ကြံ့ဖွံ့ကို ရန်ကုန်လူထု လုံးဝ မဲမပေးဟု စစ်တမ်းက ဖော်ပြ

ခိုင်သွယ်| ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) သည် နိုင်ငံတ၀န်းရှိ မဲဆန္ဒနယ်များတွင် ၀င်ရောက် ယှဉ်ပြိုင်မည့် အင်အား အတောင့်တင်းဆုံး ပါတီအဖြစ် ရပ်တည်နေပြီး တခြားသော နိုင်ငံရေးပါတီများ အနေဖြင့် အင်အားချိနဲ့ နေသည့်အတွက် ပြည်သူလူထုက မဲပေးရန် အခက်အခဲတွေ့နေရကြောင်း သိရှိရသည်။
ကြံ့ဖွံ့ပါတီသည် ရန်ကုန်တိုင်း ဒေသကြီးရှိ လွှတ်တော် သုံးရပ်စလုံး၏ မဲဆန္ဒနယ် အားလုံးတွင် ၀င်ရောက် အရွေးချယ်ခံမည် ဖြစ်သောကြောင့် မဲပေးမည်လား ဆိုသည့်မေးခွန်း၊ စိတ်ကြိုက်ပါတီ ရှိပါသလား ဆိုသည့် မေးခွန်းနှင့် စိတ်ကြိုက်ပါတီ မတွေ့ပါက မဲထည့်မည်လား၊ မထည့်ဘဲ နေမည်လား ဆိုသည့် မေးခွန်းများကို ရန်ကုန်မြို့တွင် နေထိုင်သူ ၁၂၅ ဦးအား မေးမြန်းခဲ့ပါသည်။

ထို ၁၂၅ ဦးတွင် အသက် ၁၈ နှစ်မှ အသက် ၄၀ အတွင်း အမျိုးသား၊ အမျိုးသမီး ၇၆ ဦးပါဝင်ပြီး အသက် ၄၀ နှင့်အထက် အမျိုးသား၊ အမျိုးသမီး ၄၉ ဦးအား မေးမြန်းခဲ့သည်။

ကြံ့ဖွံ့ပါတီကို မဲပေးမည်လားဟူသော မေးခွန်းကို ဖြေဆိုသူ ၁၂၅ အနက် ၁၁၃ ဦးက ကြံ့ဖွံ့ပါတီအား လုံးဝ မဲမပေးပါဟု ဖြေဆိုခဲ့ကြပြီး ၁၂ ဦးက မဲပေးမည်ဟု ဖြေဆိုသည်ကို တွေ့ရသည်။

“ကျမတို့ မြို့နယ်မှာ ကြံ့ဖွံ့ပါတီ ကိုယ်စားလှယ်အနေနဲ့ မြို့တော်ဝန် ဦးအောင်သိန်းလင်းက ၀င်ပြိုင်မှာပါ။ ဒါပေမယ့် ပါတီကို မကြိုက်တဲ့အတွက် သူ့ကိုလည်း မဲမပေးဘူး၊ ပါတီကိုလည်း မဲပေးဖို့ စိတ်ကူးမရှိဘူး။ တခြားရွေးချယ်စရာ မရှိရင်တော့ မဲမပေးဘဲ နေမယ်” ဟု တောင်ဥက္ကလာပမြို့နယ်တွင် နေထိုင်သူတဦးက ပြောပြသည်။

ထို့နောက် စိတ်ကြိုက်ပါတီ ရှိပါသလားဆိုသည့် မေးခွန်းကို မေးမြန်းရာ ၁၂၅ ဦးတွင် ၈၉ ဦးက မတွေ့သေးပါဟု ဖြေဆိုကြပြီး ၃၆ ဦး က လက်ရှိရွေးကောက်ပွဲဝင်မည့် ပါတီများထဲတွင် စိတ်ကြိုက်ပါတီရှိကြောင်း ဖြေဆိုကြသည်ကို တွေ့ရသည်။

