သတင်း ဆလိုင်းပီပီ မဇ္ဈိမ | နယူးဒေလီ (မဇ္ဈိမသတင်း)။ ။ အိန္ဒိယနိုင်ငံ အရှေ့မြောက်ပြည်နယ် မီဇိုရမ်၏ အစိုးရက ပြည်နယ်တွင်းသို့ ကြက်ငှက်တုပ်ကွေး ဗိုင်းရပ်စ်ပိုးများ ကူးစက်မည့် အန္တရယ်ကို ကြိုတင် ကာကွယ်သည့် အနေဖြင့် မြန်မာနိုင်ငံမှ တင်သွင်းသော မွေးမြူရေးတိရိစ္ဆာန်များနှင့် ကြက်သားများ တင်သွင်းခြင်းကို နှစ်ဆန်းတရက်နေ့က စတင်ကာ ပိတ်ပင်လိုက်သည်။
မြန်မာနိုင်ငံနှင့် ဘင်္ဂလားဒေ့ရ်ှတွင် မကြာခဏ တွေ့ရှိရသည်ဟု သတင်းများ ထွက်ပေါ်လေ့ရှိသော ကြောက်မက်ဖွယ် ကောင်းလှသည့် H5N1 ဗိုင်းရပ်စ်ပိုးများ ကူးစက်ဝင်ရောက်လာမည်ကို ကာကွယ်သည့် အနေနှင့် ပြည်နယ် အစိုးရက ဇန်နဝါရီလ ၁ ရက်နေ့ကတည်းက ပိတ်ပင်ထားလိုက်ခြင်း ဖြစ်သည်။
"လွန်ခဲ့တဲ့ ၂ နှစ်ကတည်းက ကြက်ငှက်တုပ်ကွေး ရောဂါပိုး တွေ့ခဲ့တဲ့ မြန်မာနဲ့ ဘင်္ဂလားဒေ့ရှ် ၂ နိုင်ငံက နယ်ခြားကို ကြိုတင်ကာကွယ်တဲ့ အနေနဲ့ အခုလို ပိတ်ထားလိုက်တာပါ။ ဘာကြောင့်လဲဆိုတော့ ဒီ ၂ နိုင်ငံဟာ အိန္ဒိယနိုင်ငံလို စည်းစနစ်တကျရှိတဲ့ နိုင်ငံတွေ မဟုတ်လို့ပါ" ဟု မီဇိုရမ်ပြည်နယ် တရိစ္ဆာန်မွေးမြူရေးနှင့် ကုသရေးဌာန တွဲဘက်ညွှန်ကြားရေးမှူး ဒေါက်တာဆိုင်းငူရက မဇ္ဈိမကို ပြောသည်။
မီဇိုရမ်သည် စစ်အစိုးရအုပ်ချုပ်နေသော မြန်မာနိုင်ငံနှင့် ရှည်လျားပြီး စိမ့်ဝင်ထိုးဖောက်နိုင်သော နယ်ခြား ရှိသည်။
၂ဝဝ၈ ခုနှစ် နိုဝင်ဘာလအတွင်း အိမ်နီးချင်း အာသံပြည်နယ်တွင် ဤဗိုင်းရပ်စ်ပိုး တွေ့ရှိကြောင်း သတင်းများ ပေါ်ထွက်ခဲ့အပြီး မီဇိုရမ်ပြည်နယ်က ဤသို့ပင် အသားနှင့် ကြက်ငှက်များ တင်သွင်းမှုပိတ်ပင်ခြင်း ပေါ်ထွက် လာခဲ့ခြင်း ဖြစ်သည်။
"အာသံပြည်နယ်မှာ နိုဝင်ဘာလထဲ ကြက်ငှက်တုပ်ကွေးဖြစ်ပွားအပြီး ကျနော်တို့ နယ်စပ်မှာလည်း ကြိုတင် ကာကွယ်မှုတွေ လုပ်ထားပါတယ်" ဟု ဒေါက်တာဆိုင်းက ပြောသည်။
ထို့ပြင် သူ့အစိုးရသည် ပြည်နယ်နှင့် နိုင်ငံတကာနယ်ခြားမှတဆင့် ကြက်ဥ အပါအဝင် ကြက်ငှက်ထွက်ကုန်များ တင်သွင်းခြင်းအားလုံးကိုပါ နယ်ခြားအားလုံးကို ပိတ်ဆို့လိုက်ခြင်းဖြင့် တားမြစ်ထားသည်ဟု ဆိုသည်။
