သတင်း ဘစောတင် ဧရာဝတီ | ထိုင်းနိုင်ငံ တောင်ပိုင်း ဖူးကက်မြို့ရှိ ပါသောင်ကမ်းခြေတွင် နှစ်သစ်ကူး သင်္ကြန် ကာလ အတွင်းက ၅ ကြိမ်မြောက် ရခိုင်ရိုးရာ ကျင်ပွဲ ကျင်းပခဲ့သည်။
 ဇွဲနဘဲနှင့် ကျင်ကိုင်ပွဲ ယှဉ်ပြိုင် နေကြစဉ် (ဓာတ်ပုံ - ဘစောတင်) |
ကိုသန်းမောင်က“အခုလိုမျိုး ရခိုင်ရိုးရာကျင်ပွဲ ကျင်းပ ရခြင်းရဲ့ အဓိကရည်ရွယ်ချက်ကတော့ ရခိုင်လူမျိုးများ အနေနဲ့ မိမိတို့ရဲ့ရိုးရာ အမွေအနှစ်များကို အစဉ်အမြဲ ထိန်းသိမ်းထား တတ်ကြရန်နဲ့ အချင်းချင်း ရိုင်းပင်းကူညီ တတ်သော စိတ်ဓာတ်များ ထားရှိကြရန်၊ မိမိ၏ အမျိုးဂုဏ်ကို သိက္ခာ မြှင့်တင်တတ်စေရန် အဓိက ရည်ရွယ်ပြီး ကျင်းပခြင်း ဖြစ်တယ်”ဟု ကျင်ပွဲမကျင်းပမီ အဖွင့်အမှာစကားတွင် ပြောကြားခဲ့သည်။
ယခု ရခိုင်ရိုးရာ ကျင်ပွဲကို ဖူးကက်အခြေစိုက် လေးဝတီမျိုးချစ် ရခိုင်လူမျိုးအသင်းမှ ကြီးမှူးကာ ပါသောင် ကမ်းခြေရှိ မနှင်းဆီ ပန်းရံ လုပ်ငန်းခွင်တွင် ပြီးခဲ့သည့် ၁၄ ရက်နေ့က ကျင်းပခဲ့ခြင်းဖြစ်သည်။
လေးဝတီ မျိုးချစ်ရခိုင်အသင်း နာယက ဖြစ်သူ ဦးခိုင်သန်းကလည်း ယင်းကျင်ပွဲ ကျင်းပပုံကို ရှင်းပြသည်။
“ဒီပြိုင်ပွဲမှာ ရွှေမောင်းတန်း ငွေမောင်တန်းဆိုပြီး အတန်း နှစ်တန်းထားပြီးယှဉ်ပြိုင်စေပါတယ်။ ရွှေမောင်းတန်းမှာ ပြိုင်ပွဲဝင် အယောက် (၅ဝ) ရှိပါတယ်။ ငွေမောင်းတန်းမှာတော့ (၉၄) ယေက် ဝင်ရောက်ယှဉ်ပြိုင်ကြတယ်။ အဲဒီနေ့ က ဒီမှာမိုးကလည်းရွာတယ်။ မိုးထဲ လေထဲမှာ အားကစားသမား တွေဟာ ဇွဲနဘဲနဲ့ ရိုးရာပွဲကို ယှဉ်ပြိုင်ခဲ့ကြ ပါတယ်” ဟု ဦးခိုင်သန်းက ဆိုသည်။
 ဇွဲနဘဲနှင့် ကျင်ကိုင်ပွဲ ယှဉ်ပြိုင် နေကြစဉ် (ဓာတ်ပုံ - ဘစောတင်) |
ဦးခိုင်သန်းက ဆက်လက်ပြီး“ထူးခြားတာကတော့ ဒီမှာ အင်မတန်တော်တဲ့ ကျင်သန် တယောက် ရှိတယ်။ ကျောက်တော် မြို့နယ် ကျားနင်း ကန်ရွာက ကိုကျားချေ ဆိုတဲ့လူ ရှိတယ်။ သူက အရင်ပြိုင်ပွဲ တွေမှာ သုံးနှစ် ဆက်တိုက် ပထမ ရထားတော့ သူ့ကိုပြိုင်ရဲတဲ့လူမရှိလို့  ပြိုင်ဘက်မရှိ အထူးဆုပေးလိုက်တယ်။ အခုလိုပြောခွင့် ရတုန်း ပြောလိုက် ချင်တာက တော့ ဖူးကက်မှာ ဒီလိုကျင်သန်မျိုးရှိတယ်။ ကျနော်တို့ဂုဏ်ယူတယ်” ဟု ပြောဆိုသည်။
ရခိုင်လူမျိုးများ အပါအဝင် ဖူးကက်ရှိ မြန်မာရွှေ့ပြောင်းအလုပ်သမား(၂ဝဝ)ခန့် လာရောက်အားပေးကြသော ဤပွဲတွင် နေ့လယ်စာ အစားအသောက်များဖြင့် ကျွေးမွေးဧည့်ခံကြောင်းနှင့် အခမ်းအနားမစမီ အဆိုတော် ခိုင်ဇော် သီဆိုထားသော “ငါရို့ပြည်ကို ငါရို့ အုပ်ချုပ်မေ” ရခိုင် နိုင်ငံတော် သီချင်းကို ဖွင့်ကာ ပြိုင်ပွဲကို စတင်ခဲ့ ကြောင်း သိရှိရသည်။
Subscribe to:
Post Comments (Atom)
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။