အမျိုးသားဒီမိုကရေစီအဖွဲ့ချုပ်ပါတီရဲ့ သဘာပတိတစ်ဦးဖြစ်တဲ့ ဦးဝင်းထိန်ဟာ ဖေဖော်ဝါရီ ၅ ရက်မှာ ဖမ်းဆီးခံလိုက်ရတယ်လို့ ပါတီက ပြောပါတယ်။
နိုင်ငံမှာ ပြီးခဲ့တဲ့ တနင်္လာနေ့က စစ်တပ်က အာဏာသိမ်းပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတ ဦးဝင်းမြင့်တို့ ဖမ်းဆီးထိန်းသိမ်းခံခဲ့ရပြီးနောက် ယခုအခါမှာ ဒေါ်အောင်ဆန်းစုကြည်ရဲ့ အဓိက လက်ထောက်တစ်ဦးဖြစ်တဲ့ ဦးဝင်းထိန်လည်း ဖမ်းဆီးထိန်းသိမ်းခံလိုက်ရတာ ဖြစ်ပါတယ်။
စစ်တပ်အာဏာသိမ်းမှုကြောင့် နိုင်ငံမှာ နာကြည်းဒေါသူပုန်ထမှုတွေကို ဖြစ်ပေါ်စေခဲ့သလို အမေရိကန်သမ္မတ ဂျိုးဘိုင်ဒင်ကလည်း မြန်မာစစ်တပ် အာဏာစွန့်လွှတ်ရေး တောင်းဆိုမှုတွေ လုပ်ဆောင်ခဲ့ပါတယ်။
ါတီရဲ့ အားထားရတဲ့ ပုဂ္ဂိုလ်ဖြစ်တဲ့ ဦးဝင်းထိန်ဟာ ကြာသပတေးနေ့ နေ့လည်ပိုင်းက နေပြည်တော်ကနေ ရန်ကုန်ကို ထွက်ခွာခဲ့တယ်လို့ NLD ပါတီက ဖေ့ဘွတ်ခ်စာမျက်နှာတစ်ခုကနေ ပြောခဲ့ပါတယ်။
“သူက ရန်ကုန်ကို ရောက်ပြီး သမီးဖြစ်သူ အိမ်မှာ ရှိနေချိန် ညသန်းခေါင်ယံမှာ ဖမ်းဆီးခေါ်ဆောင်ခံခဲ့ရတာပါ၊ ခု နေပြည်တော် ရဲစခန်းတစ်ခုမှာ ထိန်းသိမ်းခံထားရပါတယ်” လို့ ပါတီ ပြန်ကြားရေးတာဝန်ရှိသူတစ်ဦးဖြစ်တဲ့ ဦးကြည်တိုးက ပြောပါတယ်။
အသက် ၇၉ နှစ်အရွယ် ဦးဝင်းထိန်ဟာ နိုင်ငံရေးအကျဉ်းသားဟောင်းတစ်ဦး ဖြစ်ပြီး စစ်အုပ်ချုပ်ရေးကို ဆန့်ကျင် တိုက်ပွဲဝင်မှုအတွက် အချိန်အများအပြားကို ထောင်ထဲ ဝင်လိုက်ထွက်လိုက်နဲ့ ကုန်ဆုံးခဲ့သူ ဖြစ်ပါတယ်။
ဒေါ်အောင်ဆန်းစုကြည်ရဲ့ ညာလက်ရုံးတစ်ဦးအဖြစ် ရှုမြင်ခံရတဲ့ ဦးဝင်းထိန်ဆီကိုတော့ ပြည်တွင်း၊ ပြည်ပ သတင်းမီဒီယာတွေက ဒေါ်အောင်ဆန်းစုကြည် ဘာတွေ တွေးနေလဲ ဆိုတာနဲ့ပတ်သက်လို့ ပြီးခဲ့တဲ့ကာလကြာကတည်းက သွားရောက်အမြင်သဘောထားတောင်းခံမှုတွေ ရှိခဲ့ပါတယ်။
၎င်းအဖမ်းမခံရခင်က ဦးဝင်းထိန်ဟာ ပြည်တွင်းက အင်္ဂလိပ်ဘာသာနဲ့ ထုတ်ဝေတဲ့ မီဒီယာတစ်ခုကို ပြောခဲ့ရာမှာတော့ စစ်တပ်အာဏာသိမ်းမှုဟာ “အမြော်အမြင်နည်းကြောင်း” နဲ့ စစ်ခေါင်းဆောင်တွေဟာ “နိုင်ငံကို လမ်းကြောင်းမှားဆီ ဆွဲခေါ်ခဲ့ကြောင်း” ပြောခဲ့ပါတယ်။
“ဒီနိုင်ငံမှာ ရှိတဲ့သူတိုင်း ဒီ အာဏာသိမ်းမှုကို တတ်နိုင်သမျှ ဆန့်ကျင်သင့်ပါတယ်၊ သူတို့က ကျွန်တော်တို့ အစိုးရကို ဖျက်ဆီးပြီး ကျွန်တော်တို့ကို သုညကနေ ပြန်စရစေဖို့ လုပ်နေပါတယ်” လို့ ၎င်းက Frontier Myanmar ကို ပြောခဲ့ပါတယ်။
Source By : မဇ္ဇျိမ သတင်းဌာန
Subscribe to:
Post Comments (Atom)
;)
အႀကီးၾကည့္ရန္ ႏွိပ္ပါ။
0 comments:
Post a Comment
သင္ႀကိဳက္တာေရးပါ။