ဒီရေ သတင်းများ

သတင်း ဘစောတင် ဧရာဝတီ | ထိုင်းနိုင်ငံတောင်ပိုင်းရှိ နိုင်ငံခြားသား ခရီးသွားများဖြင့် စည်ကားခဲ့သည့် ဖူးကက် မြို့တွင် ယခုအခါ မြန်မာနိုင်ငံသား ဆောက်လုပ်ရေး အလုပ်သမား အများစုသည် အလုပ်အကိုင် ရှားပါး၍ အခက်အခဲများဖြင့် တွေ့ ကြုံနေရ ကြောင်း သတင်းရရှိသည်။

ဖူးကက်မြို့ ကော့်စလေကျွန်းရှိ R. T. H. Co. Ltd မှ ဆောက်လုပ်နေသော ဆောက်လုပ်ရေးဆိုဒ် လုပ်ငန်းခွင် ကိုတွေ့မြင်ရစဉ် (ဓာတ်ပုံ - ဘစောတင်)

စီးပွားရေးကျဆင်းပြီး နိုင်ငံခြားသား ခရီးသွားများ အလာကျဲသောကြောင့် ဆောက်လုပ်ရေး လုပ်ငန်းများ ခြေအနေ မကောင်းသည့် အတွက် ထိုကဲ့သို့ အလုပ်သမားများ အခက်အခဲ ကြုံတွေ့နေရခြင်း ဖြစ်သည်ဟု ဖူးကက်မြို့တွင် ၁၅ နှစ်ခန့် နေထိုင်ပြီး ဆောက်လုပ်ရေး လုပ်ငန်းတွင် ဆပ်ကန်ထရိုက်တာ (ထိုင်းအခေါ် ဖောလမောင်း) လုပ်နေသူ ကိုခိုင်ကျော်သူရမင်းက ပြောပြသည်။

“အရင်နှစ်တွေကဆို ကျနော်တို့ အလုပ်ပြတ်သွားတယ် ဆိုတာ တခါမှမရှိဘူး၊ သူဌေး တွေကလည်း ငွေမှန်မှန် ရှင်းတယ်၊ အလုပ် ကလည်း လုပ်နိုင်ဖို့သာ လိုတယ်၊ ဒီနှစ်ကျတော့ ကျနော်တောင် အခု အလုပ်မဖြစ်တာ နှစ်လလောက်ရှိသွားပြီ၊ ကျနော့် တပည့်တွေ အတွက်သာ နည်းနည်းပါးပါး စားဖို့ သောက်ဖို့ ရအောင် ရှာပေး ထားရတာ၊ အလုပ်ပါးရတဲ့ လိုရင်းကတော့ အင်္ဂလိပ်တွေ အဆောက်အဦး မဆောက်ရင် ကျနော်တို့ အလုပ် မရဘူး၊ အခုက စီးပွားရေး မကောင်းကြတော့ ဧည့်သည်လည်း အလာကျဲပုံရတယ်၊ ဆောက်လုပ်ရေး ဆိုဒ်တွေ မှာလည်း အလုပ်မကောင်းကြတော့ အလုပ်သမားတွေ အရေအတွက်ကို တ၀က်နီးပါး လျှော့ပစ်တာ တွေရှိတယ်၊ တော်တော်ကို ကောင်းတဲ့ သူဌေးတွေရဲ့ဆိုဒ်သာ တောင့်ခံနိုင်တာ”ဟု ၎င်းကဆိုသည်။

ဖူးကက်မြို့တွင် အနည်းဆုံး မြန်မာအလုပ်သမား နှစ်သိန်းခန့် အလုပ်လုပ်ကိုင်ခဲ့ကြသည်ဟု သိရပြီး ဆောက် လုပ်ရေးဆိုဒ်များ၊ ဟိုတယ်များ၊ ကုန်တိုက်ကြီးများ၊ ဈေးဆိုင်များ၊ မီးပူတိုက် အ၀တ်လျှော် လုပ်ငန်းများတွင် မြန်မာပြည်သားများ ၀င်ရောက်လုပ်ကိုင်လေ့ ရှိကြသည်။

