လစာတိုးမည့် သတင်းကြောင့် ရွှေဈေးတက်

ဧရာဝတီ | အစိုးရ ၀န်ထမ်းများ လစာတိုးမြှင့်သည် ဆိုသည့် သတင်းကြောင့် မြန်မာငွေတန်ဖိုး အနည်းငယ် ကျဆင်းသွားပြီး ရွှေဈေး တက်သွားသည်ဟု ရန်ကုန်စီးပွားရေး သတင်းရပ်ကွက်မှ သိရသည်။

(ဓာတ်ပုံ - ဧရာဝတီ)

အခေါက်ရွှေ တကျပ်သားလျှင် နှစ်မကုန်ခင်က ကျပ် ၅၉၄၀၀၀ ရှိနေရာမှ ဇန်နဝါရီ ၃ ရက်နေ့တွင် ကျပ် ၅၉၈၅၀၀ အထိ ဈေးတက်သွားသည်။

“နှစ်သစ်ကူး ပိတ်ရက်တွေမှာ ရွှေအရောင်းအ၀ယ် မရှိဘဲနဲ့ ၀န်ထမ်း လစာတိုးတဲ့ သတင်းကြောင့် ရုတ်တရက် တက်သွားတာ” ဟု ရွှေလုပ်ငန်းရှင် အသင်းနှင့် နီးစပ်သည့် ရွှေဆိုင်ပိုင်ရှင်တဦးက ဆိုသည်။

အစိုးရ ၀န်ကြီး ဌာနများရှိ အောက်ခြေ အဆင့်မှ ညွှန်ချုပ် အဆင့်အထိ ၀န်ထမ်းများကို ၂၀၁၀ ပြည့်နှစ် ဇန်န၀ါရီလ ၁ ရက် နေ့မှ စတင်၍ လစာငွေ ကျပ် ၂၀၀၀၀ စီ တိုးမြှင့် ခံစားစေမည် ဖြစ်ကြောင်း ဝန်ထမ်း အသိုင်း အဝန်းက ပြောသည်။

အစိုးရက လစာတိုးမြှင့်သည့် သတင်းကို တရားဝင်မထုတ်ပြန်သော်လည်း ထိုသတင်းမှာ ပြည်သူများ အကြားပျံ့နှံ့နေပြီး ကုန်ဈေးနှုန်းများ မြင့်တက်လာမည်ကို စိုးရိမ်လျက်ရှိကြောင်း သိရှိရသည်။

အမေရိကန် ၁ ဒေါ်လာလျှင် ဒီဇင်ဘာ ၃၁ ရက်က ၁၀၀၀ ကျပ် ဈေးရှိရာမှ လစာ တိုးမြှင့်မည့် သတင်း ထွက်ပေါ်အပြီး ဇန်န၀ါရီလ ၃ ရက်တွင် ၁ ဒေါ်လာ ၁၀၁၄ ကျပ်အထိ ဈေးအနည်းငယ် တက်လာသည်။

“ပိတ်ရက်တွေ ခံနေတော့ ဒေါ်လာဈေးက တအားကြီးတော့ တက်မသွားသေးဘူး။ ဈေးကွက်တွေ ပြန်ဖွင့်ရင် ဒေါ်လာဈေး တက်နိုင်တယ်” ဟု တရားမ၀င် နိုင်ငံခြားငွေလဲဒိုင် တဦးက ပြောသည်။

လစာတိုးမြှင့်ခြင်းသည် ၀န်ထမ်းများအတွက် အဆင်ပြေကောင်း ပြေနိုင်သော်လည်း ငွေကြေး ဖောင်းပွနိုင်ကြောင်း ရန်ကုန်အခြေစိုက် စီးပွားရေးပညာရှင် တဦးက သုံးသပ်သည်။

“အစိုးရက ငွေထပ်ရိုက်ထုတ်ပြီး ၀န်ထမ်းတွေ လစာတိုးပေးတာဆိုရင် ငွေကြေးဖောင်းပွမှု ဖြစ်ပြီး ကုန်ဈေးနှုန်းတွေ တက်လာမယ်။ တက်လာတဲ့ ကုန်ဈေးနှုန်းကြောင့် ၀န်ထမ်းတွေရော၊ ပြည်သူတွေရော စားဝတ်နေရေး ကျပ်တည်းနိုင်တယ်” ဟု အဆိုပါ ပညာရှင် က ပြောသည်။

