ဒီရေ သတင်းများ

ဦးသန်းရွှေနဲ့ ဦးမောင်အေး တို့ ရွေးကောက်ပွဲဝင်မယ် မ၀င်ဘူးဆိုတာတော့ မသိရသေးပါဘူး။ ဗိုလ်ချုပ်မှူးကြီးသန်းရွှေဟာ အသက် ၇၈ နှစ် ရှိပြီဖြစ်ပြီး အခု နုတ်ထွက်ကြရတဲ့ အရာရှိကြီး အားလုံးဟာ ၆၀ ကျော်အရွယ်နဲ့ အများအားဖြင့် စစ်တက္ကသိုလ် ဗိုလ်သင်တန်း အမှတ်စဉ် (၁၇) မှာ တက်ရောက်ခဲ့ကြသူတွေ ဖြစ်ကြပါတယ်။ ဒီရာထူးနေရာ အတော်များများကို ဗိုလ်သင်တန်း အမှတ်စဉ် (၁၈)၊ (၁၉) က အရာရှိတွေနဲ့ အစားထိုးတယ်လို့လည်း သိရပါတယ်။

ဗိုလ်ချုပ်မှူးကြီး သန်းရွှေနေရာမှာ တပ်မတော် ကာကွယ်ရေး ဦးစီးချုပ်အဖြစ် ယခင် စစ်ရေးချုပ် သူရမြင့်အောင်၊ ဒုတိယ ဗိုလ်ချုပ်မှူးကြီး မောင်အေး နေရာမှာ တပ်မတော် ဒုတိယ ကာကွယ်ရေး ဦးစီးချုပ်အဖြစ် ဒုတိယ ဗိုလ်ချုပ်ကြီး ကိုကို တို့ကို အစားထိုးခန့်အပ်ပြီး ဗိုလ်ချုပ်ကြီး သူရရွှေမန်းရဲ့ ပူးတွဲ ညှိနှိုင်းကွပ်ကဲရေးမှူး ကြည်ရေလေ အဖြစ် ယခင် စစ်ဆင်ရေး အထူးအဖွဲ့ (၂) ဒုတိယ ဗိုလ်ချုပ်ကြီး မင်းအောင်လှိုင်ကို အစားထိုး ခန့်အပ်လိုက်တယ်လို့ သိရပါတယ်။

တပ်မတော် လုံခြုံရေး အကြီးအကဲ ဒုတိယ ဗိုလ်ချုပ်ကြီး ရဲမြင့်နေရာကို အနောက်တောင်တိုင်း တိုင်းမှူး ဗိုလ်ချုပ် ကျော်ဆွေနဲ့ အစားထိုး ခန့်အပ်လိုက်တယ်လို့ သိရပါတယ်။ ရေတပ်နဲ့ လေတပ်ရာထူးတွေမှာတော့ အပြောင်းအလဲရှိတယ်လို့ မကြားရပါဘူး။

လာမယ့် တနင်္ဂလာနေ့ နိုဝင်ဘာလ (၃၀) ရက်နေ့ဟာ ရွေးကောက်ပွဲမှာ ပါဝင်ယှဉ်ပြိုင်ကြမယ့် ကိုယ်စားလှယ်လောင်း အမည်စာရင်း တင်သွင်းရမယ့် နောက်ဆုံး နေ့ဖြစ်ပါတယ်။ အဲဒီနေ့အမှီ စာရင်းတင်နိုင်ဖို့အတွက် အခုလို ရာထူးက နုတ်ထွက်ကြတာ ဖြစ်လိမ့်မယ်လို့ သုံးသပ်သူတွေက ဆိုကြပါတယ်။ ဒီလို အချိန်မှီ စာရင်းတင်သွင်းနိုင်ဖို့ သက်ဆိုင်ရာ ရုံးတွေ၊ ဘဏ်တွေကို အခု စနေနဲ့ တနင်္ဂနွေနေ့တွေမှာပါ ဖွင့်ထားပေးမယ်လို့ ရွေးကောက်ပွဲကော်မရှင်က ကြေညာ ထားပါတယ်။ ဒီလို စစ်ဗိုလ် ဘ၀က အရပ်ဝတ်လဲပြီး ရွေးကောက်ပွဲ ၀င်မယ့် သူတွေဟာ အခု ရွေးကောက်ပွဲအပြီး အာဏာပိုင်အဖွဲ့အစည်းတွေမှာ စစ်တပ်က ရယူမယ့် ၂၅ % မှာ အကျုံးမ၀င်တဲ့ စစ်အရာရှိ တဖြစ်လဲတွေလည်း ဖြစ်ကြပါတယ်။

နားဆင်ရန်

source by : ဗီအိုအေ