သို့သော် မီဇိုရမ်ပြည်နယ် ဆိုင်ဟားခရိုင်မှ ဒေသခံတဦးကမူ ဤသို့ ပိတ်ပင်ထားသည် ဆိုသော်လည်း မြန်မာနိုင်ငံ မှ တင်သွင်း လာသည့် ကြက်သားနှင့် ကြက်ဥကဲ့သို့သော ကြက်ငှက် ထွက်ကုန်ပစ္စည်းများကို ဒေသတွင်းဈေးများတွင် ရောင်းချနေဆဲ ဖြစ်သည်ဟု ပြောသည်။
"မြန်မာနိုင်ငံကလာတဲ့ ကြက်သားတွေ ဆိုင်ဟားဈေးထဲမှာ အခုထိ ရောင်းနေတုန်းပဲဗျ" ဟု အဆိုပါ ဒေသခံက ပြောသည်။
ဒေါက်တာဆိုင်းကမူ သူတို့ဌာနမှ ပိတ်ဆို့ကြောင်း မကြေညာမီ တင်သွင်းထားသော ကြက်ငှက်ပစ္စည်းများကိုမူ ရောင်းချခွင့်ပေးကာ အသစ်တင်ပို့မှုများကို တင်းကျပ်စွာ ပိတ်ဆို့တားဆီးကြောင်းနှင့် ဤပိတ်ဆို့မှုသည် ဗဟိုအစိုးရက နောက်ထပ် ကြေညာချက် ထုတ်ပြန်သည်အထိ တည်ရှိနေမှာ ဖြစ်ကြောင်း ပြောသည်။
"ဗဟိုအစိုးရက ပြန်ဖွင့်ပေးဖို့ မညွှန်ကြားမချင်း ပိတ်ဆို့မှုဟာ အခုလိုပဲ ဆက်ရှိနေမှာပါ။ ကျနော်တို့က သူတို့ ညွှန်ကြားချက်အတိုင်း လုပ်ရတာ" ဟု သူက ပြောဆိုသည်။
မီဇိုရမ်သည် မြန်မာနိုင်ငံ အနောက်မြောက်ဒေသ ချင်းပြည်နယ်နှင့် ၄ဝ၄ ကီလိုမီတာရှည်လျားသော နယ်ခြားရှိပြီး ၂ နိုင်ငံ ပြည်သူများသည် တူညီသော ယဉ်ကျေးမှု၊ ဘာသာစကား၊ "လေ့ထုံးစံများ ရှိကြသည်။ ထို့ကြောင့် ကုန်သွယ်ရေးနှင့် လူသားချင်း ဆက်ဆံရေး အပါအဝင် နယ်စပ်ဖြတ်ကျော် အပြန်အလှန်လည်ပတ် တွေ့ဆုံမှုများ ရှိကြသည်။
ကြက်များတွင် ထူးဆန်းသော ရောဂါဖြစ်ပွားနေကြောင်း တွေ့ရှိခဲ့ပြီးနောက် မြန်မာနိုင်ငံ၏ တောတွင်း မြို့တော်သစ် နေပြည်တော် အနီးရှိ ကြက်ခြံများတွင် ကြက်အကောင်ရေ ၂ဝဝ ခန့်ကို ဒီဇင်ဘာလ ဒုတိယပတ် အတွင်း သတ်ဖြတ်ပစ်ခဲ့သည်။
အဆိုပါ ကြက်များတွင် တွေ့ရသော ရောဂါလက္ခဏာသည် လည်ပင်းတွင် နာကျင်သည့် ဝေဒနာခံစားရပြီး သေဆုံးကုန်သဖြင့် ထူးဆန်းသော ရောဂါသစ်တမျိုး ဖြစ်သည့် Viscro Tropic Velogenic (VVNT) ခေါ် ရောဂါသစ်တမျိုးဖြစ်သည်ဟု မြန်မာနိုင်ငံ တိရိစ္ဆာန်မွေးမြူရေးနှင့် ကုသရေးဝန်ကြီးဌာနက ယုံကြည်နေသည်။
သို့သော် အချို့သော ကျွမ်းကျင်သူများကမူ အဆိုပါ ရောဂါလက္ခဏာသည် ကြောက်မယ်ဖွယ် ကြက်ငှက် တုပ်ကွေး၏ ရောဂါ လက္ခဏာပင် ဖြစ်ကြောင်း ပြောသည်။
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။