှုကို တုံ့ပြန်သောအားဖြင့် မြန်မာအစိုးရသည် ကချင်နှင့် ဝတပ်များနှင့် မျက်နှာချင်းဆိုင်တွင် သူ၏ တပ်များကို အားဖြည့်ထားလေသည်။ စစ်အစိုးရ၏ စစ်ကူဖြည့်တင်းမှုတွင် မော်တာနှင့် လက်နက်ကြီးများ အပါအဝင် ခြေလျင်တပ်မတခု သို့မဟုတ် နှစ်ခုခန့်ရှိသည်ဟု တိုင်းရင်းသား တော်လှန်ရေးအုပ်စုများနှင့် နီးစပ်သော အသိုင်းအဝိုင်းက ပြောကြားသည်။ တော်လှန်းရေး အုပ်စုများမှလည်း စစ်သားဟောင်းများကို ပြန်လည်ဆင့်ခေါ်ခြင်း၊ လူသစ်များ စုဆောင်းခြင်းနှင့် ရှေ့တန်းနေရာများသို့ တပ်များ ပို့လွှတ်ခြင်း စသည်တို့နှင့် ပြန်လည် တုံ့ပြန်ကြသည်။

အပစ်ရပ်အဖွဲ့များ၊ အထူးသဖြင့် ဝ' ပြည် သွေးစည်းညီညွတ်ရေး တပ်မတော် - USWA သည် လှုပ်ရှားမှု အနည်းငယ်သာ ရှိခဲ့သော်လည်း လွန်ခဲ့သော နှစ် ၂ဝ ကထက် ပိုမို၍ လက်နက်တပ်ဆင်လာနိုင်ခဲ့ကာ ပိုမိုပြင်းထန်စွာ တိုက်ခိုက်နိုင်လိမ့်မည်ဟု မျှော်လင့်ရသည်။ စစ်ရေးလေ့လာသူများ၏ အဆိုအရ မြန်မာစစ်တပ်အနေနှင့် လွယ်ကူစွာ အောင်မြင်လိမ့်မည် မဟုတ်ဘဲ နောက်ထပ်အနှစ် ၂ဝ သို့မဟုတ် ထို့ထက် ပိုမိုကြာရှည်သွားနိုင်သည်ဟု ခန့်မှန်းကြသည်။

ထို ဆိုင်နေသော နှစ်ဖက်တို့အပေါ်တွင် လွှမ်းမိုးနိုင်သည်မှာ တရုတ် ဖြစ်သည်။ အပစ်ရပ်အဖွဲ့များနှင့် နီးစပ်သော အသိုင်းအဝိုင်း၏ အဆိုအရ တရုတ်ကိုယ်စားလှယ်များလည်း ဆွေးနွေးပွဲများတွင် ပါဝင်သည်ဟု ဆိုကြသည်။ စစ်အစိုးရ၏ နံပါတ် ၂ ခေါင်းဆောင် ဒုတိယဗိုလ်ချုပ်မှူးကြီး မောင်အေး၏ ဇွန်လ ၁၅ ရက်နေ့မှ ၂ဝ ရက်နေ့အထိ သွားရောက်ခဲ့သော တရုတ်ပြည် အလည်အပတ် ခရီးစဉ်တွင် နယ်စပ်အခြေအနေနှင့် ပတ်သက်၍ ဆွေးနွေးခဲ့လိမ့်မည်ဟု ယုံကြည်ရသည်။

ပီကင်း (တရုတ်) သည် အပစ်ရပ်အဖွဲ့များအား နယ်စပ်လုံခြုံရေးတပ်ဖွဲ့အဖြစ် အသွင်ပြောင်းလဲရေး အစီအစဉ်ကို လက်ခံသဘောတူလာစေရန် သူ၏ ထိုအဖွဲ့များအပေါ် လွှမ်းမိုးနိုင်မှုကို အသုံးချ၍ တိုက်တွန်းလာသည်ကို စစ်အစိုးရက မြင်လိုသည်။ ဒုတိယဗိုလ်ချုပ်မှူးကြီး မောင်အေးသည် မြန်မာ-တရုတ်နယ်စပ်ရှိ တိုင်းရင်းသား အဖွဲ့များအား တရုတ်မှ လက်နက်များ ထောက်ပံ့မည်ကို စိုးရိမ်နေကြောင်း အသိပေးပြောကြားလိမ့်မည်ဟု ယုံကြည်ရသည်။

တရုတ်တို့သည် ယခင်က ဗမာပြည်ကွန်မြူနစ်ပါတီ - BCP အား ၁၉၆ဝ မှ ၁၉၈ဝ အစောပိုင်းကာလများထိ ထောက်ပံ့မှုများ လုပ်ခဲ့လေသည်။ ၁၉၈၉ ခုနှစ် တပ်တွင်းပုန်ကန်မှု၏ ရလဒ်အဖြစ် BCP ပြိုကွဲပြီးသည့် နောက်ပိုင်းတွင် တရုတ်တို့သည် မြန်မာစစ်အစိုးရနှင့် ဆက်ဆံမှုများ တိုးတက်လုပ်ဆောင်နေစဉ်မှာပင် စစ်အစိုးရနှင့် အပစ်အခတ်ရပ်စဲရေး လက်မှတ်ထိုးကာ ပေါ်ထွက်လာသော အုပ်စုများနှင့်လည်း ခိုင်မာသော ဆက်ဆံသောရေးကို ဆက်လက်ထိန်းထားခဲ့သည်။