၂၀၁၀ ပြည့်နှစ်ဆန်းသို့ ကူးပြောင်းချိန်တွင် အစိုးရ၀န်ထမ်းများအား လစာ တိုးမြှင့် ပေးခြင်းသည် ရွေးကောက်ပွဲ အချိန်၌ အစိုးရ ကျောထောက်နောက်ခံ ပါတီများကို မဲပေးရန် စည်းရုံးသည့် လုပ်ရပ်ဖြစ်ကြောင်း နေပြည်တော် ဝန်ထမ်းများအကြား ပြောဆိုနေ ကြသည်။

ဝန်ထမ်းလစာ တိုးမြှင့်ခြင်းနှင့်အတူ စစ်တပ် အတွင်းတွင်လည်း အောက်ခြေရဲဘော်မှ ဗိုလ်မှူးကြီးအဆင့်ထိ စစ်ဗိုလ်၊ စစ်သားများကို လစာတိုးမြှင့်သည်ဟု သိရှိရသည်။ သို့သော်မည်မျှပမာဏ တိုးမြှင့်သည်ကို မသိရသေးကြောင်း ရန်ကုန်မြို့ ဒဂုံမြို့နယ် အတွင်းရှိ အင်ဂျင်နီယာတပ်ရင်းမှ စစ်ဗိုလ်တဦးကပြောသည်။

အစိုးရ၀န်ထမ်းများအား ပေါကြွယ်စရိတ် ပေးသည်ဟူသည့် ခေါင်းစဉ်ဖြင့် လစာတိုးမြှင့် ပေးခဲ့သောကြောင့် ဗေဒင် သဘောတရား များလည်း ပါဝင်နိုင်ကြောင်း ဝေဖန်ပြောဆို နေကြသည်။

“ရှားပါးစရိတ် လစာနှစ်သောင်း တိုးပေးမယ်ဆိုတာ ၀န်ထမ်းလောကကြားမှာ ပျံ့နေခဲ့တာ နှစ်အတော်ကြာပြီ။ တကယ် လစာတိုးတော့ ရှားပါးစရိတ်လို့ မသုံးဘဲ ပေါကြွယ်စရိတ်လို့ နာမည်တပ်ပြီး တိုးပေးတယ်” ဟု အကောက်ခွန် အရာရှိတဦးက ပြောသည်။

၂၀၀၆ ခုနှစ်၊ မတ်လ ၂၄ ရက်နေ့တွင် ၀န်ထမ်းများ လစာတိုးမြှင့်ခဲ့ပြီး အနိမ့်ဆုံး ၀န်ထမ်းလစာဖြစ်သော ကျပ် ၃၀၀၀ – ၃၅၀၀ ကျပ်ကို ၁၅၀၀၀ -၂၀၀၀၀ အထိလည်းကောင်း၊ ပြန်တမ်းဝင် အရာရှိများ၏ လစာကို အနိမ့်ဆုံး ၈၀၀၀၀ မှစပြီး ၂၀၀၀၀၀ အထိတိုးမြှင့်ခဲ့သည်။ ထိုကာလက စစ်ဗိုလ်၊ စစ်သားများ၏ လစာကိုလည်း ဝန်ထမ်းများထက် အဆများစွာ တိုးပေးခဲ့ သည်။

မြန်မာနိုင်ငံတွင် လွတ်လပ်ရေး ရပြီးနောက်ပိုင်း အစိုးရ အဆက်ဆက်က ၀န်ထမ်းလစာများ တိုးမြှင့်ခဲ့ရာ ၁၉၄၈ ခုနှစ်တွင်တကြိမ်၊ ၁၉၇၂ ခုနှစ် အောက်တိုဘာလ ၁ ရက်နေ့တွင် တကြိမ်၊ ၁၉၈၉ ခုနှစ် ဧပြီလ ၁ ရက်နေ့တွင်တကြိမ်၊ ၁၉၉၃ ခုနှစ် ဧပြီလ ၁ ရက် နေ့တွင်တကြိမ်၊ ၂၀၀၀ ပြည့်နှစ် ဧပြီလ ၁ ရက်နေ့တွင်တကြိမ်၊ ၂၀၀၆ ခုနှစ် မတ်လ ၂၄ ရက်နေ့တွင်တကြိမ် တိုးမြှင့်ပေးခဲ့ပြီး ယခု အကြိမ်နှင့်ပါဆိုလျှင် စုစုပေါင်း ၇ ကြိမ် ရှိပြီဖြစ်သည်။

source by : ဧရာဝတီ