နယ်စပ်တိုက်ပွဲဖြစ်လာပါက ၀ ဒုက္ခသည်များကို ထိုင်း လက်ခံမည်

ရန်ပိုင် | စစ်အစိုးရက ၀ပြည် သွေးစည်း ညီညွတ်ရေး တပ်မတော် (UWSA ) အားတိုက်ခိုက်ခဲ့လျှင် ဒုက္ခသည် ဦးရေ ၂ သိန်းကျော် ထိုင်းနိုင်ငံအတွင်းသို့ ၀င်ရောက်လာနိုင်ကြောင်း ခန့်မှန်းပြောဆို နေကြသည်။

တရုတ်-မြန်မာ နယ်စပ် တနေရာ၌ ပြီးခဲ့သည့် စက်တင်ဘာ လဆန်းက UWSA တပ်ဖွဲ့ဝင်တချို့ကို တွေ့ရစဉ်
(ဓာတ်ပုံ - Reuters)

ယမန်နေ့က ဘန်ကောက်မြို့ ချူလာလောင်ကွန်း တက္ကသိုလ်တွင် ပြုလုပ်သော ထိုင်း- မြန်မာ ဆက်ဆံရေးနှင့် ပတ်သက်သည့် ဆွေးနွေးပွဲတခုတွင် ယင်းကဲ့သို့ ခန့်မှန်းပြောဆို နေကြခြင်း ဖြစ်သည်။

ထိုဆွေးနွေးပွဲ၌ “လာမည့် ၂၀၁၀ ရွေးကောက်ပွဲ မတိုင်မီ မြန်မာအစိုးရက UWSA အဖွဲ့အား တိုက်ခိုက်ခဲ့လျှင် ချင်းမိုင်နှင့် ချင်းရိုင် ပြည်နယ်များ အတွင်းသို့ ဒုက္ခသည်များ အလုံးအရင်းဖြင့် ၀င်ရောက် လာနိုင်သည်”ဟု ထိုင်း အမျိုးသား လုံခြုံရေး ကောင်စီ ၏ နယ်စပ်ဒေသ လုံခြုံရေးနှင့် ကာကွယ်ရေး ဌာန ညွှန်ကြားရေးမှူး Bhornchart Bunnag က ပြောသည် ဟု ထိုင်းနိုင်ငံထုတ် သည်နေရှင်း (The Nation) သတင်းစာ အင်တာနက် စာမျက်နှာတွင် ဖော်ပြထားသည်။

သို့သော် ထိုင်းအစိုးရ အနေဖြင့် အဆိုပါ ဒုက္ခသည်များ ၀င်ရောက် လာခဲ့လျှင် အတင်းအကျပ် နေရင်း ဒေသသို့ ပြန်လည် ပို့ဆောင်မည် မဟုတ်ဘဲ လူသားချင်း စာနာမှု အကူအညီများကို ပေးမည်ဟု ပြောကြား သွားကြောင်းလည်း ဆိုသည်။

ဝေရှောက်ခမ်း ဦးဆောင်သည့် ၀ပြည် တောင်ပိုင်း အဖွဲ့သည် မူးယစ်ဆေးဝါး များကို ထိုင်းနိုင်ငံ အတွင်းသို့ တင်သွင်းနေသည့် အတွက် အမေရိကန် နိုင်ငံ နှင့် ထိုင်းနိုင်ငံတို့မှ နာမည်ပျက် စာရင်းသွင်းထားသောကြောင့် စစ်အစိုးရက UWSA အဖွဲ့အား တိုက်ခိုက်လာလျှင် ကန့်ကွက်ခြင်းမရှိဘဲ ထိုင်းနိုင်ငံမှ ကူညီပေးလိမ့်မည်ဟု နိုင်ငံရေး အကဲခတ်များကလည်း ခန့်မှန်း ပြောဆိုနေကြသည်။

“ထိုင်းအစိုးရက မူ၂မျိုး ထားပုံ ရတယ်၊ တိုက်ပွဲ တွေကြောင့် ၀ပြည်သူတွေ ပြေးလာ ရင်တော့ လူသားချင်း စာနာတဲ့ အနေနဲ့ ကူညီလိမ့်မယ်၊ ဒါပေမယ့် မူးယစ် ဆေးဝါးနဲ့ ပတ်သက် သူတွေကိုတော့ လက်ခံမှ မဟုတ်ဘူး” ဟု ချင်းမိုင် အခြေစိုက် သျှမ်းသံ တော်ဆင့် သတင်းစဉ်မှ အယ်ဒီတာ ဦးစိန်ကြည်ကပြောသည်။

သို့သော် စစ်အစိုးရ ထံသို့ ဘိန်းဘုရင် ခွန်ဆာ လက်နက်ချ သွားပြီး နောက်ပိုင်း တွင်လည်း မူးယစ် ဆေးဝါး ကုန်သွယ်မှုများမှာ ပြီးဆုံးသွားခြင်း မရှိကြောင်း ထိုင်းနိုင်ငံ အခြေစိုက် မြန်မာအရေးလေ့လာနေသူ ဦးဝင်းမင်းက ထောက်ပြသည်။

“ထိုင်းနိုင်ငံ အနေနဲ့တော့ ဝေရှောက်ခမ်းကို မူးယစ် ဆေးဝါးမှုနဲ့တော့ လိုချင်တာ အမှန်ပဲ၊ဒါပေမယ့် သူ့ကို ဖမ်းလို့လည်း ဒီကိစ္စတွေ ပြီးမလား စဉ်းစားရမယ်” ဟု၎င်းကဆိုသည်။

