မြ၀တီတွင် ဗုံးကွဲ ၂ ဦး သေဆုံးနှင့် နယ်စပ်မှသတင်းများ

ဘစောတင် | ကရင်ပြည်နယ် မြ၀တီမြို့  အမှတ် (၄) ရပ်ကွက် ဘုရင့်နောင် လမ်းမကြီးပေါ်၌ ယမန်နေ့ ညဦးပိုင်း ၈ နာရီ ကျော်တွင် ဗုံးပေါက်ကွဲမှု တခု ဖြစ်ပွားရာ လူ ၂ ဦး ပွဲချင်းပြီး သေဆုံး၍ ၄ ဦး အတွင်းလူနာ အဖြစ် ဆေးကုသမှု ခံယူနေရကြောင်း သတင်း ရရှိသည်။

အမည်မသိ လူငယ် ၂ ဦး စီးလာသော ဆိုင်ကယ် တစီးတွင် ပါလာသည့် ဗုံးတလုံး မြ၀တီမြို့ ဘုရင်နောင် လမ်းမပေါ်ရှိ လူစည်ကားသော ညဈေးတန်း၏ ဆိုင်ကယ် ရပ်နားရာနေရာ အနီးတွင် ပြင်းထန်စွာ ပေါက်ကွဲခဲ့ခြင်း ဖြစ်သည်။

နအဖ စစ်တပ် တပ်မ ၄၄ မြ၀တီမြို့တွင် လက်နက်ကြီးများဖြင့် အင်အား ဖြည့်တင်းနေစဉ် (ဓာတ်ပုံ - ဧရာဝတီ)

ယင်း ပေါက်ကွဲမှုကြောင့် ဆိုင်ကယ်ပေါ် ပါလာသည့် လူငယ် ၂ ဦး၏ ခန္ဓာကိုယ်မှာ တစစီ လွင့်စင် သွားခဲ့ကြောင်း မြ၀တီမြို့ မှ ဆိုင်ကယ် တက္ကစီသမား တဦးက ဧရာဝတီ သို့ ပြောသည်။

“ပေါက်ကွဲမှုဖြစ်ပြီး ဆိုင်ကယ်ပါ မီးလောင် သွားတယ်ဗျ။ ဆိုင်ကယ် စီးလာတဲ့လူ ၂ ယောက်လုံး အပိုင်းပိုင်း အပြတ်ပြတ်ပဲ။ မြင်မကောင်းဘူး။ ခါးကနေ ပိုင်းသွားတာ။ ခြေထောက် တွေလည်း ပြတ်ပြီး လမ်းတဖက်ခြမ်း အထိ ရောက်တယ်” ဟု ၎င်းက ဆိုသည်။

ဗုံးပေါက်ပွဲမှု ဖြစ်ပွားသည့် ဆိုင်ကယ် အမျိုးအစားမှာ ဟွန်ဒါ Dream 125 အနက်ရောင် ဖြစ်ပြီး ဆိုင်ကယ် စီးလာသူများမှာ ပြောက်ကျား ဘောင်းဘီကို ၀တ်ဆင် ထားကြောင်း ယင်းတို့ ၏ မျက်နှာ ပုံပန်း သဏ္ဍာန်အရ အိန္ဒိယ ကုလား လူမျိုးများ ဖြစ်ကြောင်း ဆိုင်ကယ် တက္ကစီသမားက ပြောသည်။

ပေါက်ကွဲမှု ဖြစ်ပွားပြီးနောက် ဈေးသည်များ၊ ဈေးလာသူများ ရုန်းရင်း ဆန်ခတ် ထွက်ပြေး ကြကြောင်း၊ မကြာမီ အာဏာပိုင်များ ရောက်ရှိလာကာ အခင်းဖြစ်ပွားရာနှင့် အနီးတ၀ိုက်ကို ပိတ်ဆို့ထား လိုက်ကြောင်းလည်း သိရသည်။

မြ၀တီ ရဲစခန်းမှ ရဲတဦးကလည်း “မိုးရွာနေလို့သာ တော်တော့ တယ်ဗျာ။ မိုးမရွာလို့ကတော့ လူပေါင်းများစွာ သေနိုင်တဲ့ ပေါက်ကွဲမှုမျိုးဗျ။ ဒီပေါက်ကွဲမှုနဲ့ ပတ်သက်လို့ ကျနော်တို့ သုံးသပ်ကြ တာကတော့ ဒီလူ ၂ ယောက်ဟာ ဆိုင်ကယ်ဗုံး ထောင်မလို့ လာရင်း လိုရာခရီး မရောက်ခင် ပေါက်သွားတာ ဖြစ်မယ်”ဟု ဆိုသည်။

ပေါက်ကွဲမှု ဖြစ်ပွားသည့် ဆိုင်ကယ် အနီးတွင် ဒသမ ၃၈ ဗို့ ခြောက်လုံးပြူး တလက် ပျက်စီးလျက် တွေ့ ရှိရကြောင်း၊ ဟွန်ဒါ Dream 110 အမျိုးအစား တစီးမှာလည်း လဲကျလျက် အနည်းငယ် ပျက်စီးသွားကြောင်း၊ အဆိုပါ ညဈေး၏ အိမ်သာ အနီးတွင်လည်း မပေါက်ကွဲ သေးသည့် လက်ပစ်ဗုံး တလုံးကို တွေ့ ရှိခဲ့ကြောင်း သိရသည်။

