ဒီရေ သတင်းများ

ကိုသန်းစိုး။ ။ 'ကျောင်းသားဆိုတာ တိုင်းပြည်ရဲ့ အနာဂတ် ဖြစ်တယ်ခင်ဗျ။ တိုင်းပြည်ရဲ့ သားကောင်း ရတနာတွေကပဲ ဒီမတရားမှုကို ဆန့်ကျင်တယ် အမှန်တရားဆိုတာကို ဖော်ထုတ်တယ် လူ့အခွင့်အရေးကို ထုတ်ဖော်တယ် အမြဲတမ်းပဲ အဲလို မတရားမှု မှန်သမျှကို ဆန့်ကျင်နေတဲ့ အတွက်ကြောင့် ကျွန်တော်တို့ ကျောင်းသားတွေက တိုင်းပြည်ဘက်က အမှန်တရားဘက်က အမြဲတမ်း ရပ်တည်ပြီးတော့ ကျွန်တော်တို့တွေ ဆက်လက် တိုက်ပွဲဝင်သွားမယ်၊ ကျောင်းသားဆိုတာ ဘယ်တော့မှ ပျောက်ပျက်သွားတာ မရှိဘူး ကျောင်းသားနဲ့ မြန်မာ့သမိုင်းကလဲ ဘယ်လိုမှ ခွဲခြားလို့ မရဘူးဆိုတာ ကျွန်တော်တို့က လာပြီး သက်သေပြတဲ့အနေနဲ့ လာပြီး ဆန္ဒပြရခြင်း ဖြစ်ပါတယ်ခင်ဗျ။'

မျိုးဆက်သစ် ကျောင်းသားလူငယ်တွေအနေနဲ့ နောင်တော်ကျောင်းသားတွေ သွေးစွန်းခဲ့တဲ့ ဆဲဗင်းဂျူလိုင်နေ့ကို မမေ့မလျော့ကြဖို့ နိုင်ငံရေးအသိ နိုးကြားနေကြပြီး စစ်အာဏာရှင်ကို ဆက်လက် တိုက်ပွဲဝင်ရာမှာ ပြည်သူလူထုနဲ့ တသားတည်း ရှိကြဖို့ မေတ္တာရပ်ခံ တိုက်တွန်းလိုပါတယ်လို့လည်း ပြည်ပရောက်အမျိုးသားကျောင်းသားများအဖွဲ့ မြန်မာနိုင်ငံရဲ့ သတင်းပြန်ကြားရေးအဖွဲ့ဝင် ကိုမဇ္ဈူက ပြောပြပါတယ်။

ကျောင်းသားသမဂ္ဂ ပြန်လည် ဖွဲ့စည်းပေးဖို့ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေ လွှတ်ပေးရေးအပါဝင် ၂ဝ၁ဝ ရွေးကောက်ပွဲကို ဆန့်ကျင်တဲ့အကြောင်းစတဲ့ သဘောထားနဲ့ တောင်းဆိုချက်တွေ ပါတဲ့ ဆဲဗင်းဂျူလိုင် ထုတ်ပြန်ကြေငြာချက်ကို ဆန္ဒပြတဲ့ကျောင်းသားအဖွဲ့ရဲ့ အတွင်းရေးမှူး ဦးအောင်သန်းဦးက ထိုင်းရဲတွေကတဆင့် မြန်မာသံရုံးတာဝန်ခံကို ပေးအပ်ခဲ့ပါတယ်။

ထိုင်း-မြန်မာနယ်စပ် မဲဆောက်မြို့မှာတော့ ဆဲဗင်းဇူလိုင် ကျောင်းသားအရေးတော်ပုံ (၄၇)နှစ်မြောက် အခမ်းအနား ကျင်းပပြီး နယ်စပ်ဒေသကို ရောက်နေကြတဲ့ စာရေးဆရာတွေက နယ်စပ်မှာ ဖွင့်ထားတဲ့ မြန်မာစာသင်ကျောင်းတွေက ကျောင်းသား လူငယ် (၂ဝဝ)ကျော် ကို ၁၉၆၂ ခုနှစ် ကျောင်းသားအရေးတော်ပုံနဲ့ ပတ်သက်ပြီး ဟောပြောခဲ့ကြပါတယ်။

မတရားတဲ့ ဘယ်အာဏာရှင်စနစ် အောက်မှာမဆို ကျောင်းသားထုအနေနဲ့ ဘယ်လောက် ဖိနှိပ်ရက်စက်နေပါစေ ခွပ်ဒေါင်းစိတ်ဓာတ် သမဂ္ဂစိတ်ဓာတ်တွေနဲ့ လူထုရှေ့က မားမားမတ်မတ် ရပ်တည်ခဲ့တယ်ဆိုတာ သိစေချင်လို့ ခုလိုကျင်းပခဲ့တာ ဖြစ်တယ်လို့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် နိုင်ငံခြားရေးရာကော်မတီ တာဝန်ခံ ကိုမင်းနိုင်က အခုလို ပြောပါတယ်။

