ရပ်ကွက်အာဏာပိုင်များ ငွေကောက်ခံခြင်းအပေါ် မကျေနပ်သည့် ရပ်ကွက်နေပြည်သူတဦးက “ဒီကိစ္စက နိုင်ငံတော်ကလုပ်ရမှာဖြစ်တယ်။ ကျနော်တို့က ကျနော်တို့သုံးတဲ့ ဓာတ်အားခကို တလတခါ အပြည့် ပေးဆောင်ပြီးသားဖြစ်တဲ့အတွက် မထည့်နိုင်ပါဘူး” ဟု ငွေလိုက်လံကောက်ခံသော ရက်ကွက် အာဏာပိုင် များအား ပြောကြားခဲ့သည်။
ထိုသို့ပြောကြားခဲ့သူအား ရပ်ကွက်အေးချမ်းသာယာရေးနှင့်ဖွံ့ဖြိုးရေးကောင်စီရုံးသို့ ခေါ်ပြီး အာဏာပိုင်များက ၎င်းတို့ဆောင်ရွက်နေသော လုပ်ငန်းများကို ပြန်လည်ရှင်းပြခဲ့သည်ဟု အဆိုပါ ပုဂ္ဂိုလ်က ခေတ်ပြိုင်သို့ ပြောကြားသည်။
“ကျနော့်ကို ရပ်ကွက်ရုံးကို ခေါ်တယ်ဆိုပြီး ရပ်ကွက်က စွမ်းအားရှင်ခေါင်းဆောင် ဦးလှမြင့်က လာခေါ်လို့ ကျနော် ရုံးကို လိုက်သွားပါတယ်။ ဟိုကိုရောက်တော့ မနက်ကငွေတွေကို လိုက်ကောက်ခံတဲ့ ရာအိမ်မှူး ဦးအောင်မြင့် ခေါင်းဆောင်တဲ့အဖွဲ့ကိုလည်း ခေါ်ထားတာ တွေ့ ရတယ်။ ရုံးကိုရောက်တော့ ကျနော့်ကို အတွင်းရေးမှူး ဦးလွင်မောင်က ပြေပြေလည်လည်ပြန်ရှင်းပြပါတယ်။ ဒါ့အပြင် ကောက်ခံလို့ ရတဲ့ငွေတွေကိုလည်း စစ်ကြည့်ခိုင်းပါတယ်။ ကျနော်က စစ်စရာမလိုပါဘူး။ ကျနော်စာရင်းစစ်ချင်လို့ ပြောနေတာမဟုတ်ဘူး။ ဒီကိစ္စက နိုင်ငံတော်က လုပ်ရမယ့်ကိစ္စပါ။ ကျနော်တို့နဲ့ မဆိုင်လို့ကို မထည့်နိုင်ဘူးလို့ ပြောတာလို့ ပြန်ပြောခဲ့ပါတယ်” ဟု အဆိုပါ ပြည်သူက ခေတ်ပြိုင်သို့ ပြောကြားသည်။
ယခုကဲ့သို့ ခေါ်ယူဆွေးနွေးရာတွင် ရပ်ကွက်အာဏာပိုင်များက အဆိုပါဓာတ်တိုင်များ ပြောင်းစိုက်ပြီးပါက ငွေထည့်ဝင်သည့်အိမ်များ မီးအားအပြည့်လာမည်ဖြစ်ပြီး မထည့်ဝင်သူများမှာမူ မီးအားမပြည့်ဘဲ ရမှာ ဖြစ်ကြောင်းကိုလည်း အတွင်းရေးမှူးဖြစ်သူက ရှင်းလင်းပြောကြားသည်ဟု ပြန်လည်ပြောကြားသည်။
အဆိုပါကိစ္စဖြစ်ပွားပြီး မိနစ်အနည်းငယ်အကြာတွင် ငွေထည့်ဝင်ခြင်းမရှိဟု ပြောဆိုသည့် လူငယ်နေထိုင်ရာ အိမ်အပါအ၀င် အခြားအိမ်များကို မီးဖြတ်တောက်ခဲ့သည်။
ယခုကိစ္စ မကျေနပ်သော ရက်ကွက်တွင်း နေထိုင်သူတဦးက ဖြစ်စဉ်အား မှတ်တမ်းတင်ဓာတ်ပုံထွက်ရိုက်ခဲ့ပြီး မကြာမီ ဖြတ်တောက် ခဲ့သောအိမ်များအား မီးပြန်ပေးသည့်အတွက် အဆိုပါလုပ်ရပ်အား ရပ်ကွက်နေပြည်သူများ မခံမရပ်နိုင်ဖြစ်နေကြကြောင်း သတင်းရရှိသည်။
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။