ယင်းတို့အထဲမှ လေးပုံသုံးခန် သည် ဆောက်လုပ်ရေး ပန်းရံဆိုဒ်တွင် လုပ်ကြာသူများဖြစ်သည်။ သို့ သော် ယခုအခါ လေးပုံတပုံခန် သည် အလုပ်အကိုင် အဆင်မပြေ၍ မိမိတို့ ဇာတိမြန်မာပြည်သို့ လည်းကောင်း၊ အခြား ဒေသများသို့ လည်းကောင်း ရွှေ့ပြောင်း သွားကြသည်ဟုလည်း ကိုခိုင်ကျော်သူရမင်းက ဆက်ပြော သည်။

“အရင်ကဆိုရင်ဗျာ၊ ဖူးကက်က ဘယ်စားသောက်ဆိုင်ပဲဖြစ်ဖြစ်၊ ဈေးဆိုင်ပဲဖြစ်ဖြစ်၊ ကုန်ကုန်ပြောမယ်ဗျာ၊ ဖူးကက်က လုပ်ငန်းတိုင်းမှာ ဗမာပြည်သားတွေရှိတယ်၊ အခုတော့ အလုပ်သမား တရာရှိတဲ့နေရာမှာ တ၀က် လျှော့ချလိုက်တော့ ငါးဆယ်ပဲ ကျန်တော့တယ်၊ တချို့တပိုင်တနိုင်လုပ်တဲ့ ကန်ထရိုက်တွေဆို ပျက်ကိုပျက် သွားတာ၊ အရင်နှစ်တွေကဆို ဒီလိုမဟုတ်ဘူး၊ ဆူနာမီပြီးတုန်းကဆို ဆောက်လုပ်ရေး ရွှေခေတ်လို့တောင် ပြောလို့ ရတယ်”ဟု သူက ပြောပြသည်။

ကိုခိုင်ကျော်သူရမင်းသည် ဖူးကက်မြို့လယန် အရပ်တွင် ယခင်နှစ်က အလုပ်သမား ငါးဆယ်ခန့်ကို အလုပ် အကိုင်ပေးနိုင်ခဲ့သူဖြစ်သည်။

ယင်းသို့သော ပင်ပန်းသည့်အလုပ်များကို ထိုင်းနိုင်ငံသား အလုပ်သမားများက မလုပ်ကြသဖြင့် မြန်မာရွှေ့  ပြောင်းအလုပ်သမားများက ၀င်ရောက်လုပ်ကိုင်ကြသည်။ အလုပ်အကိုင် ကျွမ်းကျင်ပြီး ထိုင်းဘာသာ စကား ကိုလည်း ကောင်းမွန်စွာ တတ်ကျွမ်းသူ မြန်မာ အလုပ်သမားက အလုပ်သမား ခေါင်းဆောင်အဖြစ် လည်း ကောင်း သူဌေးများနှင့်ရင်းနှီးကျွမ်းဝင်ပြီး ယုံကြည်စိတ်ချခံရသူများကို အလုပ်အကိုင်ခွဲချပေးကာ ဆပ်ကန် ထရိုက် လုပ်နေသူများလည်းရှိကြသည်။

ဖူးကက်မြို့ ထလန်အရပ်ရှိ လီဖုန်း ပန်းခြံ(Liphone Garden)တွင် အလုပ်လုပ်နေသော ကိုမောင်ဖြူက လည်း “ဒီနှစ်တော့ ဘာဖြစ်တယ်မှန်း မသိပါဘူးဗျာ ၊ ဂေါ်ဆန်း ( ဆောက်လုပ်ရေးကို ထိုင်းဘာသာအခေါ်)လုပ်ရတာ အဆင်မပြေပါဘူး၊ တခါတခါ တနေ့ ကုန်လို့ ဘာမှ မလုပ်ရတဲ့နေ့ မလုပ်ရဘူး၊ တော်တော်များများ အခက် အခဲကြုံကြရတယ်၊ ကျနော်ကတော့ သူများနဲ့ စာရင် မဆိုးဘူး ပြောရမယ်၊ ပန်းခြံထဲမှာလုပ်တာဆိုတော့ သူဌေး က လိုတာရှိရင် ခိုင်းတယ်၊ သူခိုင်းတာလုပ်ပေးလိုက်တယ်၊ အလုပ်မရှိလည်း အချိန်တန်လစာ တော့ရတာပေါ့၊ ဒါပေမယ့် အခုပုံမျိုးဆိုရင် ရှေ့မှာ ဒုက္ခရောက်နိုင်တယ်၊ မိသားစုနဲ့ ဆိုတော့ ရင်လေးတယ် ဗျာ”ဟု ပြောဆိုသည်။

