သတင်း စိုင်းအောင် သျှမ်းသံတော်ဆင့် | သျှမ်းပြည်(မြောက်ပိုင်း) မူဆယ်ခရိုင်တွင် လွန်ခဲ့သည့် လပိုင်းကစ၍ ရပ်ကွက်နှင့် ကျေးရွာများရှိ အိမ်ထောင်စုဝင် များ၏ အမည်စာရင်းများ အိမ်ရှေ့ထုတ်ကပ်ထားရန် အာဏာပိုင် များက ညွန်ကြားထားကြောင်း သိရသည်။
မူဆယ်ခရိုင်အတွင်းရှိ နမ့်ခမ်း ကြူကုတ်-ပန်ဆိုင်း မြို့နယ်များနှင့် ကျေးရွာများတွင် အာဏာပိုင်များက ဧည့်စာရင်းစစ်ဆေးလျင် လွယ်ကူစေ ရန်နှင့်လူစိမ်းအ၀င်အထွက်များကို စီစစ်ကြတ်မတ်နိုင်ရန်အတွက် ယခုကဲ့သို့ အိမ်ထောင်စုစာရင်းများ အိမ်ပြင်ထုတ်ကပ်ခိုင်းခြင်းဖြစ်ကြောင်း မူဆယ် ဒေသခံ တစ်ဦးက သျှမ်းသံတော်ဆင့် ကို ပြောပြသည်။
“မယကက ကပ်ခိုင်းထားတာ အကုန်လုံးပဲ မူဆယ် နမ့်ခမ်း ပန်ဆိုင်း အိမ်တိုင်းကပ်ထားတယ် အကြောင်း ပြချက် ကတော့ ဧည့်စာရင်းစစ်ဖို့ အတွက်လို့ပြောတယ် နေပြည်တော်က အမိန့်ထုတ်ထား တယ်ထင်တယ်”လို့ သူက ပြောသည်။
နမ့်ခမ်းဒေသခံတစ်ဦးကလည်း အခုလိုပြောပြသည် “ဟုတ်တယ်ဗျ ကြာပြီတစ်လလောက်ရှိပြီ အိမ်ထောင်စု စာရင်းတွေ စာကြည့်တိုက်မှာ မိတ္တူ ၃စုံကူးခိုင်းပြီး ဥက္ကဌကတစ်ရွက် လ၀က ကတစ်ရွက် လာစစ်တဲ့ ဘယ်အဖွဲ့ လည်း မသိဘူး တစ်ရွက်ယူတယ် ကျနှော်တို့ကိုတစ်ရွက် ပြန်ပေးလာ တယ် အဲဒါနဲ့အိမ်မှာ ကပ်ထား လိုက်တယ်” လို့သူကပြောသည်။
“သူတို့ပြောတာကတော့ အိမ်တစ်အိမ်ကိုဘယ်နှစ်ယောက်ရှိတယ်ပေါ့ တခြားဘယ်သွားတယ်ဆိုတာ သိအောင်လို့ပေါ့” လို့သူက ပြောသည်။
ဒေသခံများအနေဖြင့် အာဏာပိုင်များ ခဏခဏ အကြပ်အတည်းတွေပဲ လုပ်ခိုင်းနေသဖြင့် ဦးနှောက် ခြောက်ကြောင်း လူစိမ်းတွေ ၀င်လာလျင် သိအောင်လုပ်ချင်၍ ယခုလိုလုပ်ခိုင်းခြင်းဖြစ်ကြောင်း ပြောပြကြသည်။
သျှမ်းပြည်(မြောက်ပိုင်း) မူဆယ်ခရိုင်အတွင်း အာဏာပိုင်များက အိမ်ထောင်စုဝင်များစာရင်းကို ပေါ်ပေါ်ထင်ထင် အိမ်ေ၇ှ့ ကပ်ခိုင်း နေသည့် အပြင် နယ်စပ်တစ်လျောက်လမ်းသွားလမ်းလာ လူစိမ်းများကိုလည်း ရှောင်တခင် ရှာဖွေစစ်ဆေးမှု့များလည်း ပြုလုပ် နေကြောင်း သိရသည်။
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။