“လက်ရှိ အချိန်အထိတော့ စိတ်ကြိုက်ပါတီအနေနဲ့ မတွေ့သေးပါဘူး။ ၉၀ ပြည့်နှစ်တုန်းကတော့ ဒေါ်အောင်ဆန်းစုကြည်တို့ရဲ့ NLD (အမျိုးသား ဒီမိုကရေစီ အဖွဲ့ချုပ်) ကိုပဲ မဲပေးခဲ့တယ်။ အခုတော့ ဘယ်ပါတီကို မဲပေးရမလဲဆိုတာ မဆုံးဖြတ်နိုင်သေးဘူး” ဟု လှိုင်သာယာမြို့နယ်တွင် နေထိုင်သူ အသက် ၅၆ နှစ်အရွယ် အမျိုးသားတဦးက ပြောသည်။

တာမွေမြို့နယ်တွင် နေထိုင်သူတဦးက “စိတ်ကြိုက်ပါတီ ရှိပါတယ်။ NDF (အမျိုးသား ဒီမိုကရေစီ အင်အားစု) ပါတီပါ။ အဲဒီပါတီကို မဲပေးပါမယ်” ဟု ဖြေသည်။

ကမာရွတ်မြို့နယ်တွင် နေထိုင်သူ တဦးကလည်း “ကျနော်က NDF ပါတီကို သဘောကျပါတယ်။ ပါတီကို ကြိုက်တော့ ကိုယ်စားလှယ်လောင်းကို သဘောကျရင် မဲပေးမှာပါ” ဟု ဆိုသည်။

ရွေးကောက်ပွဲကျင်းပရန် ရက်ပေါင်း ၆၀ သာ လိုတော့သည့်အတွက် စိတ်ကြိုက်ပါတီ မတွေ့ပါက မဲထည့်မည်လား၊ မထည့်ပဲနေမည်လား ဆိုသည့်မေးခွန်းကို ၈၉ ဦးအား ဆက်လက်မေးမြန်းခဲ့ရာ ၆၂ ဦးက မဲ မထည့်ဘဲ နေမည်ဟု ဖြေကြား ခဲ့ကြသည်ကို တွေ့ရသည်။

“လူတွေက ကြံ့ဖွံ့ပါတီကို ရှောင်ပြီးထည့်ကြမယ့် သဘောထားရှိတာကို တွေ့ရတယ်။ ခက်တာက အတိုက်အခံ ဒီမိုကရေစီ အင်အားစုတွေဘက်က အားနည်းနေတော့ လူတွေမှာ အခက်တွေ့နေတယ်၊ မဲမပေးဘဲ နေလို့ရတယ်ဆိုတာကို သိတဲ့သူက တကယ့် လူနည်းစုပဲရှိတော့ အတိုက်အခံပါတီတွေ မ၀င်နိုင်တဲ့ မဲဆန္ဒနယ်တွေမှာ ကြံ့ဖွံ့က အားကောင်းနေမှာပဲ” ဟု ပြည်တွင်း သတင်းဂျာနယ် တစောင်မှ အယ်ဒီတာချုပ်တဦးက ပြောသည်။

နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲအတွက် မှတ်ပုံတင်ခွင့် ရရှိထားပြီးဖြစ်သော ပါတီများအနက် ကြံ့ဖွံ့ပါတီနှင့် တိုင်းရင်းသား စည်းလုံးညီညွတ်ရေး ပါတီ (တစည) နှစ်ခုသာလျှင် နိုင်ငံအနှံ့ရှိ မဲဆန္ဒနယ်များတွင် ၀င်ရောက် ယှဉ်ပြိုင်မည့် အင်အားအတောင့်တင်းဆုံး ပါတီများအဖြစ် ရပ်တည်နေသည်ကို တွေ့ရသည်။