ထိုဆက်ဆံရေးများသည် အပြန်အလှန် အကျိုးရှိကြသည်။ တရုတ်တို့သည် စီးပွားရေး ရင်းနှီးမြှုပ်နှံမှုနှင့် နယ်စပ်ကုန်သွယ်ရေးတို့ဖြင့် ကြီးမားသော စီးပွားရေး အကျိုးကျေးဇူး ထောက်ပံ့ပေးသူ ဖြစ်လာကာ အထူးသဖြင့် လယ်ယာစိုက်ပျိုးရေး လုပ်ငန်းနှင့် သဘာဝအရင်းအမြစ်များ ထုတ်ယူမှု၊ အပစ်ရပ်ဒေသများတွင် ဖွံ့ဖြိုးရေး စီမံကိန်းများအတွက် ငွေကြေးအကူအညီများ ထောက်ပံ့မှုတို့တွင် ဖြစ်သည်။ တရုတ်တို့သည် လက်နက်များလည်း ထောက်ပံ့ပေးကာ UWSA နှင့် နီးစပ်သူတို့၏ အဆိုအရ လက်နက်ကြီးများ၊ သယ်ယူနိုင်သော မြေပြင်မှ ဝေဟင်ပစ် ဒုံးကျည်များနှင့် မြန်မာစစ်တပ်တွင် အသုံးပြုနေသည်တို့နှင့် တူညီသော မော်တာများလည်း ပါဝင်သည်ဟု ဆိုသည်။

အပြန်အလှန်အနေနှင့် တိုင်းရင်းသားတပ်များက တရုတ်တို့အား မြန်မာနိုင်ငံ၏ ဖြစ်ပွားလာနိုင်သော နိုင်ငံရေး မတည်ငြိမ်မှုများမှ ကာကွယ်နိုင်ရန် အဆင်ပြေသော ကြားခံဒေသအဖြစ် ပံ့ပိုးပေးသည်။ ဘိန်းစိုက်ပျိုးမှု တားမြစ်မှုများမှတဆင့် မူးယစ်ဆေးဝါး ကုန်ကူးခြင်းနှင့် ထုတ်လုပ်ခြင်းများကို ထိန်းချုပ်ရန်လည်း သူတို့က သဘောတူထားကြသည်။

သို့သော်လည်း တရုတ်၏ စိတ်ဝင်စားမှုသည် နယ်စပ်မှကျော်လွန်၍ အတွင်းပိုင်း အတော်များများအထိ တိုးချဲ့လာကာ နိုင်ငံထဲတွင် အတော်ကြီးမားသော စီးပွားရေးနှင့် နည်းဗျုဟာဆိုင်ရာ အကျိုးစီးပွားများကို တည်ဆောက်လာခဲ့သည်။ မြန်မာနိုင်ငံသည် တရုတ်၏ တိုးတက်နေသော စက်မှုအခြေခံအတွက် သဘာဝအရင်းအမြစ်များ၏ ပင်ရင်းအဖြစ်၎င်း၊ ၎င်း၏ ဝေးကွာသော နေရာရှိ ကုန်းတွင်းပိတ် ယူနန်ပြည်နယ်အတွက် ကုန်သွယ်ရာ အပေါက်တခုအဖြစ်၎င်း၊ ရေနံနှင့် သဘာဝဓာတ်ငွေ့ သယ်ဆောင်ရာ လမ်းကြောင်းအဖြစ်၎င်း ယူဆရလေသည်။ တိုင်းရင်းသား တော်လှန်ရေးဒေသကို ဖြတ်သွားမည့် မြန်မာနိုင်ငံတလျှောက် နှစ်စဉ် ခန့်မှန်းခြေ သဘာဝဓာတ်ငွေ့ ကုဗမီတာ ၁၂ ဘီလီယမ်နှင့် ရေနံ တန် သန်း ၂ဝ ခန့် ကူမင်းကို သယ်ယူပေးမည့် ရေနံနှင့် သဘာဝဓာတ်ငွေ့ပိုက်လိုင်း ဆောက်လုပ်မှုသည် စက်တင်ဘာလတွင် စတင်မည်ဟု မျှော်လင့်ရသည်။