ကိုမင်းနိုင်။ ။ 'ဗမာပြည်မှာ ဒီ မတရားတဲ့ ဘယ်စနစ်ကိုမဆို ကျနော်တို့ ကျောင်းသားထုက အမြဲတမ်းတော်လှန်လိုတဲ့ စိတ်ဓာတ်တွေ ခွပ်ဒေါင်းစိတ်ဓာတ်တွေ သမဂ္ဂစိတ်ဓာတ်တွေ အပြည့်ရှိတယ်ဆိုတာ ပြလိုတာဖြစ်ပါတယ်။ အဲဒီ သမဂ္ဂစိတ်ဓာတ်၊ ခွပ်ဒေါင်းစိတ်ဓာတ်တွေဟာ နောင်မျိုးဆက် ကျောင်းသားအသီးသီး အတွက်ကို ကျနော်တို့ လက်ဆင့်ကမ်းသယ်ချင်တယ်၊ သူတို့အနေနဲ့ အမှတ်ရစေချင်တဲ့အတွက် ဒီအခမ်းအနားတွေကို နှစ်စဉ် နှစ်တိုင်း ကျင်းပရတာ ဖြစ်ပါတယ်။'

အိန္ဒိယနိုင်ငံရောက် မြန်မာ့ဒီမိုကရေစီရေးလှုပ်ရှားသူတွေကတော့ နယူးဒေလီမြို့တော်ရဲ့ အချက်အချာ ဂျန်တားမန်တား ပန်းခြံမှာ ခုလိုဆန္ဒထုတ်ဖော်ခဲ့ကြပါတယ်။

ဒီဆန္ဒပြပွဲမှာ ပြည်ထောင်စုမြန်မာနိုင်ငံ ညွန့်ပေါင်းအစိုးရရဲ့ ပြန်ကြားရေးဝန်ကြီး ဒေါက်တာတင့်ဆွေက ဆဲဗင်းဂျူလိုင် စိတ်ဓာတ်နဲ့ စည်းစည်းလုံးလုံး တိုက်ပွဲဝင်သွားရင် ဒီမိုကရေစီပန်းတိုင်ကို လှမ်းကိုင်နိုင်မှာပါလို့ ခုလို အမှာစကားပြောသွားပါတယ်။

ဒေါက်တာတင့်ဆွေ။ ။ 'ဒီမိုကရေစီလှုပ်ရှားမှုမှာ ကျောင်းသားတွေက အသက်အသေခံ တိုက်ပွဲဝင်ခဲ့ကြပါတယ်။ အဆင့်ဆင့်သော တိုက်ပွဲတွေရဲ့အစဟာ ဆဲဗင်းဂျုလိုင်ဖြစ်တဲ့အတွက် ဒီကနေ့ ကျနော်တိုရဲ့ဆောင်ပုဒ်ဟာ ဆဲဗင်းဂျူလိုင် စိတ်ဓာတ်မမေ့ကြပါနဲ့လို့ နိုးဆော်ကြခြင်းဖြစ်ပါတယ်။ ကျနော်တို့ဟာ ဆဲဗင်းဂျူလိုင် စိတ်ဓာတ်နဲ့ ကျောင်းသား၊ အလုပ်သမား၊ သံဃာ အန်အယ်ဒီအဖွဲ့ဝင်များနဲ့ ပြည်သူများဟာ ဒေါ်အောင်ဆန်းစုကြည် ပြောသလို ဘယ်တော့မှ စိတ်ဓာတ်မကျပဲနဲ့ ဇွဲသတ္တိရှိရှိနဲ့ ဆက်ကြိုးစားလို့ရှိရင် မလွဲမသွေ ကျနော်တို့လိုချင်တဲ့ စစ်အာဏာရှင် ပြုတ်ကျရေး၊ ဖက်ဒရယ်ပြည်ထောင်စု တည်ဆောက်ရေး၊ ဒီမိုကရေစီနဲ့ လူ့အခွင့်အရေး မလွဲမသွေရကြမှာ ဖြစ်ပါတယ်။'

အဲဒီဆန္ဒပြပွဲမှာ ဒီမိုကရေစီရေး စိတ်ဝင်စားသူ ၆ဝ ဝန်းကျင် တက်ရောက်ခဲ့ပြီး တခြား နိုင်ငံရေးခေါင်းဆောင် အသီးသီးကလည်း ဆဲဗင်းဂျူလိုင် အမှတ်တရ အမှာစကားတွေ ပြောခဲ့ပါတယ်။