ကြံ့ဖွံ့ပါတီသည် ရန်ကုန်တိုင်းဒေသကြီးရှိ လွှတ်တော်သုံးရပ်စလုံး၏ မဲဆန္ဒနယ်အားလုံးတွင် ကိုယ်စားလှယ်ပေါင်း ၁၁၀၀ ကျော်တို့က ၀င်ရောက် အရွေးချယ်ခံမည်ဖြစ်ကြောင်း၊ ရန်ကုန်တိုင်းဒေသကြီးတွင် ပြည်သူ့လွှတ်တော် အမတ်လောင်း ၄၅ ဦး၊ အမျိုးသားလွှတ်တော် အမတ်လောင်း ၁၂ ဦး၊ တိုင်းဒေသကြီးလွှတ်တော် အမတ်လောင်း ၉၀ ဦးနှင့် ရန်ကုန်တိုင်းဒေသကြီး အတွင်းရှိ ကရင်နှင့် ရခိုင်တိုင်းရင်းသားလူမျိုး မဲဆန္ဒများမှ အမတ်လောင်း ၁ ဦးစီ ပါဝင် ရွေးချယ်ခံမည်ဖြစ်ပြီး နိုင်ငံအနှံ့ရှိ မဲဆန္ဒနယ်အားလုံးတွင်လည်း ပါတီကိုယ်စားလှယ်လောင်းများ ရွေးချယ်ခံမည် ဖြစ်ကြောင်း ကြံ့ဖွံ့ပါတီမှ ပြောရေးဆိုခွင့်ရှိသူ ဦးသာဝင်းက ပြောသည်။

ဦးသာဝင်းက “ပြည်ခိုင်ဖြိုးပါတီ နိုင်မယ်လို့ ယုံကြည်ချက်ရှိပါတယ်။ ပြည်သူတွေကလည်း မှန်မှန်ကန်ကန် ဆုံးဖြတ်ပေးပါလိမ့်မယ်” ဟု ဆိုသည်။

တစည ပါတီက ပြည်သူ့လွှတ်တော် ကိုယ်စားလှယ်လောင်း ၂၉၄ ဦး၊ အမျိုးသားလွှတ်တော်အတွက် ၁၄၉ ဦးနှင့် ပြည်နယ်နှင့် တိုင်းဒေသကြီး လွှတ်တော် ကိုယ်စားလှယ်လောင်း ၅၃၇ ဦး ယှဉ်ပြိုင်ရန် စာရင်းတင်သွင်းထားကြောင်း တစညပါတီ၏ နိုင်ငံရေးဌာနကြီးမှူး ဦးအောင်ငွေက ပြောသည်။

တစည ပါတီသည် မဲဆန္ဒနယ် ၁၀၀၀ ကျော်တွင် ၀င်ရောက် ယှဉ်ပြိုင်ရန် ရည်မှန်းထားခဲ့ပြီး လက်တွေ့တွင် ၉၅ ရာခိုင်နှုန်းကျော် ဝင်ရောက် ယှဉ်ပြိုင်နိုင်ခဲ့ခြင်းဖြစ်ကြောင်း၊ ပါတီ၏ ကိုယ်စားလှယ်လောင်းများတွင် တချို့က မှတ်ပုံတင်ကြေးကို ကိုယ်ပိုင် အိတ်စိုက်ငွေကြေးဖြင့် ပေးသွင်းကြသကဲ့သို့ တချို့အတွက်မူ ပါတီက ငွေကြေးအတိုင်းအတာ တခုအထိ ထောက်ပံ့ ထည့်ဝင်ပေးခဲ့ကြောင်း သိရှိရသည်။

အမျိုးသား ဒီမိုကရေစီအဖွဲ့ချုပ်မှ အမှုဆောင်ဟောင်းများဖြင့် ပါဝင်ဖွဲ့စည်းထားသည့် NDF ပါတီသည် ပြည်သူ့လွှတ်တော် အတွက် ၁၀၈ ဦး၊ အမျိုးသားလွှတ်တော်အတွက် ၃၄ ဦးနှင့် ပြည်နယ်နှင့် တိုင်းဒေသကြီးလွှတ်တော်အတွက် ၁၉ ဦး စာရင်းတင်သွင်းထားကြောင်း ပါတီခေါင်းဆောင် ဦးခင်မောင်ဆွေထံမှ သိရသည်။