မြန်မာနိုင်ငံ၏ တည်ငြိမ်ရေးနှင့် တရုတ်၏ စီးပွားရေးနှင့် နည်းဗျုဟာ အကျိုးစီးပွားများသည် နယ်စပ်လုံခြုံရေးတပ် ကိစ္စ ဆွေးနွေးပွဲများတွင် တရုတ်ကိုယ်စားလှယ်များ၏ စိတ်ပိုင်းဆိုင်ရာများပေါ်တွင် များစွာ တည်ရှိနေပေလိမ့်မည်။ ပီကင်းသည် နှစ်ဦးဆိုင် နယ်စပ်သို့ နအဖ ၏ ထိန်းချုပ်မှု တိုးချဲ့လာမည်ကို အဆင်သင့် မရှိရုံသာ မဟုတ်ဘဲ ၎င်း၏ ရေနံပိုက် လိုင်းစီမံကိန်းကို ရပ်လိုက်ရကာ ဒုက္ခသည် ထောင်သောင်းများစွာ ရှိလာမည့် ရလဒ်များရှိလာ၍ ကုန်သွယ်ရေးကို ပြင်းထန်စွာ ပျက်ပြားစေမည့် စစ်ကိုလည်း မဖြစ်စေချင်ပေ။

တရုတ်တို့၏ စစ်အစိုးရ ပေါ်လစီအပေါ် စိုးရိမ်မှုသည် သူ၏ အစိုးရအပေါ် ဝေဖန်မှုထဲတွင် ပိုမို၍ တိုးကာ ဖော်ပြလာစေခဲ့သည်။ အခြေအနေအမျိုးမျိုးတွင် ကုလသမဂ္ဂ လုံခြုံရေးကောင်စီ ရှေ့မှောက်သို့ မြန်မာနိုင်ငံ ရောက်ရှိလာစေရေး ကြိုးပမ်းမှုများကို မထောက်ခံဘဲ နေနေစဉ်မှာပင် တရုတ်အရာရှိများသည် မြန်မာအုပ်ချုပ်သူများကို တည်ငြိမ်ရေး၊ အတိုက်အခံများနှင့် ဆွေးနွေးညှိနှိုင်းမှုနှင့် အမျိုးသား ပြန်လည်ရင်ကြားစေ့ရေးတို့သို့ လျှောက်လှမ်းရန် တိုက်တွန်းနေကြသည်။ ပီကင်းသည် စစ်အစိုးရ၏ ၂ဝဝ၇ ခုနှစ် စက်တင်ဘာလ ဆန္ဒပြသူများအား နှိမ်နင်းမှုများအပေါ် သူ၏ စိုးရိမ်မှုကိုလည်း ပြောကြားခဲ့သည်။ မေလက ဗီယက်နမ်နိုင်ငံ ဟနွိုင်းတွင် ပြုလုပ်ခဲ့သော အာဆီယံ အစည်းအဝေးတွင် တရုတ် နိုင်ငံခြားရေးဝန်ကြီးဌာန အရာရှိများသည် ဒေါ်အောင်ဆန်းစုကြည်အပေါ် တရားစွဲဆိုမှုကို ဝေဖန်မှုများအား ပါဝင်လုပ်ဆောင်ခဲ့ကြသည်။

ပီကင်း၏ အကူအညီမပါဘဲဆိုလျှင် စစ်အစိုးရသည် ရွေးချယ်စရာ ၂ ခုသာ ရှိပေလိမ့်မည်။ သူတို့မှာ အပစ်ရပ် အုပ်စုများနှင့် စစ်ပြန်တိုက်ရန်နှင့် ၂ဝ၁ဝ မတိုင်မီ နယ်စပ်လုံခြုံရေးတပ် အသွင်ပြောင်းလဲရေး အစီအစဉ်ကို အကောင်အထည်ဖော်နေခြင်းမှ ပြန်လည်နောက်ဆုတ်ရန်တို့ပင် ဖြစ်သည်။

ဒုတိယရွေးချယ်မှုမှာ စစ်အစိုးရအနေနှင့် ကောင်းစွာ လုပ်ဆောင်နိုင်သည့် အရာမဟုတ်သည့်အပြင် သူတို့၏ လမ်းပြမြေပုံမှ ကြီးစွားသော နောက်ပြန်သွားခြင်းနှင့် သူတို့၏ ထင်ပေါ်ကျော်ကြားမှုကို ပြည်တွင်းတွင်ရော ပြည်ပတွင်ပါ ပြင်းထန်စွာ ထိခိုက်စော်ကားခြင်း တခုအဖြစ်သာ ရှု့မြင်ကြလိမ့်မည်။ ဗိုလ်ချုပ်များအား ပေါက်ကွဲလုဆဲ အခြေအနေမှ ဂုဏ်သိက္ခာရှိစွာ ပြန်လည်၍ နောက်ဆုတ်သွားစေမည့် နည်းလမ်းကို ရှာဖွေနေစဉ်မှာပင် အပစ်ရပ်အဖွဲ့များနှင့် ပတ်သက်၍ မူလအခြေအနေများကို ထိန်းသိမ်းထားခြင်းအားဖြင့် သူ၏ အကျိုးစီးပွားကို သေချာစေရန် ကြိုးစားနေရသည့် ခက်ခဲသော အခန်းကဏ္ဍသို့ ယခုအခြေအနေက တရုတ်ကို ရောက်ရှိစေသည်။

source by :မဇ္ဈိမ