သတင်း ကိုဝိုင်း ခေတ်ပြိုင် | ရန်ကုန်အင်းစိန်ထောင်မှ ဘူးသီးတောင်ထောင်သို့ ရွှေ့ပြောင်းခံရသူ ၈၈ မျိုးဆက်ကျောင်းသား ခေါင်းဆောင် ကိုဌေးကြွယ်သည် ယနေ့အထိ ထောင်တွင်း တိုက်ခန်းမှ အပြင်ထွက် လမ်းလျှောက်ခွင့်မရသေးကြောင်း နိုင်ငံရေး အကျဉ်းသား များ ကူညီစောင့်ရှောက်ရေး အသင်း (မြန်မာနိုင်ငံ) တွဲဖက်အတွင်းရေးမှူး ဦးဘိုကြည်က ခေတ်ပြိုင်သို့ ပြောသည်။
 |
ထို့အပြင် ဘူးသီးတောင်ထောင်ကဲ့သို့သော နယ်ထောင် များတွင် ဆေးရုံ၊ ဆရာဝန်မရှိဘဲ ကျွမ်းကျင်အဆင့် မဟုတ်သည့် ဆေးမှူးများသာရှိတတ်ပြီး ကျန်းမာရေး အရလိုအပ်ပါက ဆရာဝန် လွယ်လွယ်ကူကူဖြင့် မရနိုင်ကြောင်းလည်း သိရသည်။
ယခင်လနောက်ဆုံးအပတ်အတွင်းက ကိုဌေးကြွယ်၏ မိသားစုဝင်များ ဘူးသီးတောင်ထောင်သို့ ထောင်ဝင်စာသွား တွေ့ခဲ့စဉ်ကလည်း ကိုဌေးကြွယ်သည် (၈) ပေ (၁၀) ပေ အခန်းကျဉ်းထဲ၌ နေရပြီး အပြင်ထွက် လေ့ကျင့်ခန်း လုပ်ခွင့်မရကြောင်း၊ ထောင်ပုံစံထမင်းကိုပင် ၀လင်စွာ မစားရကြောင်း၊ ရေရှားသည်ဟုဆို၍ ရေပေးမချိုးသောကြောင့် ယားနာများပေါက်နေကြောင်း သိခဲ့ရသည်ဟု ကိုဌေးကြွယ်၏ မိသားစုနှင့် နီးစပ်သူတဦးက ခေတ်ပြိုင်သို့ ပြောသည်။
ထို့အပြင် ကိုဌေးကြွယ်သည် သာယာဝတီထောင်၌ ယခင်တကြိမ် နေခဲ့ရစဉ်က ဗိုက်ခွဲထားရသဖြင့် ဗိုက်အောင့် ရောဂါဖြစ်နေကြောင်း၊ ဘူးသီးတောင်ထောင်တွင် ထောင်ဆရာဝန်မရှိဘဲ သာမန်ဆေးမှူးသာရှိပြီး၊ ဆေးကုရန် ပိုအဆင်ပြေ နိုင်မည့် စစ်ထွေမြို့နှင့် လည်း ရေလမ်းတရက်ခရီးဝေးသောကြောင့် ရုတ်တရက် တစုံတရာဖြစ်မည်ကို ၎င်း၏ မိသားစုဝင်များက စိုးရိမ်နေကြကြောင်းလည်း သိရသည်။ ယူဆောင်သွားသည့် ဆေးများကိုလည်း “ဆေးမှူး၏ခွင့်ပြုချက်ဖြင့်သာ သွင်းပေးမည်” ဟုဆို၍ အာဏာပိုင်များက သိမ်းယူထားကြောင်း၊ စာအုပ်များနှင့် ခြုံစောင်ကိုလည်း သိမ်းယူထားကြောင်း သိရသည်။
နယ်စွန်နယ်ဖျားထောင်များမှ ကျန်းမာရေး ကုသမှုနှင့်ပတ်သက်၍ ဦးဘိုကြည်ကလည်း “နယ်ထောင်တွေ တော်တော် များများမှာ ဆေးရုံမရှိဘူး၊ ဆရာဝန်မရှိဘူး၊ တချို့ထောင်တွေမှာတော့ ဆေးမှူးလို့ခေါ်တဲ့ လူတွေပဲရှိတယ်။ သိပ်ကျွမ်းကျွမ်း ကျင်ကျင်တွေ မဟုတ်ဘူး။ ရိုးရိုးအကျဉ်းသားအများစုကိုဆိုရင် ဆေးထိုးအပ် တချောင်းတည်း သုံးနေတဲ့နေရာတွေ တော်တော်များများရှိတယ်။ တချို့ထောင်တွေမှာ ပိုက်ဆံ မပေးနိုင်သူ ဆိုရင် ပစ်စလက်ခတ် ဆေးကုတာတို့ဘာတို့ အဲဒါမျိုးတွေကတော့ တောက်လျှောက်ဖြစ်နေတယ်” ဟု ပြောသည်။
၈၈ မျိုးဆက်ကျောင်းသားခေါင်းဆောင်များဖြစ်သည့် ကိုဌေးကြွယ်၊ ကိုမင်းကိုနိုင်နှင့် ကိုကိုကြီးတို့အပါအ၀င် နယ်စွန် နယ်ဖျား ထောင်များသို့ ပြောင်းရွှေ့ခံရသူများထဲတွင် ယခုအထိ ထောင်တွင်းတိုက်ခန်းများမှ အပြင်ထွက် လမ်းလျှောက်ခွင့် မရသူများ ရှိနေသေးကြောင်းလည်း သိရသည်။
Subscribe to:
Post Comments (Atom)
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။