အဆိုပါ ပေါက်ကွဲမှုကြောင့် လူ ၂၀ ခန့် ဒဏ်ရာရရှိခဲ့သည်ဟု ကောလာဟလများ ပေါ်ထွက်ခဲ့ သော်လည်း လူ ၄ ဦးကိုသာ ဆေးရုံတွင် လက်ခံကုသ ထားကြောင်း မြ၀တီဆေးရုံနှင့် နီးစပ်သူ တဦးက ပြောသည်။

“မနေ့က ပေါက်ကွဲမှုကြောင့် လူနာ ၄ ဦး ရောက်လာတယ်။ ကလေးမလေး တယောက်ပါတယ်။ ကျန်တာ တွေကတော့ လူကြီးတွေ”ဟု ၎င်းက ဆိုသည်။

ယင်းလူနာများမှာ မြ၀တီမြို့အမှတ် (၈) ရပ်ကွက်မှ ကျော်ကျော် အသက် (၂၀) အရွယ်၊ အမှတ် (၄) ရပ်ကွက်မှ မပွင့်ဖူးအောင် အသက် (၁၀) နှစ်၊ မရီရီဝင်း အသက် (၃၅) နှစ်နှင့် အခြား အမျိုးသမီးတဦး မြ၀တီ ဆေးရုံတွင် ဆေးကုသ ခံနေရသည် ဟုလည်း ၎င်းက ပြောဆိုသည်။

ယခု ဗုံးပေါက်ကွဲမှုသည် မည်သူ့လက်ချက် ဖြစ်သည်ကို မသိရှိရသေးဘဲ ဆက်လက် စုံစမ်းနေဆဲ ဖြစ်ကြောင်း သိရသည်။

ယခုဗုံးပေါက်သည့် မြ၀တီမြို့သည် စစ်အစိုးရ အာဏာပိုင်များ၊ တပ်ဖွဲ့ဝင်များ၊ စစ်အစိုးရနှင့် ငြိမ်းချမ်းရေး ယူထားသည့် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်များ သွားလာ လှုပ်ရှားနေသည့် ထိုင်း-မြန်မာ နယ်စပ် မြို့ဖြစ်ပြီး ကရင်ပြည်နယ် အတွင်း ကရင်အမျိုးသား အစည်းအရုံး (KNU)တပ်ဖွဲ့ဝင်များ၏ လှုပ်ရှားမှုများလည်း ရှိနေသည်။

ယခုရက်ပိုင်းအတွင်း DKBA တပ်ဖွဲ့ ဝင်များကို နယ်ခြားစောင့်တပ် ဖွဲ့ စည်းရန် နအဖက ဖိအားပေးရာ လက်ခံသည့် တပ်များရှိသကဲ့သို့ လက်မခံသော တပ်များလည်း ရှိသည်။

ပြီးခဲ့သည့် ကြာသပတေးနေ့ ကလည်း နယ်ခြားစောင့်တပ် ဖွဲ့စည်းရေး အစီအစဉ်ကို ဦးစီး လုပ်ဆောင်နေသည့် စစ်ထောက်လှမ်းရေးမှူးချုပ် ဒုတိယ ဗိုလ်ချုပ်ကြီး ရဲမြင့်၊ ကာကွယ်ရေး ၀န်ကြီးဌာနမှ စစ်ဆင်ရေး အထူးအဖွဲ့မှူး (ကစထမှူး) ဒုတိယဗိုလ်ချုပ်ကြီး ခင်ဇော်၊ အရှေ့တောင်တိုင်း တိုင်းမှူး ဗိုလ်ချုပ် သက်နိုင်ဝင်းတို့ ပါလာသည်ဟု ယူဆရသော စစ်ယာဉ်တန်းကို KNU တပ်များက ခြုံခို တိုက်ခိုက်ရာ ၇ ဦး ကျဆုံးကြောင်း သတင်းရရှိသည်။

စစ်ဗိုလ်ချုပ်ကြီးများ အထိအခိုက်မရှိ လွတ်မြောက် သွားကြောင်းလည်း သိရသည်။

ယင်းနောက်ပိုင်းတွင် မြ၀တီမြို့တွင် နအဖ စစ်အင်အားများ တိုးချဲ့ချထားပြီး လုံခြုံရေး တင်းကျပ် ထားကြောင်း ဒေသခံ များက ဆိုသည်။

နယ်စပ်ဒေသရှိ လေ့လာသူများ အဆိုအရ ဆက်လက် ပိတ်ထားဆဲ ဖြစ်သော ထိုင်း-မြန်မာ ချစ်ကြည်ရေး တံတား ပြန်လည် ဖွင့်လှစ်နိုင်ရေးမှာ မလွယ်ကူ သေးကြောင်း သိရသည်။

source by :ဧရာဝတီ