သတင်း ဆော်လမွန် မဇ္ဈိမ | နယူးဒေလီ (မဇ္ဈိမ)။ ။ ယူရို သန်း ၄ဝ ဒဿမ ၅ နီးပါးရှိသည့် လူသားချင်း စာနာ ထောက်ထားသည့် အကူအညီအဖြစ် မေလအတွင်းက မြန်မာနိုင်ငံ အနောက်တောင်ပိုင်းရှိ နာဂစ်မုန်တိုင်းထိ ဒုက္ခသည်များကို အထူးသဖြင့် ရည်ရွယ်ကာ ကူညီသွားမည်ဟု ဥရောပ ကော်မရှင်က ယမန်နေ့က ပြောဆို လိုက်သည်။
ဆိုင်ကလုန်မုန်တိုင်း ဘေးသင့်သူများအတွက် ယူရို သန်းပေါင်း ၂၂ သန်းနှင့် ထိုင်းနိုင်ငံရှိ မြန်မာဒုက္ခသည်များနှင့် ပြည်တွင်းရှိ အကူအညီ လိုအပ်သူများအတွက် ယူရို ၁၈ သန်းခွဲကို ပေးအပ်ကူညီမည်ဟု ဘရပ်ဆဲလ်ရှိ ဥရောပ ကော်မရှင်က ပြောသည်။
ဥရောပသမဂ္ဂ ဖွံ့ဖြိုးတိုးတက်ရေး ကော်မရှင်နာ လူးရစ် မစ်ချယ်က "မုန်တိုင်းထိခံရတဲ့ ဧရာဝတီတိုင်းအတွင်းမှာ လူသားချင်းစာနာတဲ့ အကူအညီလုပ်ငန်းတွေမှာ အာဏာပိုင်တွေနဲ့ ကောင်းမွန်တဲ့ ပူးပေါင်းဆောင်ရွက်မှုက တိုးတက်မှု ရနေပါတယ်" ဟု ပြောသည်။
ကူညီမှုအသစ်သည် အစိုးရမဟုတ်သော အဖွဲ့များ၊ ကုလသမဂ္ဂ အေဂျင်စီများနှင့် ကမ္ဘာ့ကြက်ခြေနီအဖွဲ့မှတဆင့် ပေးအပ်သွားမည် ဖြစ်ကာ၊ အနည်းဆုံး လူဦးရေ ၂ သန်းအတွက် အထောက်အကူ ဖြစ်စေရန် တွက်ချက် ထားသည်။
"ကော်မရှင်က အလားတူပဲ နိုင်ငံထဲက တခြားနေရာတွေမှာလည်း ပူးပေါင်းဆောင်ရွက်မှုနဲ့ အထောက်အကူ ပြုမှုတွေကို ဆက်လုပ်သွားမှာပါ" ဟု မစ်ချယ်က ပြောသည်။
မြန်မာပြည်အနောက်ပိုင်းရှိ ရာပေါင်းများစွာ၊ ထောင်ပေါင်းများစွာ ရှိနေသည့် မူဆလင် ရိုဟင်ဂျာများ အတွက်လည်း ရန်ပုံငွေ ရှာဖွေသွားရန် ရည်ရွယ်ချက်ရှိပြီး၊ သူတို့သည် အတင်းအကျပ် နေရာရွှေ့ပြောင်းခြင်း၊ အဓမ္မ လုပ်အားပေး ခိုင်းစေခြင်းနှင့် နိုင်ငံသားအဖြစ် ငြင်းဆန်ခြင်း အပါအဝင် စစ်အာဏာပိုင်များ၏ ဖိနှိပ် မှုများကို ရင်ဆိုင်နေရသည်ဟုလည်း ဥရောပသမဂ္ဂက ပြောသည်။
"မြန်မာပြည် အနောက်ဘက်ဒေသ ရခိုင်ပြည်နယ်ထဲက မေ့လျော့ခံနေရတဲ့ အရေးတကြီး အခြေအနေတွေ အတွက် အထူးတလည် စိုးရိမ်မိပါတယ်။ အဲဒီနေရာမှာ မူဆလင် ရိုဟင်ဂျာ ၈ သိန်းလောက်ဟာ ကြောက်မက်ဖွယ် အခြေအနေ တွေကြားမှာ နေနေရပါတယ်" ဟု မစ်ချယ်က ပြောသည်။
