ဒီရေ သတင်းများ

ဗွီအိုအေ | ဒီကနေ့ ရုရှား နိုင်ငံ အနောက်ဘက်၊ မော်စကိုမြို့တော်ရဲ့ တောင်ဘက် မိုင် ၃၇၀ အကွာမှာရှိတဲ့ Belgorod ဒေသမှာ Antonov-An148 အမျိုးအစား ရုရှားလုပ် အမောင်းသင် လေယာဉ် ပျက်ကျသွားပြီးတော့ လေယာဉ်ဝန်ထမ်း ၄ ဦးနဲ့ အတူ လေယာဉ် အမောင်း သင်နေသူ မြန်မာနိုင်ငံသား ၂ ဦး၊ အား လုံး ၆ ဦး သေဆုံး သွားခဲ့တယ်လို့ မော်စကိုမြို့တော်က ရုရှားနိုင်ငံရဲ့ အရေးပေါ်အခြေအနေများ ကိုင်တွယ် ဖြေရှင်းရေး ၀န်ကြီဌာနက ပြောကြားလိုက် ကြောင်း ရုရှား အစိုးရ Itar-Tass သတင်းမှာ ဖော်ပြထားပါတယ်။

ဒီလေယာဉ်တွေ ထုတ်လုပ်ရာ စက်ရုံကလည်း အခုပျက်ကျသွားတဲ့ Antonov-An148 အမျိုးအစား လေယာဉ်တွေကို မြန်မာနိုင်ငံကို တင်ပို့ဖို့ ရှိတယ်လို့ ဆိုပါတယ်။ ဒါပေမဲ့ မော်စကိုမြို့တော်က မြန်မာ သံရုံးကတော့ ဒီလေယာဉ် ပျက်ကျပြီး မြန်မာနှစ်ဦး သေဆုံးသွားတဲ့ သတင်းကို သူတို့ မရရှိဘူးလို့ Reuters သတင်းဌာနကို ပြောကြားခဲ့ပါတယ်။

နားဆင်ရန်

source by : ဗွီအိုအေ