ထို့အပြင် စစ်အစိုးရ ကလည်း မူးယစ် ဆေးဝါး နှိမ်နှင်းမှုများကို ကိုးကန့် တိုက်ပွဲပြီးသည့် နောက်ပိုင်းတွင် ယခင် ကထက် ပိုမို လုပ်လာပြီး၊ သြဂုတ်လ အတွင်းတွင် မူးယစ်ဆေးဝါး အမှုပေါင်း ၂၃၀ နှင့် တရားခံပေါင်း ၃၅၅ဦးကို ဖမ်းဆီး အရေး ယူခဲ့ ကြောင်း စစ်အစိုးရထုတ် သတင်းစာများတွင် ဖော်ပြထားသည်၊၊

ထုိ့ကြောင့် မူးယစ်ဆေးဝါး ရောင်းဝယ် သူများသည် မူးယစ်ဆေးဝါးကို လက်ဝယ်တွင် မထားရှိတော့ဘဲ ထိုင်းနိုင်ငံအတွင်း သို့ အကြွေးစနစ်ဖြင့် လည်းကောင်း ဈေးနှုန်းလျော့ချ၍လည်းကောင်း တင်သွင်းနေကြောင်း စက်တင်ဘာ ၃၀ရက်နေ့ထုတ် အမေရိကန်နိုင်ငံအခြေစိုက် နယူးယောက်တိုင်းမ် သတင်းစာတွင် ဖော်ပြထားသည်။

ထိုင်းနိုင်ငံ မြောက်ပိုင်းတွင် မူးယစ် ဆေးဝါး ဖမ်းဆီး ရရှိမှုများမှာ ယခင်နှစ်များက တနှစ်လျှင် ပျမ်းမျှ ၅၇ ကီလိုဂရမ် ခန့်သာ ဖမ်းဆီး ရမိသော်လည်း ယခုနှစ်တွင် ၂၇၉၅ကီလိုဂရမ် အထိဖမ်းဆီးနိုင်ခဲ့ကြောင်း ၊ ယခင် နှစ်များထက် ၂၁၀၀ ရာခိုင်နှုန်း အထိ မြင့်လာသည်ဟု ယင်းသတင်းစာကဆိုသည်။

စစ်အစိုးရက မူးယစ် ဆေးဝါး နှိမ်နှင်းရေးများကို ပိုမို ပြုလုပ် လာခြင်းမှာ အမေရိကန်နိုင်ငံ နှင့် ဆက်ဆံ ရေးပိုမို ကောင်းမွန် စေရန်လည်းကောင်း၊ နယ်ခြား စောင့် တပ်ဖွဲ့စည်းရေးကို အပစ်ရပ် အဖွဲ့များက လက်မခံသည့် အတွက် အပြစ်ရှာ ခြင်းလည်း ဖြစ်နိုင်ကြောင်း ဗမာပြည် ကွန်မြူနစ် ပါတီမှ ဒေါက်တာလှကျော်ဇောက ထင်မြင်သည်။

“အပစ်ရပ် အဖွဲ့တွေမှာ မူးယစ်နဲ့ ကင်းတဲ့သူ ရှားပါတယ်၊ ဒီအချက်ကြောင့် ၀တွေက ပြန်ပြီး အလျှော့ပေးမှုတွေ လုပ်လာလိမ့် မယ်”ဟု ၎င်းကပြောသည်။

ယခုလက်ရှိ ကိုးကန့်၊ မိုင်းလား နှင့် ၀ခေါင်းဆောင်များသည် ယခင်ဗမာပြည်ကွန်မြူနစ်ပါတီ လက်အောက်တွင် ရှိစဉ်က တည်းက မူးယစ် ဆေးဝါးနှင့် ပတ်သက် ခဲ့ကြကြောင်း၊ ၁၉၈၅ခုနှစ် တတိယ အကြိမ် ပါတီ ကွန်ဂရက်တွင် မူးယစ်ဆေးဝါး နှိမ်နင်းရေးကို ပြုလုပ်တော့မည်ဟု ဆုံးဖြတ်ချက် ချလိုက်သောကြောင့် ဖုန်ကျား ရှင်ခေါင်း ဆောင်ပြီး ပါတီမှ ခွဲထွက်ခဲ့ခြင်း ဖြစ်ကြောင်း၎င်းက ပြောပြသည်။

သို့သော်UWSA အဖွဲ့နှင့် နီးစပ်သူ တဦးကမူ ၀ခေါင်းဆောင်ပိုင်း အနေဖြင့် စီးပွားရေးလုပ်ငန်းများစွာကို ပြည်တွင်း ပြည်ပတွင် အခြေချ ထားကြောင်း၊ တရုတ်ပြည်၏ တံခါးဖွင့် ပေါ်လစီအရ တရုတ် ပြည်တွင်းတွင် မြေယာ နှင့်တိုက်ခန်းများ ၀ယ် ယူပြီး နေထိုင်ခွင့်မှတ်ပုံတင်များလည်း ရယူထားပြီးဖြစ်ကြောင်း၊ ထို့ကြောင့် စစ်ရေးဖြင့် တုံ့ပြန်ဖြေရှင်းလိမ့်မည်ဟု မထင် ကြောင်း သုံးသပ်သည်။

source by : ဧရာဝတီ