ဥရောပသမဂ္ဂသည် အစောပိုင်းက ရန်ပုံငွေ ယူရို ၁၇ သန်း ထောက်ပံ့ကူညီခဲ့ရာတွင် အမိုးအကာ၊ ရိက္ခာ၊ ရေ၊ သန့်ရှင်းရေးဆိုင်ရာများ၊ ကျန်းမာရေး၊ အာဟာရ၊ ကာကွယ်ရေးနှင့် သန့်ရှင်းသန့်ပြန့်ရေး ဆိုင်ရာများ၊ ကျန်းမာရေး၊ အာဟာရ၊ ကာကွယ်ရေး စသည်တို့အတွက် အသုံးပြုခဲ့သည်။ ဥရောပသမဂ္ဂက ဆိုင်ကလုံး နာဂစ်အရေး ကူညီထောက်ပံ့မှု အသစ်နှင့်ဆိုပါက စုစုပေါင်း ယူရို သန်းပေါင်း ၃၉ သန်းရှိပြီ ဖြစ်သည်။
နိုင်ငံအတွင်း ဆိုင်ကလုန်နာဂစ် ကျရောက်ခဲ့သည်မှာ ၇ လကျော် ကြာမြင့်ခဲ့ပြီ ဖြစ်သော်လည်း လုံလောက်သော အကူအညီများ ထောက်ပံ့ရန် လိုအပ်နေသူများ ယနေ့ထက်တိုင် ရှိနေသေးကြောင်း သုံးပွင့်ဆိုင်အဖွဲ့ဖြစ်သည့် TCG က ပြောသည်။ TCG တွင် အရှေ့တောင်အာရှ နိုင်ငံများ၊ မြန်မာစစ်အစိုးရနှင့် ကုလသမဂ္ဂတို့ ပါဝင် ဖွဲ့စည်း ထားပြီး ဆိုင်ကလုန်မုန်တိုင်း ကျရောက်ရာ ဒေသများတွင် ကယ်ဆယ်စောင့်ရှောက်ရေး အခြေအနေများကို ပြန်လည်သုံးသပ်သည်။
"ကယ်ဆယ် စောင့်ရှောက်နိုင်တဲ့ အနေအထားက မလုံလောက်သေး၊ မပြီးစီးသေးပါဘူး။ အကူအညီတွေဟာ အခုထက်ထိ လိုအပ်နေဆဲပါ။ အထူးသဖြင့် အာဟာရရှိတဲ့ အစားအစာတွေနဲ့ အမိုးအကာတွေမှာပါ" ဟု TCG က သောကြာနေ့တွင် ကြေညာချက် ထုတ်ပြန်ကာ ပြောဆိုလိုက်သည်။
TCG လေ့လာသုံးသပ်ချက်တွင် ၂ဝဝ၈ ခုနှစ် အောက်တိုဘာလ ၂၉ ရက်မှ နိုဝင်ဘာလ ၂၉ ရက်အတွင်း ဧရာဝတီနှင့် ရန်ကုန်တိုင်းအတွင်း နေရာဒေသ ၁ဝ၈ ခုအတွင်း အိမ်ထောင်စု ၂၃၇၆ ကို ကူညီခဲ့သည်။ သူတို့သည် ယာယီ အမိုးအကာများ၊ အစားအသောက်များနှင့် ရေပြတ်လပ်မှုကို ရင်ဆိုင်နေရကာ ဖျားနာကြသူများ ရှိသလို၊ ဝမ်းရောဂါကို ရင်ဆိုင်နေရဆဲဖြစ်ကြောင်း TCG သုံးသပ်ချက်က ပြောသည်။
ကုလသမဂ္ဂက ဆိုင်ကလုံး ဘေးဒဏ်သင့်သူများအတွက် အမေရိကန်ဒေါ်လာ ၄၈၃ သန်း အကူအညီပေးရန် မေတ္တာရပ်ခံလင့်ကစား၊ ၆၄ ရာခိုင်နှုန်းခန့်ဖြစ်သည့် ဒေါ်လာ ၃ဝ၄ သန်းသာ ရရှိခဲ့သည်။
၂ဝဝ၈ ခုနှစ် မေလ ၂-၃ ရက်နေ့များတွင် ဆိုင်ကလုံးမုန်တိုင်း တိုက်ခတ်မှုကြောင့် လူဦးရေ သန်းပေါင်း ၂ ဒဿမ ၄ သန်း ထိခိုက်မှုရှိခဲ့ပြီး၊ အနည်းဆုံး လူဦးရေ တသိန်းသုံးသောင်းမှာ ပျောက်ဆုံး၊ သေဆုံးခဲ့ရသည်။