ပြည်သူ့လွှတ်တော်နှင့် အမျိုးသားလွှတ်တော်တို့တွင် အများဆုံး ၀င်ရောက်ယှဉ်ပြိုင်မည်ဖြစ်ကြောင်း၊ ကိုယ်စားလှယ်လောင်း မှတ်ပုံတင်ကြေး အခက်အခဲကြောင့် မျှော်မှန်းသလောက် မဖြစ်သည့်အတွက် အားမရကြောင်း ပါတီ ခေါင်းဆောင် ဒေါက်တာ သန်းငြိမ်း က ပြောသည်။

ဒီမိုကရက်တစ်ပါတီ (မြန်မာ) အထွေထွေ အတွင်းရေးမှူးချုပ် ဒေါ်သန်းသန်းနုက ၎င်းတို့ပါတီသည် ကိုယ်စားလှယ်လောင်း ၆၀ ကျော် ၀င်ရောက်အရွေးချယ်ခံရန် မျှော်လင့်ထားကြောင်း ပြောကြားခဲ့သည်။

၈၈ မျိုးဆက် ကျောင်းသားလူငယ်များ (ပြည်ထောင်စုမြန်မာနိုင်ငံ) ပါတီက အမတ်နေရာ ၈၀ နှင့် ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ်ပါတီ တို့ကလည်း အမတ်နေရာ ၉၀ ခန့်တွင် ၀င်ရောက်ယှဉ်ပြိုင်နိုင်မည်ဟု မျှော်လင့်ကြောင်း ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီ ဥက္ကဋ္ဌ ဦးရဲထွန်းက ပြောသည်။

နိုင်ငံရေးပါတီများမှာ ရန်ပုံငွေချို့တဲ့မှုကြောင့် ကိုယ်စားလှယ်လောင်း မှတ်ပုံတင်ကြေး ကျပ်ငါးသိန်းကို မိမိတို့ဘာသာ ပေးနိုင်သည့် ကိုယ်စားလှယ်လောင်းများသာလျှင် မှတ်ပုံတင်နိုင်ကြသည့်အတွက် တနိုင်ငံလုံးအတိုင်းအတာဖြင့် ၀င်ရောက်နိုင်ခြင်း မရှိကြောင်း တွေ့ရသည်။

“ကြံ့ခိုင်ရေးကတော့ နိုင်ငံတော် အသုံးစရိတ်နဲ့ သွားနေတဲ့အတွက် ကိုယ်စားလှယ် မှတ်ပုံတင်ကြေးအတွက် သူတို့မှာ ပြဿနာ မရှိဘူးပေါ့။ ကျန်တဲ့ပါတီတွေကတော့ တော်တော်အခက်အခဲဖြစ်ပါတယ်။ အခုလို စည်းရုံးရေးဆင်းရမယ့် ကာလမှာတောင် ကျနော်တို့မှာ ငွေကြေးအခက်အခဲကြောင့် ကျယ်ကျယ်ပြန့်ပြန့် မလုပ်နိုင်ဘူး ဖြစ်နေတယ်” ဟု နိုင်ငံရေးပါတီတခုမှ ရန်ကုန်တိုင်း တာဝန်ခံတဦးက ပြောသည်။

နိုင်ငံရေးပါတီတချို့က မဟာမိတ်ဖွဲ့၍ ကြံ့ဖွံ့ပါတီအား အဓိကထား ယှဉ်ပြိုင်သွားမည်ဟု စီစဉ်ဆောင်ရွက်လျက် ရှိသော်လည်း စည်းရုံးရေးဆင်းရန်အတွက် ငွေကြေးအခက်အခဲရှိနေဆဲဖြစ်ကြောင်း သိရှိ်ရသည်။

(ဤစစ်တမ်း ဖြစ်မြောက်ရေးအတွက် ၀င့်နဒီ၊ ကျော်ကျော်၊ ကိုကိုလတ်၊ မောင်ဗေဒါ တို့က ကူညီပံ့ပိုးသည်။)

source by :ဧရာဝတီ