ဖူးကက်တွင် ထားဝယ်၊ မြိတ်၊ မွန်၊ ရခိုင်၊ ဗမာ၊ ဂေါ်ရခါး စသည်ဖြင့် မြန်မာပြည်သား အများအပြား နေထိုင် အလုပ်လုပ်နေကြပြီး ဖူးကက်မြို့ကော့်စလေကျွန်းရှိ R. T. H. Co. Ltd ၏ ဆောက်လုပ်ရေးဆိုဒ်တွင် လုပ် ကိုင် နေသော ရခိုင် အလုပ်သမား နှစ်ရာကျော်ရှိသည်ဟုသိရသည်။

ဖူးကက် စားသောက်ဆိုင် တခုတွင်အလုပ်လုပ်ရင်း ရခိုင်အမျိုးသား သတင်းစာအတွက် သတင်းထောက်လုပ် နေသူ ကိုညဏ်လင်း(ဖူးကက်)က“ဒီနှစ် ထိုင်းနိုင်ငံမှာ နိုင်ငံရေးအခြေအနေ ၊ ကမ္ဘာ့ စီးပွားရေးကပ်ဆိုး တွေ ကြောင့် ပြည်ပက ခရီးသည်တော်တော်လေးကို အလာနည်းသွားပါတယ်၊ စားသောက်ဆိုင်တွေမှာ အရင်နှစ် တွေက Hight season ဆိုရင် ပါတီတွေတရုံးရုံးနဲ့နေတဲ့ နေရာတွေမှာ အခု လူတယောက်မှမလာလို့ ဆိုင်ဝန် ထမ်းတွေ လျှော့ရတဲ့အခြေအနေတောင် ဖြစ်သွားပါတယ်၊ ပစ္စည်းတွေ ကလည်း ဈေးကြီးလာတယ်၊ တချို့ ဆောက်လုပ်ရေးလုပ်ငန်းတွေမှာဆိုရင်လည်း တဆင့်ခံလုပ်သူတွေ အရှုံးပေါ်ပါတယ်၊ အရှုံးပေါ်တော့အောက် ခြေကလုပ်တဲ့ မြန်မာတွေ ပိုက်ဆံမရဘူးပေါ့၊ သူတို့က ထွက်သွားကြတယ်၊ မြန်မာတွေက ဘာမှလုပ်လို့မရ ဘူး၊ အဲဒီလိုနဲ့ နောက်တစ်နေရာကိုပြောင်း၊ ရဲဖမ်းခံရသူကခံရနဲ့ ဒီလိုပဲကျနော်တို့ရွှေ့ပြောင်း အလုပ်သမား တွေ ခံနေရတာပါပဲ”ဟု ပြောပြသည်။

ဖူးကက်သည် ကျွန်းမြို့ တမြို့ဖြစ်၍ ရှုခင်းသာယာသော နေရာများစွာတွင် တောင်ကို ဖြို၍ လည်းကောင်း၊ ပင်လယ် ကမ်းစပ်များတွင် လည်းကောင်း တည်းခိုခန်းများ၊ လူနေအိမ်ရာများကို အထူးသဖြင့် နိုင်ငံခြားသား သူဌေးများက ထိုင်း ကန်ထရိုက်များဖြင့် ဆောက်လုပ်လေ့ ရှိကြသည်။

ဖူးကက်မြို့သို့ နိုင်ငံခြားသားများ လာရောက်လည်ပတ်ကြပြီး ခရီးသွားလုပ်ငန်းဖွံ့ဖြိုးသောမြို့တမြို့ ဖြစ်သောကြောင့် ယခင်က အဆောက်အဦးဆောက်လုပ်ရေးလုပ်ငန်းများသည်လည်း နွေ မိုး ဆောင်း သုံးရာသီလုံး အလုပ် ဖြစ်နေခဲ့သည်မှာ နှစ်အတန် ကြာခဲ့ပြီဖြစ်သည်။