သတင်း RFA | မလေးရှားနိုင်ငံ ဂျိုဟောဘာရူးမြို့၊ ပါစေကူးရား အရပ်မှာ ရှိတဲ့ Innovalue Precision လျှပ်စစ်ပစ္စည်းစက်ရုံကနေ မြန်မာအလုပ်သမား ၉၀ ကျော်ကို မကြာမီရက်ပိုင်း အတွင်း မြန်မာနိုင်ငံကို ပြန်လည် ပို့ဆောင်တော့မယ်လို့ RFAက သိရှိရပါတယ်။
 မလေးရှားနိုင်ငံ ကွာလာလမ်ပူမြို့ရှိ ဆောက်လုပ်ရေး လုပ်ငန်းခွင် တခုတွင် အလုပ်လုပ်နေသော နိုင်ငံခြားသား အလုပ်သမားများ ဖြစ်ပါသည်။ (Photo: AFP) |
ကမ္ဘာ့ စီးပွားရေး အကျပ်အတည်းကြောင့် စက်ရုံပိတ်ရမဲ့ အခြေအနေမှာ အလုပ်သမားတွေကို တရားဝင် လျော်ကြေးပေး အလုပ်ရပ်ဆိုင်းတာမျိုး မဟုတ်ပဲ ဆူပူကြိမ်းမောင်းပြီး၊ အလုပ်ထွက်အောင် ပြုလုပ်တဲ့ အတွက် ဆိုကာ ပြီးခဲ့တဲ့ ဒီဇင်ဘာလ ၁၃ ရက်နေ့က ကိုအောင်အောင် အပါအဝင် မြန်မာအလုပ်သမား ခေါင်းဆောင် ၃ ဦးက အကြမ်းဖက်စော်ကားမှု၊ လက်တဖက်ပြတ်သွားတဲ့ မြန်မာအလုပ်သမားကို လျော်ကြေးမပေးမှု စတာတွေနဲ့ မလေးရှား ရဲဌာနကို အမှုဖွင့် တိုင်တန်းခဲ့ပါတယ်။
ဒါ့အပြင် သက်ဆိုင်ရာ အလုပ်သမားဝန်ကြီးဌာန တာဝန်ရှိသူတွေကိုပါ တင်ပြနိုင်ခဲ့တဲ့အတွက် တရားဝင် ပြန်လည် ပို့ဆောင်တဲ့အထိ ဖြစ်လာခဲ့ ပါတယ်။ ဒါပေမဲ့လည်း ကိုအောင်အောင်အပါအဝင် ၃ ဦးကိုတော့ ပြီးခဲ့တဲ့ ၁၉ ရက်နေ့က နီပေါ အလုပ်သမား ခေါင်းဆောင်တွေနဲ့အတူ မူရင်းတိုင်းပြည်တွေကို အတင်းအကျပ် ပြန်ပို့ ခဲ့တယ်လို့ ကိုထွန်းထွန်းက ပြောပြခဲ့ပါတယ်။
အခု အခင်းဖြစ်ပွားခဲ့တဲ့ Innovalue Precision စက်ရုံမှာ အလုပ်လုပ်ကိုင်နေသူ အလုပ်သမား ၄၀၀ လောက် ရှိပြီး မြန်မာနိုင်ငံသားနဲ့ နီပေါ နိုင်ငံသားတွေ ဖြစ်တယ်လို့ သိရပါတယ်။
ဒါ့အပြင် ဆိုနီ၊ တိုရှီဘာ၊ မီဆူဘီရှီ ကုမ္ပဏီတွေအတွက် ပစ္စည်းအစိတ်အပိုင်းတွေ ထုတ်လုပ်ပေးနေတဲ့ စက်ရုံခွဲ တွေဟာ အခုအခါ ပိတ်ရတော့မှာ ဖြစ်ပြီး နောက်ထပ် မြန်မာအလုပ်သမား အများအပြား အခုလို အဖြစ်မျိုးနဲ့ ကြုံရနိုင်တယ်လို့ ကိုထွန်းထွန်းက ပြောဆိုခဲ့ပါတယ်။
ဒီ Innovalue စက်ရုံက မြန်မာအလုပ်သမားတွေ ပြန်ပို့မယ့်ကိစ္စနဲ့ ပတ်သက်ပြီး၊ အလုပ်သမားကိစ္စတွေ လိုက်လံဆောင်ရွက်ပေးနေတဲ့ ကိုထွန်းထွန်းကို RFA မှ ကိုဇော်မိုးကျော်က ဆက်သွယ် မေးမြန်းခဲ့ပါတယ်။
Subscribe to:
Post Comments (Atom)
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။