ဆိုင်ကလုန်းမုန်တိုင်း ပြင်းထန်စွာ တိုက်ခတ်ခံရသည့် လပွတ္တာမြို့နယ် အတွင်းရှိ ပြောင်းရွှေ့ကျေးရွာ ဝါးကုန်း ကျေးရွာ အနီးတွင် ဆားလုပ်ငန်း လုပ်ကိုင်သူ ရွာသားတဦးက အထောက်အပံ့များသည် ဖြေးညင်းစွာ ရရှိ နေသည်ဟု ဆိုသည်။
"အထောက်အပံ့ အကူအညီတွေဟာ ကျနော်တို့ နေရာတွေထက် ပိုမရပါဘူး။ ပြီးခဲ့တဲ့ ၁ဝ ရက်လောက်တုန်းက နောက်ဆုံးတခေါက် အကူအညီ လာပါတယ်" ဟု လူတဦးလျှင် ဆန် ၅ ကီလိုဂရမ် အကူအညီပေးမှုနှင့် ပတ်သက်ပြီး စီးပွားရေး သမား တဦးက ပြောသည်။
အလုပ်သမားများကလည်း သာမန်လုပ်ခ ငွေကြေးထက် ပိုမို တောင်းဆိုနေပြီး၊ စီးပွားရေးလုပ်ငန်း ဆက်လက် လုပ်ကိုင်ရန်မှာမူ သူတို့အနေဖြင့် အကြီးအကျယ် ခက်ခဲနေသလို၊ မြစ်ချောင်းကမ်းပါးအနီး အလုပ်လုပ်ရေး အတွက် စိတ်ဓာတ်ရေးရာအားဖြင့် ကြောက်လန့်နေကာ မုန်တိုင်းကြောင့် လုပ်သားအများအပြား သေဆုံး ခဲ့သည်ဟု သူက ပြောသည်။
"စီးပွားရေးကို အောင်အောင်မြင်မြင် ထပ်လုပ်ဖို့ဆိုရင် ကျနော်တို့မှာ ငွေတွေ လိုအပ်နေတယ်။ ဒါမှလည်း အလုပ်သမားတွေကို ကျနော်တို့က ပေးနိုင်မှာ" ဟု သူက ပြောသည်။
ဆိုင်ကလုန်း မတိုက်ခတ်ခင်က အလုပ်သမားများကို ကျပ်ငွေ ၂ သောင်းသာ ပေးရသော်လည်း၊ ယခုအခါ ၈ သောင်းမှ တသိန်း အကြား တောင်းနေသည်ဟု သူက ပြောသည်။
အစိုးရက တဧကလျှင် ချေးငွေ ၃ သိန်းပေးသော်လည်း သတ်မှတ်ထားသည့် ၃ နှစ်အတွင်း ပြန်ဆပ်နိုင်ရေး အတွက် စိုးရိမ်နေရသည်ဟု သူက ပြောသည်။
ကျေးရွာများကို အကူအညီပေးသည့် အေဂျင်စီအချို့ ရှိနေသော်လည်း လူဦးရေ အများအပြားအနက် အနည်းငယ်သာ ရရှိသော်လည်း ရွှေ့ပြောင်းကျေးရွာများအတွက်မူ အကူအညီ တစုံတရာ မြင်တွေ့ရခြင်း မရှိကြောင်း သူက ပြောသည်။
"ယာယီအိမ်လေးတွေနဲ့ ဒီမှာနေကြတဲ့ လူတွေကို နေရောင်အောက်မှာ နေရဖို့အရေး အရမ်းကို ခက်ခဲတယ်ဗျ။ ဘာကြောင့်လဲဆိုတော့ အိမ်အတွက် ပစ္စည်းပစ္စယတွေနဲ့ အစားအသောက် အထောက်အပံ့တွေ ဆက်ပြီးတော့ လိုအပ်နေတယ်" ဟု ဒေသခံ ရွာသားတဦးက ပြောသည်။
;)
အကြီးကြည့်ရန် နှိပ်ပါ။
0 comments:
Post a Comment
သင်ကြိုက်တာရေးပါ။